Lc 5:34 - Chuj San Sebastian Bible

³⁴ Yuj cha, xyaln pax Jesús 'ixtc 'a ewinac: —Q'uinloc 'ay junc nupnel tz'och ticnec, a eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal yic 'ayt 'ec' win tznupn chi yet' eb'?

Chuj San Mateo Bible

³⁴ Ix yalan Jesús d'a eb' vin̈: —Q'uinaloc ay junoc nupnajel, ¿tom syal eyac'anoch eb' avtab'il d'a nupnajel chi' d'a tzec'ojc'olal yacb'an aytoec' vin̈ van yoch yetb'eyum chi' yed' eb'?

Lc 5:34 Iomraidhean Croise

Cantares 5:8

Ex 'ix 'aj Jerusalén, 'a'c e ti eyaln 'a ni quelm chamc'ojlb'il wuj cha, alc yab' na, to wan in cham in nan na, xchi 'ix 'a eb'.

Cantares 6:1

Ach cob's yel xo wach' yilx 'a scal eb' 'ix 'ix wach' yilxi, ¿'ajtil xc'och ni quelm chamc'ojlb'il oj cha? ¿'Ajtil x'atcn na, sec tzon̈ 'at qui say ni et' on̈? xchi eb'.

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

Is 62:5

Yujto 'icha junc win quelm tznupn yet' junc 'ix cob'es, 'ixta 'oj ex yutc Dios, 'oj 'och eyajloc, ax ya'n tzaljoc sc'ojl eyet'oc, 'icha stzalj junc win quelm yet' yistzil, 'ixta 'oj eyaji.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Mt 22:2

'Oj wal 'ayex, chajtl tz'aj eb' 'anma yoch 'a yol sc'ab' jun 'aj satcha'an̈. 'Ay jun rey xya'ch sq'uin̈ jun yunnal yic tznupni.

Mt 9:15

Yuj cha, xyaln Jesús 'ixtc 'a eb': —Q'uinloc 'ay junc nupnel tz'och ticnec. A eb' 'awtb'il 'at ta', ¿tom tztac' ya'n 'och sb'a eb' 'a c'ajb'c'ojlal, yic 'ayt 'ec' win tznupn chi yet' eb'? Palta at 'oj jawc stiempoal man̈x 'ayc 'ec' win yet' eb', atta 'oj 'och eb' 'a c'ajb'c'ojlal. 'Ixta 'in yet' eb' in cuywum.

Lc 5:33

Xlajw cha, xyaln ewin 'a Jesús 'ixtic: —A eb' scuywum Juan Bautista yet' eb' qui cuywum on̈, til wal 'ejm tzya'ch sb'a eb' 'a c'ajb'c'ojlal, tzleslwi eb'. Palta ax eb' a cuywum ach tic, ¿tas yuj ton̈j tzwan̈j eb'? xchi ewin 'a 'a.

Lc 5:35

Palta at 'oj jawc stiempoal man̈x 'ayc 'ec' win yet' eb', atta 'oj ya'ch sb'a eb' 'a c'ajb'c'ojlal, xchi 'a eb'.

Jn 3:29

Q'uinloc 'ay junc nupnel tz'och ticnec. A win tznupni, tzyi'n junc 'ix. Toto 'ay junc swach'c'ojl win 'ayc' yet' ta', caw tzalj yab'n tas tzyal win tznupn chi yet' 'ix 'ix cha. An̈jtona', 'ixta 'in tzalj ticnec, yujto wan yoch eb' 'anma scuywumoc Jesús.

2 Co 11:2

Caw wal tzex in ya'ilej, 'icha wal tzyutj Dios ex sya'ilni. Yujto tox xwac' in trato yet' Cristo, chajtlto 'oj ex wac' 'a yol sc'ab'. 'Icha junc cob's 'ix mant 'a jac smul, tz'ajx 'och 'a yol sc'ab' yichmil, comnoc 'ixta 'ex, yic 'oj ex wa'nc 'och 'a yol sc'ab' Cristo.