Lc 6:6 - Chuj San Sebastian Bible

⁶ Ax 'a junx sc'ul 'iljelal, 'ix 'och Jesús 'a yol capiya, 'ix cuywj 'a eb' yamn yaj ta'. Ata 'ayc' jun winc sicb'nac 'el swach' c'ab', jun 'ejmn̈ej caw tacn̈ cotnac.

Chuj San Mateo Bible

⁶ D'a junxo sc'ual ic'oj ip, ix och Jesús d'a yol spatil culto, ix och ijan sc'ayb'an eb'. Ata' ay jun vin̈ sicb'inaquel svach' c'ab'.

Lc 6:6 Iomraidhean Croise

A Ch'an̈ B'ab'el Libro Yic Yab'ixal Eb' Rey 13:4

'Ayc' win rey Jeroboam chi 'a stz'ey jun yet'l xajmb'al cha, a yic xyab'n win smasnil tas 'ix yal win schecb' Dios chi 'a jun yet'l xajmb'al 'ayc' 'a chon̈b' Betel cha, 'ix ya'n 'at win sc'ab' 'a jun schecb' Dios cha, 'ix yaln 'ixtic: ¡Yamc coti! xchi. Palta a jun sc'ab' 'ix ya't 'a yic sch'oxn cha, caw x'ochcn yip, man̈x 'ic stac' spacn sb'a.

Zacarías 11:17

Caw 'oltac wal jun yilmal in chon̈b' to may snab'en cha, yujto xyactjcan yiln schon̈ab'. Tecx cab' 'och q'uen espada 'a sc'ab' yet' 'a yol sat 'a swach'. Sicb' cab' can 'el sc'ab' cha, 'och cab' 'a sat 'a jun 'ejmn̈ej, xchi Dios.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Lc 13:10

A 'a jun sc'ul 'iljelal, 'ix c'och Jesús 'a jun capiya, 'ix cuywj 'a eb' 'ayc' ta'.

Lc 14:3

Ax Jesús 'ix yal 'ixtc 'a ewin cuywjum 'a ley yic Moisés, yet' 'a ewin fariseo cha: —¿'Aym sleyl tzb'ox junc ya'ay 'a sc'ul 'iljelal, mto ma'ay? xchi 'a ewinac.

Lc 4:16

Xlajw cha, 'ix 'atx Jesús, 'ix c'ochx 'a Nazaret 'aj q'uib'nac. Ax 'a yic sc'ul 'iljelal, x'och 'a yol capiya, yujto 'ixta xon sley. 'Ix q'ue lin̈an yic tzyawtn 'elt Ch'an̈ U'un̈.

Lc 4:31

'Ix c'ochx Jesús 'a Capernaum 'a yol yic Galilea, ata xcuywj 'a eb' 'anma 'a sc'ul 'iljelal.

Lc 6:1

A 'a jun sc'ul 'iljelal, 'ix 'ec' Jesús 'a jun b'e 'a scal trigo yet' eb' scuywum. Ax eb' scuywum cha, sch'in 'elt eb' sjolm 'ixim, sb'uchn eb' sc'uxu'.

Lc 6:5

An tic, tztac' walni tas tzb'o 'a sc'ul 'iljelal, yujto 'Ochnc in 'Anma'il, xchi Jesús 'a ewin fariseo cha.

Jn 5:3

Til wal eb' palta yaj 'ayc' 'a yojol. 'Ay eb' matz uj yilni. 'Ay eb' coxo. 'Ay pax eb' sicb'nac 'eli. [To tztan̈wj eb' yib'x jun a cha.

Jn 9:16

Yuj cha, 'ay jaywn̈ ewin xcob' alnc 'a win 'ixtic: —A jun winc chi xjacn yol a sat cha, man̈ yico'oc Dios, yujto matz yiclj sc'ul 'iljelal, xchi eb' 'a winac. Palta xlaj yalnc jun tzo'n̈ xo eb': —A Jesús cha, man̈ 'ajmuloc. A junc 'ajmul, ¿tom tztac' sch'oxn junc milagro 'icha tzch'ox Jesús tic? xchi ewinac. —Yuj cha, chapoj xyutj sb'a eb'.