Lc 6:42 - Chuj San Sebastian Bible

⁴² Toto man̈ eyojcoc, to 'aych jun patzb' chi 'a yol e sat, ¿tom 'oj stac' eyaln 'a junx chi 'ixtic? Yaj 'elt jun c'alem 'a yol a sat, tzin nib'j tzwij 'elt 'ayach, ¿tom 'oj e chic 'a 'a? Toto 'ixta tzeyutj eyalni, caw chab'sat ex. Yowlal tze b'ab'l 'ijcan 'elt jun patzb' chi 'a yol e sat cha. 'Ixta to b'i'an, 'oj stac' eyilni. Ax eyi'n can 'elt jun c'alem chi 'a yol sat jun eyit 'anmal cha.

Chuj San Mateo Bible

⁴² Tato ayoch jun te' patzab' chi' d'a yol e sat, ¿tom smoj eyalan d'a junxo chi': Ina yajelta jab' c'alem d'a yol a sat chi', tzin nib'ej sviq'uelta d'ayach, tom xe chi d'ay? Tato icha chi' tzeyutej eyalani, te chab' sat ex. Yovalil tze b'ab'laj iq'uejelta jun te' patzab' chi' d'a yol e sat. Ichato chi', syal eyic'anelta jab' c'alem d'a yic jun eyetanimail chi'.

Lc 6:42 Iomraidhean Croise

Pr 18:17

A eb' tzb'ab'l alj sb'a 'a eb' yajal, 'icha to tztac' scoln sb'a eb' snani; palta ax yic tzc'och jun 'ay yowl chi yet' eb' cha, tzcheclj 'eli tas yilx jun yowl eb' cha.

Mt 26:75

Yuj cha, 'ix snan cot Pedro tas yaljnac Jesús 'a 'a, yic yaln 'ixtic: Yic mantzac 'oc' no 'ajtzo', 'ox 'ejm 'oj e'l 'a eb'an̈, chajtlto man̈ in ojcoc, xchi Jesús 'a 'a. Yuj cha, yajn̈ej 'ix 'elt Pedro cha, syamn 'och wal yoc' si'mb'il.

Mt 7:3

Q'uinloc 'ay junc eyit 'anma'il, tz'at jac c'alem 'a yol sat, ax xo, a junc patzb' 'aych 'a yol e sat. Toto matz eyila to 'aych jun te chi 'a yol e sat cha, ¿tom 'oj stac' eyiln jab' c'alem chi 'ayb't 'a yol sat junx cha?

Mt 7:4

Toto 'aych jun patzb' chi 'a yol e sat ¿tom 'oj stac' eyaln 'a jun chi 'ixtic: Yaj 'elt jun c'alem 'a yol a sat, tzin nib'j tzwij 'elt 'ayach, tom 'oj e chic 'a 'a?

Lc 13:15

Yuj cha, xyaln pax Cajlil 'ixtc 'a winac: —Ax tic, caw chab'sat ex. Toto 'ay junc e wacax, mto junc e b'uru pixn 'a sc'ul 'iljelal, ¿tom matz e jiy 'el ta, tz'at eya'nc yuc' a'?

Lc 22:32

Palta caw in tew 'a Dios o'oj, sec matz ej 'el a c'ojl 'a 'a. Ach tic, a yic 'oj meltzj paxt a nab'en 'ayn jun 'ejm xo, tzac' ste'nal eb' o'tac, xchi 'a 'a.

Lc 6:41

Q'uinloc 'ay junc eyit 'anma'il, tz'at c'ajloc c'alem 'a yol sat. Ax xo, q'uinloc a junc patzb' 'aych 'a yol e sat. Toto matz eyila to 'aych jun te chi 'a yol e sat cha, ¿tom 'oj stac' eyiln jab' c'alem chi 'ayb't 'a yol sat junx cha?

Lc 6:43

A jun tzo'n̈ snun te wach', may junc maysch'olnil sat tzyac'a. An̈jtona jun tzo'n̈ snun te maysch'olnil, may junc wach' sat tzyac'a.

A Tas Sc'ulejnac Eb' Schecab' Jesús Hechos 13:10

'Ix yaln 'a win 'ixtic: —Ach tic, caw tzextj paxti eb' 'anma', caw maysch'olnil a nab'en. Yunnalch win diablo, 'ajc'ojl 'ajch 'a smasnil tas wach'. A spaxti Cajlil, caw yel, yuj cha, ¿tas yuj matz actj can extni?

A Tas Sc'ulejnac Eb' Schecab' Jesús Hechos 2:38

Yuj cha, 'ix yaln Pedro 'ixtc 'a eb': —Nac e b'a, tzeya'n 'ajxc bautisar e b'a junjn ex 'a sb'i Jesucristo, sec 'oj 'ajxc can lajwc e mul. 'Ixta to b'i'an, ax ya'n 'och Dios Yespíritu 'ayx jun xo.

A Tas Sc'ulejnac Eb' Schecab' Jesús Hechos 8:21

Ach tic, may aln ec quet' 'a jun copiso tic on̈, yujto man̈ tojloc a nab'en 'a sat Dios.

Ro 2:1

Tzann̈j junc on̈c tzqui b'eyc'ojlej junc xo mach, matz tac' calnec, to may qui mul, yujto a yic tzqui b'eyc'ojlanec cha, wan qui'nec cot yailal 'a quib'an̈. Yujto lajn tas tz'el qui b'onec yet'oc.

2 Co 5:18

Smasnil jun tzo'n̈ xwal tic, a Dios tzb'on 'ayn̈ec. Yuj Cristo ya'jnac Dios niwnc'ojlal 'ayn̈ec, sec junc'ojlal xoj tzon̈ can yet'oc. A 'a'jnac copiso caln 'el on̈, chajtl tz'aj eb' 'anma yoch 'a junc'ojlal yet'oc.

2 Ti 2:21

'Icha jun tzo'n̈ yamc'ab' cha, 'ixta 'on̈. Toto tzcactj can smasnil maysch'olnil, ax 'a sat Cajlil, caw 'ay quel'chi. An̈j 'ayn̈ yico', caw 'ay copiso yu'uj, yujto tzann̈j tas tznib'ej, lista caj qui b'oni.

A Schab'il Carta San Pedro 1:9

Palta a eb' matz b'on jun tzo'n̈ tic, 'icha to macn sat eb', mto matz tac' yiln eb' junc tas 'a najat, yujto man̈xtzac sna cot eb', chajtlto 'ic'b'il can 'el smul eb' 'a yic yaln̈taxi.