Lc 6:12 - Chuj San Sebastian Bible

¹² A 'a jun tiempoal cha, 'ix 'at Jesús leslwoc 'a jun tzalan. Jun 'ac'wl 'ix leslwi 'a Dios ta'.

Chuj San Mateo Bible

¹² A d'a juntzan̈ c'ual chi', ix b'at Jesús d'a jun tzalan lesal. Jun ac'val ix lesalvi d'a Dios.

Lc 6:12 Iomraidhean Croise

Salmos 22:2

Sc'ual yac'wlil wawj 'ayach, palta matz in a ta'wej, may 'iljelal wawji.

Is 26:9

Cojn 'ayach, ata 'aych in nab'en yic tz'ec' junjn 'ac'wal; an̈jtona 'a sq'uin̈b'ial, tzach wa'n 'och yipc in c'ojol. A yic tza b'eyc'ojlan eb' 'anma', ata 'oj nachj 'el yuj eb', tas tzyutj eb' stojlb'tzan sb'eyb'al.

Dn 6:10

A yic xyab'n Daniel chajtlto tox 'ix alx 'el jun ley cha, 'ix 'at 'a yatut, 'ix q'ue 'a jun scuarto 'aj tzwayi, ata x'em cumn sleslwi 'a Dios. 'Ox 'ejm xleslwi 'a jun c'u cha, 'icha tzyac' xon 'a junjn 'ejem. A jun scuarto cha, jacn swentnual, ata 'ay 'a stojlal Jerusalén.

Mt 5:1

Yic 'ix yiln Jesús eb' 'anma', 'ix 'at 'a jun tzalan, 'ix 'em wocn ta'. Ax eb' scuywum, 'ix c'och eb' 'a 'a.

Mt 6:6

Ax xo tic, a yic tzex leslwi, tze macch e b'a 'a yol eyatut. Tzlajw cha, c'ultac tzex leslwi 'a qui Mam Dios. Wach'xam c'ultac tzex leslwi 'a 'a, 'oj yab'i', ax ya'n spac 'ayex.

Mr 1:35

Ax 'a yic 'ayt sacb'i, q'ui't wal jab'xo 'ix q'ue wan Jesús, 'ix 'at 'a sti 'el chon̈ab', axta xleslwi.

Mr 3:13

Xlajw cha, x'at Jesús 'a jun tzalan, 'ix yawtn cot mach eb' tznib'j tzcan yet'oc, 'ix jaw eb' 'a 'a.

Mr 6:46

Xlajw yaln can sb'a eb', 'ix 'at 'a jun tzalan yic tzleslwi ta'.

Lc 5:16

Ax Jesús, tz'at 'a 'aj may 'anma', ata tzleslwi.

Lc 6:11

Palta ton̈j xwach' cot yowl ewin fariseo cha, yuj cha, 'ix slajtin sb'a ewinac, tas 'oj yutc ewin Jesús.

Lc 6:17

Xlajw cha, 'ix 'em paxt Jesús 'a jun tzaln chi yet' eb' scuywum cha. 'Ix 'och wan eb' 'a jun pan̈n 'a'lic. Til wal 'anma xjaw 'a eb' ta'. 'Ix laj cot eb' 'a smasnil yol yic Judea, yet' 'a chon̈b' Jerusalén. 'Ay pax eb' xlaj cot 'a sti a mar, atn 'a Tiro yet' 'a Sidón. Xwulc' eb' 'ab'xnoc 'a Jesús, yic tzb'ox can sc'ojl eb' yu'uj.

Lc 9:18

A 'a jun 'el, 'ayc' Jesús leslwoc yet' eb' scuywum sch'ocoj. 'Ix sc'anb'n 'ixtc 'a eb': —¿Machn yal eb' 'anma tzeyab'i? xchi 'a eb'.

Lc 9:28

Tecn am yucb'ixial yaln Jesús jun tzo'n̈ cha, x'at leslwoc 'a jun tzalan. 'Ix yij 'at Pedro, Jacobo yet' Juan yet'oc.

Lc 9:29

Yic wan sleslwi, 'ix jelmj yilxi, chucx yilx 'ix 'aj sat. Ax spichul, caw sac, caw tzictzni x'aji.

Jn 6:3

Ax Jesús cha, 'ix 'at yet' eb' scuywum 'a jun tzalan. Ata x'em wocn yet' eb'.

A Scarta San Pablo D'a Eb' Aj Colosas 4:2

Ax xo e masnil, yelc'ojlal caw tzex leslwi 'a smasnil tiempo. Tzlaj eya'nc pax yuj diosal 'a Dios.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

A Ch'an̈ B'ab'el Libro Samuel 15:11

Comnoc ma'ix wa'ch Saúl tic reyal. Caw wal tzwab' syal yu'uj, yujto xin spatquilj can 'eli, ma'ix syiclj tas xwala, xchi. Ax Samuel caw xcus sc'ojol, yuj cha, 'ix leslwi 'a Jehová 'a smasnil 'ac'wl cha.