Lc 6:22 - Chuj San Sebastian Bible

²² Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

Chuj San Mateo Bible

²² Vujn̈ej a in Ac'b'il in cot yuj Dios voch animail tic, ol chichon sc'ool eb' anima d'ayex, ol ex spechelta eb' d'a scal, ol ex sb'uchan eb'. Te chuc ol yal eb' d'a e patic vuuj. Palta ayic ol ex yutan eb' icha chi', te vach' eyico'.

Lc 6:22 Iomraidhean Croise

Is 65:5

Tzlaj yaln eb' 'ixtic: Wach' eyaj ta', man̈ ex jawc 'a qui tz'ey tic on̈, yujto an̈ tic on̈, caw 'ay smay on̈ eyamni, xchi cob' eb'. A jun tzo'n̈ 'anma cha, lajn wal eb' 'icha te c'ac' 'aychi tz'ec' c'u; caw tu s'at stab'l 'a yol qui n̈i'.

Is 66:5

'Ab'tec wal spaxti Jehová, ex to tze chaj eyab' tas tzyala, a tzaln 'ixtc 'ayex: 'Ay jun tzo'n̈ eb' eyit chon̈b' tzchichn 'och 'ayex, tzex spech b'eyc'oc eb', yujto a 'ayn tzeyal e b'a; yuj cha, tzlaj yaln eb' 'ixtic: Sch'ox cab' Jehová chi stzictznil quilnoc, tzqui nib'j tzquila tas tzex 'aj e tzalji, xchi eb' 'ayex. Palta a eb' cha, 'oj q'uixwoc can 'el eb', xchi.

Mt 10:18

'Oj ex yi't pax eb' 'a yojltac eb' niwc yajal wu'uj. 'Ixta 'oj eyaji, sec 'oj stac' eyaln 'el wab'xil 'a eb' yajl cha, yet' 'a eb' man̈ israeloc.

Mt 10:22

Smasnil 'anma 'oj chichnc 'och 'ayx wu'uj. Palta a eb' 'oj 'a'nc techjoc smasnil jun tzo'n̈ cha masnto 'a slajub', 'oj colchjoc eb'.

Mt 10:39

A eb' ton̈j tznib'j colchjoc sb'a 'a yolyib'n̈q'uinl tic, 'oj satl sq'uinl eb' 'a jun 'ejmn̈ej. Palta ax eb' 'oj yac' cham sb'a wu'uj, atn eb' 'oj scha sq'uinl 'a jun 'ejmn̈ej.

Lc 20:15

Yuj cha, xlajwn̈ej sc'ochi, syamn cot ewinac, sto'n 'el ewin 'a sti 'el lu'um, ata smil ewinac. Yuj cha, tzin c'anb'j 'ayex: ¿Tas 'oj yutc win ewin munljum chi tze na'a?

Lc 21:17

Ax eb' 'anma smasnil, 'oj chichnc 'och eb' 'ayex, yujto 'aych e nab'en 'ayin.

Lc 6:21

Ax 'ay e wejl ticnec, caw wach' eyico', yujto 'oj e b'ut'ji. —Ax tzex 'oc' ticnec, caw wach' eyico', yujto 'oj e tzewji.

Jn 12:42

Wach'xam yaljnac can 'ixta', palta 'ay eb' israel 'ix ya'ch sc'ojl 'a Jesús cha. An̈jtona eb' yajal, niwn eb' 'ix ya'ch 'a sc'ojol. Palta matz ch'oxl sb'a eb', yujto tzxiw eb' yuj ewin fariseo, toq'ue tzpech 'elt ewin eb' 'a yol scapiya.

Jn 16:2

Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

Jn 17:14

Tox xlaj walcn a paxti 'a eb'. Palta a eb' 'anma yic yolyib'n̈q'uinl tic, caw tzchichn 'och eb' 'a eb', yujto man̈x yico'oc yolyib'n̈q'uinl tic yaj eb' yet' eb'. 'Icha in an tic, man̈ in yico'oc yolyib'n̈q'uinl tic.

Jn 7:7

A eb' yic yolyib'n̈q'uinl tic eyet'oc, matz tac' tzchichn 'och eb' 'ayex. Palta an xo tic, tzchichn 'och eb' 'ayin, yujto tzin ch'oxli, to maysch'olnil sb'eyb'al eb'.

Jn 9:34

—'In ach tic, toxn 'ajmul ach yic alji. ¿Tom tza nib'j tzon̈ cob' a cuy on̈? xchi ewinac. Xlajw xoj cha, spechn 'elt ewin 'a scal.

A Tas Sc'ulejnac Eb' Schecab' Jesús Hechos 22:22

'Ix smaclj eb' 'anma yab'i', tas chi wan yaln Pablo 'a eb'. Palta ax yic xyab'n eb' yaln junx cha, 'ix syamn 'och eb' sq'ue yaw, xyaln eb' 'ixtic: Cham cab' winac. ¿Tas gana pitzn winac? xchi eb'.

A Tas Sc'ulejnac Eb' Schecab' Jesús Hechos 24:5

A wal win Pablo tic, caw tzcab' syal yuj on̈, 'ijn matz caw techj cuj on̈. C'uxn tz'ec' stzuntzc chan̈ win owl 'a scal eb' quit israelal 'a junjn lugar. Yajl yaj win 'a junc'aj xo cuynb'il, atn eb' tzya'ch sc'ojl 'a jun win 'aj Nazaret.

A Tas Sc'ulejnac Eb' Schecab' Jesús Hechos 9:16

An 'oj in ch'ox 'a 'a, to yowlal 'oj yab' syal wu'uj, xchi Cajlil.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

A Sb'ab'el Carta San Pedro 3:14

Palta toto tzcab'c syal yuj qui wach' b'eyb'al, caw wach' quiquec. Yuj cha, man̈ ex xiw 'a junc mach. Man̈ eyac' somchjc 'el e nab'en.