Lc 5:29 - Chuj San Sebastian Bible

²⁹ Ax Leví cha, 'ix ya'ch jun niwn q'uin̈ 'a yatut yic tz'och wa'el, sec tzwa Jesús yet'oc. Til wal eb' tecm 'el tumin, yet' jun tzo'n̈ xo eb' 'anma x'em wocn 'a te mexa yet' eb'.

Chuj San Mateo Bible

²⁹ Ichato chi', ix och jun nivan vael d'a spat vin̈ yic sva Jesús yed'oc. Tzijtum eb' vin̈ tecumel alcabar yed' juntzan̈xo eb' anima ix och yed' eb' d'a mexa.

Lc 5:29 Iomraidhean Croise

Mt 11:19

Xlajw cha, in jaw an 'Ochnc in 'Anmal tic. An xo tic, tzin wan̈ej, tzwu'jn̈ej tas. Palta tzyal eb' 'ixtc wu'uj: A Jesús cha, cojn wal snib'n wa sb'a, 'u'm 'an̈ paxi. Caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xchi eb' wu'uj. Palta a eb' 'ay sjelnal Dios 'a 'a, tzcheclj 'el sjelnal eb' chi yuj tastc tzb'o'o, xchi Jesús 'a eb'.

Mt 5:46

Toto cojn eb' 'ay schamc'ojlal 'ayx tze chamc'ojlej, ¿tom 'oj e cha spac jun chi tze na'a? An̈jtona ewin tecm 'el tumin, 'in 'ixta pax tzyutj sb'a ewinac.

Mt 9:10

Ax 'a jun 'el, wocn 'ejm Jesús wac yet' eb' scuywum 'a yol jun n̈a. An̈jtona', til wal eb' tecm 'el tumn 'ayc' ta', yet' jun tzo'n̈ xo eb' maysch'olnil sb'eyb'al, jun xwa' eb' yet' eb'.

Mt 9:9

Ax Jesús, 'ix 'atxi. Yic wan sb'eyi, 'ix yiln jun Mateo sb'i. Wocn 'ejm 'a yet'l 'aj tztecl tumn 'a eb' 'anma'. —'Ochn̈ in cuywumoc, xchi Jesús 'a 'a. Yajn̈j cha, xq'ue wa'an, 'ix 'och scuywumoc.

Mr 2:15

Ax yic xc'och Jesús wac 'a yatut win Leví cha, yic 'ix 'em wocn swa yet' eb' scuywum, 'ay pax nan̈l eb' tecm 'el tumn 'ix 'em wocn yet' eb', yet' nan̈l xo eb' maysch'olnil sb'eyb'al. Yujto til wal eb' tox x'och tza'n yu'uj.

Lc 15:1

Smasnil eb' tecm 'el tumin, yet' jun tzo'n̈ xo eb' maysch'olnil sb'eyb'al, 'ix jaw eb' 'a Jesús yic tz'ab'xni eb' 'a 'a.

Jn 12:2

Yic 'ix c'och Jesús ta', 'ix ya'n eb' jun niwn wal yet'oc. 'Ix wa pax Lázaro yet' eb'. Ax 'ix Marta, a 'ix x'a'n servil eb'.

1 Co 10:27

Q'uinloc 'ay junc man̈ creyenteoc tzex 'awtn 'at wac 'a yatut. Toto tze nib'j tzex 'ati, tzta'n̈j tze c'ux tas tzyac' 'ayex. Man̈ e c'anb'c 'a 'a, aj tzcot jun tzo'n̈ chi tzyac' 'ayx cha, sec wach' matz juw 'el e nab'en yu'uj.