Lc 7:13 - Chuj San Sebastian Bible

¹³ Yic 'ix yiln Cajlil jun 'ix cha, 'ix 'o'ch sc'ojl 'a 'ix, 'ix yaln 'ixtc 'a 'ix: —Man̈ ach 'oc'oc, xchi.

Chuj San Mateo Bible

¹³ Ayic ix yilanoch ix snun vin̈ chamnac chi' Jesús, ix oc' sc'ol d'a ix, ix yalan d'a ix: —Man̈ ach oc'oc, xchi d'a ix.

Lc 7:13 Iomraidhean Croise

Salmos 103:13

'Icha wal yo'ch sc'ojl junc mamb'il 'a yunnal, 'ixta yo'ch sc'ojl Jehová 'a 'ayn̈ an̈ yiclum on̈c 'a 'a.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 86:5

Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Is 63:9

Locn xyab' syal yet' eb', caw a xcoln 'el eb'. Yuj schamc'ojlal yet' swach'l snab'en, yuj cha, scoln 'el eb', 'ix squetzn chan̈ eb'. Niwn tiempo 'ix 'ijx b'ey eb' yu'uj.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Mr 8:2

—Caw tz'o'ch in c'ojl 'a eb' 'anma tic, yujto yoxl xo c'u 'ayc' eb' wet' 'a tic, palta man̈x 'a tas tzc'ux eb'.

Lc 10:1

Xlajw xoj cha, xya'n 'och Cajlil yopiso jun tzo'n̈ xo eb' scuywum, 72 sb'isl eb'. 'Ix sb'ab'l checj 'at eb'. Chatcwan̈il x'aj eb' s'at 'a junjn chon̈ab', yet' 'a junjn lugar 'aj 'oj 'ec' pax Cajlil cha.

Lc 11:1

A 'a jun 'el, 'ix leslwi Jesús 'a jun lugar. Ax yic xlajw sleslwi, 'ay jun scuywum 'ix aln 'a 'ixtic: —Mamin, ¿comnoc tzon̈ a cuy 'a lesl on̈, 'icha yutjnac Juan scuyn eb' scuywum? xchi 'a 'a.

Lc 11:39

Palta xyaln Cajlil 'a win 'ixtic: —Ax fariseo ex tic, caw tze b'icl spatquil e vaso yet' e yuc'ab', palta ax tas 'ay 'ejm 'a yojol, ton̈j 'elc'b'il eyuj 'a scal maysch'olnil.

Lc 12:42

Yuj cha, xyaln pax Cajlil 'a eb' 'ixtic: Q'uinloc 'ay junc patron̈ ticnec. A junc smoso yiclum, 'ay pax sjelnal, a 'oj ya'ch yopiso smayltomaoc, sec a 'oj 'ilnc eb' smoso chi smasnil, ax ya'n wa eb' 'a junjn 'ejem.

Lc 13:15

Yuj cha, xyaln pax Cajlil 'ixtc 'a winac: —Ax tic, caw chab'sat ex. Toto 'ay junc e wacax, mto junc e b'uru pixn 'a sc'ul 'iljelal, ¿tom matz e jiy 'el ta, tz'at eya'nc yuc' a'?

Lc 17:5

Ax eb' schecb' Cajlil, xyaln eb' 'ixtc 'a 'a: —Comnoc tzac' wal qui wach' 'a'c 'och qui c'ojl 'a Dios on̈, xchi eb'.

Lc 17:6

Yuj cha, xyaln Cajlilec 'a eb' 'ixtic: —Toto yel tzeya'ch Dios 'a e c'ojol, wach'xam caw jab' 'icha jun pilc sat te rechiwo, 'oj stac eyaln 'ixtc 'a jun niwquil te tic: Q'uen̈ ta yet' smasnil a ch'an̈l yib' tic, 'ixc 'a a mar, 'at 'awj pax a b'a ta', toto 'oj e chioc, 'oj sb'o te 'icha 'oj eyal cha.

Lc 18:6

'Ixta xyutj win juez chi snani, win maysch'olnil snab'en cha.

Lc 19:8

Ax win Zaqueo cha, 'ix q'ue lin̈an, 'ix yaln 'ixtc 'a Cajlil: —Al ticnec Mamin, jantcn̈ej tas 'ay 'ayin, spacl 'oj wutoc. 'Icha wic 'oj canoc, 'ixta 'oj wac' a eb' meb'a'. Toto 'ay eb' xlaj wixtoc, xlaj welc' stumin, chan̈ 'ejm 'oj in jel 'a eb', xchi winac.

Lc 22:61

Ax Cajlil, 'ix sutmj 'at q'ueln 'a Pedro cha. Yuj cha, 'ix snan cot tas 'ix yal Jesús 'a 'a, yic yaln 'ixtic: Yic mantzac 'oc' no 'ajtzo 'a jun 'ac'wl tic, 'ox 'ejm 'oj e'l 'a eb'an̈, chajtlto man̈ in ojcoc, xchi 'a 'a.

