Lc 5:1 - Chuj San Sebastian Bible

¹ A 'a jun 'el, xc'och Jesús 'a sti a mar yic Genesaret. Til wal 'anma 'ix syam sb'a. Caw witz'n x'ajch eb' 'a 'a, yujto tznib'j eb' tzyab' spaxti Dios.

Chuj San Mateo Bible

¹ A junel ayec' Jesús d'a sti' a' n̈ajab' Genesaret. Tzijtum anima ix c'och d'ay, ix te vitz'c'aj yuj eb' yujto snib'ej eb' syab' slolonel Dios.

Lc 5:1 Iomraidhean Croise

Nm 34:11

Tz'atx 'a Sefam masnto tzc'och 'a Ribla, 'a stojlal 'aj tzq'uel c'u 'a Aín. Tzlajw cha, tz'emx jun mon̈jon chi 'a stojlal 'aj tzq'uel c'u 'a spac'b'il a niwquil pama tzcuch Cineret,

Mt 11:12

Yictax syamn 'och Juan ya'w bautisar, masnto ticnec, til wal 'anma yelc'ojlal tz'och 'a yol sc'ab' Dios. 'Ay eb' te'n tzyutj sb'a, caw tzyac' eb' 'ip ya'n 'och sb'a 'a yol sc'ab'.

Mt 14:34

Ax yic xlajw sc'axw 'e't eb' 'a a a cha, 'ix jaw eb' 'a yol yic Genesaret.

Mr 3:9

Xlajw cha, xyaln Jesús 'a eb' scuywum, to tzyac' lista eb' junc barco, sec matz witz'nb'i yuj eb' 'anma', yujto til wal eb'.

Mr 4:1

'Ix syamn 'och Jesús scuywj 'a eb' 'anma 'a sti a mar jun 'ejm xo. Til wal 'anma 'ix syam sb'a ta'. Yuj cha, 'ix 'och 'a yol jun barco 'ayc' 'a sti a', 'ix 'em wocan. Ax eb' 'anma cha, xcan eb' smasnil 'a sti a cha.

Mr 5:24

Yuj cha, x'at Jesús yet' winac, til wal 'anma x'at yet'oc, caw witz'n s'at yet' eb' 'a yol b'e.

Mr 6:53

Xlajw sc'axw 'ec' eb' 'a a a cha, 'ix c'och eb' 'a yol yic Genesaret, 'ix spixn can eb' te barco chi 'a sti a'.

Lc 12:1

A 'a jun 'el, til wal smil-l eb' 'anma 'ix syam sb'a 'a Jesús. Caw witz'n x'aj eb', xlaj stec' eb' yoc. Ax Jesús, 'ix b'ab'l aln 'a eb' scuywum chi 'ixtic: Tzeyil wal e b'a 'a yich span ewin fariseo, atn 'a schab'satl ewinac.

Lc 5:2

Ax xyiln Jesús, 'ayc' chab' te barco 'a sjayl sti a'. Ax eb' yajl te', man̈ 'ayc 'ec' eb' 'a yojol, yujto wan sju'n eb' schim yic syamlab' chay.

Lc 8:22

A 'a jun 'el, 'ix 'och Jesús 'a yol barco yet' eb' scuywum, 'ix yaln 'a eb' 'ixtic: —Coyc 'a sc'axpil 'ec' a', xchi 'a eb'. Yuj cha, x'at eb'.

Lc 8:23

Ax yic wan sb'ey eb' 'ix way Jesús. Palta jun 'ipn̈ej wal cha, 'ix jaw jun 'ic' caw ow. 'Ix yutz'n chan̈ a', x'och chel-loc a 'a yojl te', 'ijn wal xcaw 'at te 'a yich a'.

Lc 8:33

Yuj cha, x'el ewin demonio chi 'a win b'i'an, ax 'a e no chitm chi x'at 'ochx can ewinac. Yuj cha, x'at e no 'a sat pac'an, 'ix c'och e no 'a yojl a mar. Axta xjic'w cham e no smasnil.

Lc 8:45

Ax Jesús, 'ix sc'anb'n 'ixtc 'a eb' 'anma cha: —¿Mach jun stzaych sc'ab' 'ayin? xchi. Palta xyaln eb' smasnil, to may eb' stzaych sc'ab' 'a 'a. Ax Pedro yet' jun tzo'n̈ eb' yit cuywumal, 'ix yaln eb' 'ixtc 'a 'a: —Ach qui Cuymal, caw sin̈n̈i ajcn 'a scal eb' 'anma', yic tzon̈ b'eyi. Til wal eb' tzlaj stench sb'a 'ayach, tzlajw cha, tza c'anb'ni: ¿Mach stzaych sc'ab' 'ayin? xa chi, xchi eb' 'a 'a.

Jn 1:40

A chawn̈ eb' cha, 'ix yab' eb' tas xyal Juan. Yuj cha, x'och eb' scuywumoc Jesús. 'Ay jun Andrés sb'i 'a eb', yu'tac sb'a yet' Simón Pedro.

Jn 6:1

Xlajw cha, 'ix 'at Jesús, 'ix c'ochx 'a junx sc'axpil 'ec' sti a mar yic Galilea. A jun a cha, Tiberias pax sb'i.

Dt 3:17

Ax lum 'ay 'a stojlal 'aj tzq'uel c'u, 'ix wac' lum span̈nil sti a Jordán 'a eb'. Lum tzq'ue'ch 'a span̈nil lum tzaln Pisgá 'a stojlal 'aj tzq'uel c'u, atn jun chi mon̈jon yaj 'a a niwquil a Jordán. Tz'atn̈j sti a Jordán cha, tzc'och 'a jun a niwquil pama tzcuch Quinéret masnto tzc'och 'a a mar yic Arabá, atn pax a tzcuch Mar Muerto.

A Ch'an̈ Carta D'a Eb' Hebreo 13:7

Tze na cot eb' laj 'e'nc ex scuyu', eb' laj aljnac 'el spaxti Dios 'ayex. Tze na coti, tas 'ajnc eb' yuj swach' b'eyb'al. 'Icha yutjnac eb' ya'n 'och sc'ojl 'a Dios, 'ixta tzeyutj e b'a jun xo.

Josué 12:3

A pax tz'a'n yajlil 'a yib'n̈ lum span̈nil sti a Jordán 'a stojlal 'aj tzq'uel c'u, tz'el yich 'a a niwquil pama tzcuch Cineret, masnto 'a a Mar Muerto, 'a stojlal Bet-jesimot, 'a stojlal sur, masnto 'a yich witz Pisga.

Josué 13:27

Xyi'n pax eb' lum pan̈n 'a lum Bet-aram, Bet-nimra, Sucot, yet' Zafón, cojxn jun tzo'n̈ tic cann̈c can 'a 'aj tzyac' win Sihón yajlil. 'Ix 'el yich slum eb' chi 'a stojlal sur 'a a niwquil pama tzcuch Cineret.