Lc 6:38 - Chuj San Sebastian Bible

³⁸ 'A'cn̈ej tas 'a eb' eyit 'anma'il, toto 'ixta', 'oj ya'n̈j pax Dios tas 'ayx jun xo. 'Icha junc tas tz'acn tz'aj yechtaxi, tzquilx 'ejmi, tzicb'tan̈xi, masnto tzq'ue ch'ucn sti', 'ixta 'oj yutc Dios ya'n tastc 'ayex. Yujto 'icha tzeyutj e b'a 'a eb' eyit 'anma'il, 'ixta 'oj ex yutc Dios jun xo.

Chuj San Mateo Bible

³⁸ Aq'uec tas tz'och yuj junocxo mach. Axo Dios ol ac'anpax d'ayex. Icha junoc mucuc tz'och echlab'il, ste b'ud'ji, tenb'il tz'aji, man̈xa b'aj syal yem jab'ocxo, icha chi' ol yutoc Dios yac'an tastac d'ayex. Yujto icha tzeyutej eyac'an d'a eb' eyetanimail, icha pax chi' ol yutoc Dios yac'an d'ayex.

Lc 6:38 Iomraidhean Croise

A Ch'an̈ Schab'l Libro Samuel 19:36

Cojn to tzin 'ec' et' 'a yojl a Jordán tic, tzlajw cha, tzin 'at et' jac xo, ax wiln a 'atcni. ¿Tas yuj tzala to tzin 'at et'oc, yuj a'n spac in wach'c'ojlal 'aych mamin rey?

Ester 7:10

'Ix slocn q'ue eb' win Amán 'a te 'oy ya'jnac b'o yuj Mardoqueo. 'Ixta x'aj sicb' yowl sc'ojl win rey cha.

Ester 9:25

Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Job 42:11

Xlajw to cha, 'ix c'ochx eb' yu'tac Job chi 'at yila', eb' yanab', eb' swach'c'ojol yet' jantcn̈ej mach 'ojtnac 'a yic yalan̈. 'Ix 'och wal jun niwquil tzaljc'ojlal, 'ix wa eb' 'a yatut Job cha. 'Ix syamn 'och eb' ya' sniwnal sc'ojol, 'ix yaln pax eb' to locn eb' xcus yuj yailal 'ix 'ec' 'a yib'n̈ yuj Jehová. Xlaj ya'nc junjn eb' tumin yet' junjn colc'ab' nab'a oro 'a Job cha.

Salmos 79:12

Ach Cajlil on̈, uc 'ejm cab' tzac' spac jun tic 'a eb' 'anma cajn 'a qui la'nil tic on̈, yujto caw ya yaln eb' b'uchwal paxti 'ayach.

Ex 21:24

Q'uinloc tzjuw yol sat 'ix, ye 'ix, sc'ab' 'ix, yoc 'ix, mto tz'a 'ix, tzlajw 'ix, mto sma'xi, 'icha wal tz'aj 'ix cha, 'ixta pax tz'aj win tz'och smul cha.

Pr 10:22

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.

Pr 19:17

A mach 'ela 'a eb' meb'a', 'icha to a 'a Jehová wan ya'n junc chi majnil, ax Jehová, a 'oj 'a'noc spac jun swach' nab'enal cha.

Pr 22:9

A mach 'ela 'a yit 'anma'il, 'oj scha wach'il, yujto tzpojc' tas tzc'ux 'a scal eb' meb'a'.

Jeremías 32:18

Ach tic, tza ch'ox a chamc'ojlal 'a jantcn̈ej smacquixtacl eb' 'anma tz'ec' 'a yolyib'n̈q'uinl tic, palta an̈jtona', tza'ch pax yailal 'a yib'n̈ eb' 'anma yuj smul smam yichm eb' tz'ochi. Ach tic Dios ach, caw wal niwquilch yet' a poder. Jehová tztac' oj smasnil, 'ixtnta ton wal yalx a b'i.

Mt 10:42

Tzann̈j mach tzsiyn junc vaso sicl a 'a junc eb' in cuywum, wach'xam junc may wal yel'chi, palta yujn̈ej to in cuywum, wal yel 'oj scha spac.

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

Mr 4:24

Xyaln pax 'ixtc 'a 'eb': Caw tzeya'ch e chicn 'a tas tzeyab'i, yujto 'icha tzeyutj eya'n 'och e chiquin, 'ixta 'oj yutc Dios ya'n nachjc 'el eyu'uj. 'Oj swach' 'a'c nachjc 'el nan̈locx eyu'uj.

Lc 6:30

Tzann̈j eb' tzc'an junc tas 'ayex, tzeya'n̈j 'a eb'. Ax eb' tz'i'n 'ec' junc tas 'ayex, man̈x e c'anx 'ec' 'a eb'.

Dt 15:10

Yowlal tzex colwj 'a junc meb'a', man̈ teb'iloc tzeyac' tas tznib'ej. Toto 'ixta tzeyutej, ax Jehová qui Diosalec, 'oj yac' yaxilal 'a yib'n̈ smasnil tas tze b'o'o.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.