Lc 5:26 - Chuj San Sebastian Bible

²⁶ Yuj cha, caw 'ix sat sc'ojl smasnil eb' 'ayc' ta'. 'Ix laj yalnc eb' wach' paxti 'a Dios, caw 'ix xiw pax eb'. 'Ix laj yalnc eb' 'ixtic: —A jun tzo'n̈ tas xquilc 'a jun c'u tic, mant 'a xon 'aj tzquilc 'ixta', xchi eb'.

Chuj San Mateo Bible

²⁶ Ix laj och q'uelan eb' smasanil ix laj yalan vach' lolonel eb' d'a Dios, ix te sat sc'ol eb', yuj chi' ix laj yal eb': —Ix te sat co c'ool quilan juntzan̈ tic, xchi eb'.

Lc 5:26 Iomraidhean Croise

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Os 3:5

'Oj lajwc cha, ax 'a yic slajb' tiempoal, 'oj yalx sb'a eb' wit israelal 'a Jehová qui Diosal jun 'ejm xo, ax schan pax sc'ojl eb' yoch junc yin̈tl David sreyloc. 'Ixta 'oj yutc yi'n 'ejm sb'a eb' 'a Jehová, ax schan eb' swach'c'ojlal.

Mt 12:23

Ax eb' 'anma smasnil, caw sat sc'ojl eb' yilni, 'ix laj yalnc eb' 'ixtic: —¿A jun winc tic, am jun yin̈tl David tan̈b'il sjaw cujec? xchi eb'.

Mt 28:8

Yajn̈j wal cha, xyactn can eb' 'ix jun q'uen cha, caw xiw eb' 'ix, palta caw xtzalj pax eb'. Yuj cha, carela x'at eb' yal 'a eb' scuywum Jesús.

Mt 9:8

A yic xyiln eb' 'anma jun cha, caw 'ix xiw eb'. 'Ix laj yalnc eb' wach' paxti 'a Dios, yujto caw niwn spoder 'ix yac' 'a jun mach 'a scal eb' cha.

Mr 2:12

Yajn̈j wal cha, 'ix q'ue wan winac, 'ix yi'n chan̈ win swaynub' cha, q'ueln 'och eb' smasnil 'ix pax winac. Yuj cha, caw sat sc'ojl eb' smasnil, 'ix laj yalnc eb' wach' paxti 'a Dios. —Toxn mant xon 'aj tzquil jun tic 'ixtic, xchi eb'.

Lc 1:65

Yuj cha, caw sat sc'ojl jantcn̈ej eb' 'ay 'a stz'ey. C'uxn 'ix pucl speclal jun chi 'a eb' lum jolmctac witz yic Judea cha.

Lc 5:8

Yic 'ix yiln Simón Pedro jun cha, 'ix 'em cumn 'a yojltac Jesús, 'ix yaln 'ixtic: —Mamin, mamtzac ej 'el a b'a 'a in tz'ey, yujto an tic caw 'ajmul in, xchi.

Lc 7:16

Yic 'ix yiln eb' 'anma chi jun cha, caw 'ix xiw chan̈ eb' smasnil. 'Ix laj yalnc eb' wach' paxti 'ixtc 'a Dios. —'Ay jun schecb' Dios 'ix checlj 'el 'a qui calc tic, caw niwn yel'chi, xchi eb'. 'Ix laj yalnc pax eb' 'ixtic: —Caw 'ix jaw Dios colwjoc 'ayn̈ an̈ schon̈b' on̈ec tic, xchi eb'.

Lc 8:37

Ax eb' 'anma smasnil 'a yol yic Gerasa cha, 'ix tew 'och eb' 'a Jesús, sec tz'el 'a yol slugar eb', yujto caw tzxiw eb' yu'uj, yuj cha, x'ochx 'a yol barco yic tzpaxi.

A Tas Sc'ulejnac Eb' Schecab' Jesús Hechos 4:21

Yuj cha, swach' xib'tn cob' ewin eb'. Xlajw cha, xya'n 'el ewin eb' 'a libre. Ma'ix nachj 'el yuj ewinac, tas tzyutj ewin ya'n 'och syailal eb', yujto smasnil eb' 'anma xaln wach' paxti 'a Dios, yuj jun xb'o yuj eb' cha.

Gl 1:24

Yuj cha, laj yalnc eb' wach' paxti 'a Dios wu'uj.