Lc 6:8 - Chuj San Sebastian Bible

⁸ Palta yojc Jesús tas wan snan ewinac. Yuj cha, xyaln 'ixtc 'a win sicb'nac 'el sc'ab' cha: —Q'uen̈ lin̈an, cotn̈ quet' on̈, xchi 'a winac. Yuj cha, 'ix q'ue lin̈n winac, 'ix jaw yet' eb'.

Chuj San Mateo Bible

⁸ Palta axo Jesús, yojtacxo tas van snaan eb' vin̈, yuj chi' ix yalan d'a vin̈ sicb'inaquel sc'ab' chi': —Q'uean̈ lin̈an d'a co cal tic, xchi d'a vin̈. Ix q'ue lin̈an vin̈ b'ian.

Lc 6:8 Iomraidhean Croise

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

1 Cr 29:17

Wojc wal ach in Diosal, to tza b'eyc'ojlej qui nab'en, caw tzchaj a c'ojl tojlal. Yuj cha, an tic yet' in tojl nab'enal tzwa'n jun tzo'n̈ tic. A ticnec caw tzin tzalj wilni to a smasnil eb' a chon̈b' yamn 'a tic, wal 'a smasnil sc'ojl eb' 'ix ya'n eb' yofrenda 'ayach.

Job 42:2

Wojc wal si'mb'il to smasnil tas tztac' o'oj; a tas tza nib'j a b'o', tza b'on̈ej.

Salmos 44:21

toto 'ixta', ¿toc am ma'on̈ el coti? ¿toc 'ay junc tas c'ultac yaj to man̈ ojcoc?

Is 42:4

Ma'oj 'iljoc, ma'oj schab'c'ojloc sb'a, masnto 'oj b'eylb'axc tojlal chi 'a sat lum lum tic. A jun tzo'n̈ nacion̈ 'ay 'a sti a mar, 'oj smaclc eb' yab' cuynb'il 'oj yac'a', xchi Dios.

Mt 9:4

Ax Jesús yojc tas wan snan ewinac, yuj cha, xyaln 'a ewin 'ixtic: —¿Tas yuj wan e nan jun tzo'n̈ maysch'olnil tic?

Mr 3:3

'Ix yaln Jesús 'ixtc 'a win sicb'nac 'el sc'ab' cha: —Cotan̈, jawn̈ lin̈n 'a qui tz'ey tic on̈, xchi 'a winac.

Lc 13:12

Ax yic xyiln Jesús, to 'ayc' 'ix ta', 'ix yawtn cot 'ix 'a stz'ey, 'ix yaln 'a 'ixtic: —Ach 'ix, tic ach colchj can 'el 'a jun a yailal tic, xchi 'a 'ix.

Lc 5:22

Palta ax Jesús, yojtac tas wan snan ewinac, yuj cha, xyaln 'ixtic: —¿Tas yuj wan e nan jun tzo'n̈ tic 'ixtic?

Lc 6:9

Xlajw cha, 'ix yaln Jesús 'ixtc 'a ewinac: —'Oj in c'anb'c jun tic 'ayex. ¿'Aja junc 'ay sleyl tzqui b'oc 'a sc'ul 'iljelal tze na'a? ¿Tztac' am tzqui b'oc jun tzo'n̈ tas wach', mto a jun tzo'n̈ maysch'olnil tzqui b'o'ec? ¿Tztac' am ca'nec b'oxc sc'ojl junc ya'ay, mto tzqui wach' milnec chamoc? xchi.

Jn 2:25

Man̈ yowlalc tzat alx 'a 'a, tas snab'en junc mach. Toxn yojtac tas 'ay 'a qui nab'en junjn on̈.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

Jn 9:4

Yowlal tzin b'o smunljel jun mach checjnacn coti, ya' sb'a 'ayt c'u. Yujto a yic tox x'at c'u, man̈x 'a mach tztac' smunlji.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

A Tas Sc'ulejnac Eb' Schecab' Jesús Hechos 26:26

Ax rey Agripa tic, yojc xon jun tzo'n̈ tic si'mb'il. Yuj cha, caw te'n tzwutj in b'a waln jun tzo'n̈ tic 'a yojltac. A jun tzo'n̈ tzwal tic, man̈ c'ultacc yaji, c'uxn yojc eb' 'anma smasnil. Yuj cha wojtac, to yojc pax win rey tic.

A Scarta San Pablo D'a Eb' Aj Filipos 1:28

Caw man̈ ex xiw 'a eb' tzchichn 'och 'ayn̈ec. 'Ixta 'oj eyutc e ch'oxn 'eli, to 'oj satcn 'el eb' 'a jun 'ejmn̈ej. An̈jtona', 'ixta 'oj 'aj scheclj 'eli, to 'ayx qui colnb'ilec, yujto 'ixta 'oj yutc Dios sch'oxni.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

A Sb'ab'el Carta San Pedro 4:1

Caw xyab' Cristo syal yet' sniwnal yic xchami. Yuj cha, qui na'ec, to chamnc on̈c xo pax jun xo. Yujto a eb' chamnac, man̈xtzac sb'o eb' maysch'olnil.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.