Lc 5:36 - Chuj San Sebastian Bible

³⁶ Xlajw cha, xyaln pax junx 'ab'x tic 'a eb' 'ixtic: —May junc mach 'ay junc ya't pichul, tzlot'j 'elt jab'oc, tzya'n 'och sniploc junc 'ichm pichul. Toto 'ixta tzyutej, caw tzjuw 'el jun 'a't cha, man̈ wach'c pax tz'aj jun 'ichm pichl chi yuj jun 'a't cha.

Chuj San Mateo Bible

³⁶ Ix lajvi chi', ix yalanxi junxo ab'ix tic d'a eb' vin̈: —Malaj junoc on̈ ay junoc ac' pichul sco n̈iq'uelta jab'oc, scac'anoch snipuloc junoc c'a pichul. Tato icha chi' scutej, tz'ixtaxel jun ac'to chi'. An̈ejtona', tz'ixtax pax el jun c'a pichul chi' yuj jun ac'to chi'.

Lc 5:36 Iomraidhean Croise

Lv 19:19

Yicljec jun tzo'n̈ in checnb'il tic. Man̈ e cha tajnoc no e cajb'en noc' yet' junc xo no chuc noc'al. Man̈ e calc eyin̈t tzeyawj 'a lum lu'um. Man̈ eya'ch te pichl chucchc yilx sch'alil.

Lc 5:35

Palta at 'oj jawc stiempoal man̈x 'ayc 'ec' win yet' eb', atta 'oj ya'ch sb'a eb' 'a c'ajb'c'ojlal, xchi 'a eb'.

Lc 5:37

An̈jtona', may junc mach tz'a'n 'ejm 'ac' yal uva mantzac jaw sti 'a yojl junc 'ichm tz'u'um. Yujto a yic tzjaw sti jun 'ac' yal uva cha, caw tzsipji, yuj cha, ton̈j tzjat jun 'ichm tz'um chi yu'uj. Ton̈j tz'ixtx jun yal uva chi yet' jun tz'um cha.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Dt 22:11

Man̈ eya'ch jun tzo'n̈ pichl caln yaj sjalx yet' lana, yet' pax te lino.