Lc 5:17 - Chuj San Sebastian Bible

¹⁷ Ax 'a jun c'u, 'ix cuywj Jesús 'a eb' 'anma'. Wocn 'ejm jun tzo'n̈ ewin fariseo ta', yet' jun tzo'n̈ ewin cuywjum 'a ley yic Moisés. Xcot ewin 'a junjn chon̈b' 'a yol yic Galilea, yet' 'a Judea. 'Ay pax ewin xcot 'a Jerusalén. Ax Jesús, caw xcheclj 'el spoder Dios 'a 'a, yic 'ix ya'n b'oxc sc'ojl eb' ya'ay.

Chuj San Mateo Bible

¹⁷ D'a jun c'u van sc'ayb'an eb' anima Jesús, c'ojc'umb'a juntzan̈ eb' fariseo yed' pax eb' c'ayb'um d'a ley Moisés. A d'a junjun chon̈ab' d'a yol yic Galilea yed' d'a yol yic Judea ix laj cot eb'. Ay pax eb' ix cot d'a Jerusalén. Axo Jesús ix checlajel spoder Dios d'ay, ayic ix yac'an b'oxoc sc'ol eb' penaay.

Lc 5:17 Iomraidhean Croise

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Mt 15:1

'Ay jun tzo'n̈ ewin fariseo yet' ewin cuywjum 'a ley yic Moisés, 'ix cot ewin 'a Jerusalén. 'Ix syamn sb'a ewin 'a 'aj 'ayc' Jesús. 'Ix sc'anb'n ewin 'a 'ixtic:

Mr 1:45

Palta ax yic 'ix 'at winac, 'ix syamn 'och win yaln 'eli, chajtl 'ix 'aj sb'oxi, c'uxn 'ix spucl yab'xil. Yuj cha, man̈xtzac stac' yoch Jesús 'a yol junc chon̈ab', yujto til wal mach tznib'j tzjaw 'a 'a; 'ix b'ey 'a 'aj may wal 'anma', palta xlaj cot eb' 'a junjn lugar, xjaw eb' 'a 'a.

Mr 16:18

Toto 'oj syam eb' junc chan, toto 'oj yuc' eb' junc tas tzcham 'anma yu'uj, may 'oj 'aj eb'. Toto 'oj ya'b't eb' sc'ab' 'a sjolm eb' ya'ay, 'oj b'oxc sc'ojl eb' yuj eb', xchi Jesús.

Mr 3:22

'Ay jun tzo'n̈ ewin cuywjum 'a ley yic Moisés 'ix cot 'a Jerusalén, 'ix yaln ewin 'ixtic: A win Beelzebú a 'aych yet' Jesús. Yuj cha, tztac' ton yi'n 'el Jesús ewin demonio cha, yujto a win 'aych yet'oc, xchi ewinac. A win Beelzebú cha, a win yajl yaj 'a ewin demonio.

Mr 5:30

Ax Jesús, yojtac to 'ay mach 'ix b'ox sc'ojl yuj spoder, yuj cha, 'ix sutmj 'at q'ueln 'a eb' 'anma cha, 'ix sc'anb'n 'ixtc 'a eb': —¿Mach jun stzaych sc'ab' 'a in pichl tic? xchi 'a eb'.

Mr 7:1

'Ay jun tzo'n̈ ewin fariseo, yet' jaywn̈ ewin cuywjum 'a ley yic Moisés, 'ix cot ewin 'a Jerusalén, syamn sb'a ewin 'a 'aj 'ayc' Jesús.

Lc 15:2

Yuj cha, xcot yowl ewin fariseo yet' ewin cuywjum 'a ley yic Moisés, 'ix yaln ewin 'ixtic: —A win tic, tzchajn̈ej win eb' maysch'olnil sb'eyb'al tzc'och 'a 'a, 'in tzwa yet' eb', xchi ewinac.

Lc 2:46

At 'a yoxl c'u 'ix 'ilchj yuj eb' 'a yamq'uil yatut Dios. Wocn 'ejm yet' eb' cuywjum 'a ley yic Moisés. Wan yab'xni 'a eb', tzc'anb'n pax jun tzo'n̈ tas 'a eb'.

Lc 5:21

Ax ewin cuywjum 'a ley yic Moisés yet' ewin fariseo, 'ix snan ewin 'ixtic: ¿'Aj wal xyij cot sb'a winac, yuj chi tzb'uchwj win 'a Dios? Toc 'ay xon junc mach tztac' ya'n lajwc qui mul, cojxn Dios, xchi ewinac.

Lc 5:30

Palta ax ewin fariseo yet' jun tzo'n̈ xo spartido ewinac, atn ewin cuywjum 'a ley yic Moisés, tu xyal ewin 'a eb' scuywum Jesús. 'Ix yaln ewin 'ixtic: —¿Tas yuj junn̈j tzex wa yet' eb' tecm 'el tumin, yet' jun tzo'n̈ xo eb' maysch'olnil sb'eyb'al tic? xchi ewin 'a eb'.

Lc 6:19

C'uxn tznib'j eb' 'ec' stzaych sc'ab' 'a Jesús cha, yujto tzlaj b'ox can sc'ojl eb' smasnil yuj spoder.

Lc 7:30

Palta ax ewin fariseo yet' ewin cuywjum 'a ley yic Moisés, man̈ schajnac ewin 'ajxc bautisar sb'a yu'uj. 'Ixta xyutj ewin sch'oxni, to a tas tznib'j Dios 'a ewinac, may yel'ch 'a sat eb'.

Lc 8:46

Palta xyaln Jesús 'ixtic: —'Ay jun mach 'ix 'ec' stzaych sc'ab' 'ayin, wojtac to 'ix b'ox sc'ojl yuj in poder, xchi.

Jn 3:10

Yuj cha, xyaln pax Jesús 'ixtic: —¿Tom mant ojcoc jun tzo'n̈ tic? Palta 'in caw cuywjum ach 'a scal eb' quit israelal si'mb'il.

Jn 3:21

Palta a eb' tzyiclni 'icha tzyal jun cuynb'il caw yel, tzchaj eb' jun sacq'uinl tic, sec wach' tzcheclj 'eli to 'aych Dios yet' eb' yuj tas tzb'o'o, xchi Jesús 'a Nicodemo cha.

A Tas Sc'ulejnac Eb' Schecab' Jesús Hechos 19:11

Ax Dios 'ix c'anlb'an Pablo sch'oxn jun tzo'n̈ milagro caw niwn yel'chi.

A Tas Sc'ulejnac Eb' Schecab' Jesús Hechos 4:30

'Ac' wal a poder 'ayn̈ on̈, sec 'oj b'oxc sc'ojl eb' ya'ay. A yet' Jesús tza b'o jun tzo'n̈ milagro tzch'oxn 'el a poder. A Jesús cha, Onnal, atn jun sic'b'il 'el o'oj, xchi eb' 'a Dios.

A Tas Sc'ulejnac Eb' Schecab' Jesús Hechos 5:34

Palta a 'a scal ewin yajl cha, 'ay jun win fariseo, Gamaliel sb'i. Caw cuywjum 'a sley Dios. Caw wal wach' win 'a sat eb' 'anma'. 'Ix q'ue lin̈an. 'Ix ya'n 'ijxc 'el eb' schecb' Jesús jun rato.