Lc 24:3

'Ix 'och eb' 'a yojl q'ue'en, 'ix yiln eb', man̈x 'a sniwnal Cajlil Jesús 'ayc' ta'.

Lc 24:34

Ax eb' cha, xyaln eb' 'a eb' chawn̈ chi 'ixtic: —Wal yel xpitzw pax Cajlilec. 'Ix sch'ox sb'a 'a Simón tic, xchi eb'.

Lc 7:12

Ax yic wan sc'och eb' 'a jun chon̈b' cha, 'ix yiln eb' wan s'at jun xi'lb'a mucxoc yuj eb' 'anma chi ta'. Til wal eb' 'aj chon̈b' chi wan s'at yet'oc. A win xcham cha, yune jun 'ix chamnc yichmil, cojn jun c'otn̈ yune 'ix cha.

Lc 7:14

Xlajw cha, 'ix c'och 'a stz'ey jun xi'lb'a cha. 'Ix 'och yamn 'a te sb'achte'al yaln̈ win cha. Ax ewin b'achjnac cha, 'ix 'och wan ewinac. Xlajw cha, xyaln Jesús 'ixtc 'a win chamnc cha: —Ach quelem, an tzwal 'ayach q'uen̈ wa'an, xchi 'a winac.

Lc 7:19

'Ix schecn cot eb' 'a Jesús yic tzwul sc'anb'oc toto a Jesús chi Cristo, atn jun tan̈b'il xon sjaw yuj eb', mto chuc junc xo tztan̈wj eb' sjawi.

Lc 8:52

Toxn̈ej tzsomlji eb' 'anma chi yoc' yuj 'ix, palta xyaln 'a eb' 'ixtic: —Man̈ ex 'oc'oc, man̈ chamncoc 'ix 'unn tic, ton̈j waync 'ix, xchi.

Jn 11:2

A 'ix María cha, a 'ix sucjnac 'och yal su'q'ui sjab' 'a yoc Jesús, sucn tacjoc 'ix yet' xil sjolom. Ax win Lázaro cha, caw ya'ay.

Jn 11:3

Yuj cha, 'ix ya'n 'at eb' yanb' chi sti 'a Jesús, 'ix yaln 'at eb' 'ixtic: —Mamin, a jun a wach'c'ojl 'a tic, caw ya'ay ticnec, xchi eb'.

Jn 20:13

'Ix sc'anb'n 'elt eb' 'a 'ix 'ixtic: —Ach 'ix, ¿tas yuj tzach 'oq'ui? xchi 'elt eb'. —Yujto 'ix 'ijx 'el sniwnal Wajlil 'a tic. ¿'Ajm wal 'ix yij 'at eb'? xchi 'ix 'a eb'.

Jn 20:15

Yuj cha, sc'anb'n 'a 'ix 'ixtic: —Ach 'ix, ¿tas yuj tzach 'oq'ui? ¿Mach tza sayq'ui? xchi 'a 'ix. Palta snan 'ix, to a win tzmunlj 'a te 'awb'ente chi lin̈n 'ec' ta'. Yuj cha, xyaln 'ix 'ixtc 'a 'a: —Ach winac, toto ach xwul ec' 'elt sniwnal Jesús tic, al 'ayin, 'aj xit' a'cni, sec 'oj wi'ti, xchi 'ix 'a 'a.

Jn 4:1

'Ix yab'n eb' fariseo yab'xil to 'ec'b'al sb'isl eb' scuywum Jesús 'a yib'n̈ eb' yic Juan. 'Ec'b'al pax eb' x'ajx bautisar yu'uj.

Jn 6:23

Palta 'ay jun tzo'n̈ barco xcot 'a chon̈b' Tiberias, 'ix c'och 'a stz'ey jun lugar chi 'aj 'ix swaj eb' 'ixm pan, yic 'ix ya'n Cajlilec yuj diosal yu'uj.

1 Co 7:30

A eb' tzcusi, matz tac' cojn jun scusc'ojlal eb' chi tzna'a. Yet' eb' tzalji, matz tac' cojn jun stzaljc'ojlal eb' chi tzna'a. Yet' eb' tzmanwji, man̈ocn̈ej ta tzya'ch eb' snab'en.

1 Ts 4:13

Ex wu'tac, ex wanab', tzqui nib'j on̈, caw tzeyojquej 'eli, tas wal yaj eb' creyente chamnc xo, sec matz ex cus yuj eb', 'icha tzcus eb' may tas tzya'ch yipc sc'ojol.

A Ch'an̈ Carta D'a Eb' Hebreo 2:17

Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.