Lc 4:41 - Chuj San Sebastian Bible

⁴¹ Til wal eb' 'aj 'ix yij 'el ewin demonio, xlaj yalnc chan̈ ewin demonio chi 'ixtic: —Ach tic, Yunnal ach Dios, xchi ewin 'a 'a. Palta 'ix stenn 'och wan Jesús ewinac, ma'ix schaj paxtinc ewinac, yujto yojc xon ewinac to a Cristo.

Chuj San Mateo Bible

⁴¹ Tzijtum eb' anima b'aj ix laj el eb' enemigo, ix laj el yav eb', ix yalan eb': —A ach tic Yuninal ach Dios, xchi eb' d'ay. Palta axo Jesús ix cachan eb' enemigo chi', maj schalaj lolon eb', yujto ojtacab'il yuj eb' to Cristo.

Lc 4:41 Iomraidhean Croise

Mt 26:63

Palta caw sictacn̈ej yaji. Yuj cha, xyaln pax win 'ixtc 'a 'a: —Al 'ayn̈ on̈ toto Cristo ach, toto yel yunnalch Dios, yowlal tzal 'a sat Dios pitzan, xchi win 'a 'a.

Mt 4:3

'Ix c'och win 'a'm prowal chi 'a 'a, 'ix yaln win 'ixtc 'a 'a: —'In yunnal ach Dios, yuj cha, al 'a jun tzo'n̈ q'uen tic, 'och cab' panil, xchi win 'a 'a.

Mt 8:16

Ax 'a sq'uic'b'alil, til wal eb' tz'ixtx yuj ewin demonio, 'ix 'ijx 'at eb' 'a Jesús. Junn̈j paxti'al xyala, x'el ewin demonio chi 'a eb'. An̈jtona', 'ix ya'n b'oxc can sc'ojl smasnil eb' ya'ay.

Mt 8:29

'Ix q'ue yaw eb' yaln 'ixtc 'a Jesús: —Jesús, ach Yunnal Dios, ¿tas aln ec 'ayn̈ on̈? ¿Tom tzach jaw on̈ wul extc mu'c on̈, yic mantzac jaw stiempoal? xchi eb' 'a 'a.

Mt 8:4

Xlajw cha, xyaln pax 'a winac: —'Ab'i, 'ayt 'aj xal-l jun tic. Palta 'ixic, 'at ch'ox a b'a 'a win ya'mal 'och qui ti 'a Dios. 'At 'ac' junc a ofrenda 'a Dios, 'icha yaj yaln can Moisés. 'Ixta 'oj 'aj scheclj 'eli, chajtlto ach b'ox cani, xchi Jesús 'a winac.

Mr 1:25

Ax Jesús, 'ix tumwj 'ixtc 'a jun demonio cha: —Tz'in xa chi, 'eln̈ 'a winac, xchi.

Mr 1:32

Ax yic tox 'ix 'at c'u, wan xo sq'uic'b'i, 'ix 'ijx cot smasnil eb' ya'ay 'a Jesús, yet' eb' 'aych ewin demonio 'a 'a.

Mr 1:34

Til wal tzann̈j yab'ilal tz'i'n eb', 'ix b'ox can eb' yu'uj. Til wal ewin demonio 'ix yij 'el 'a eb'. Ma'ix schaj paxtinc ewinac, yujto yojc ewinac to a Jesús sic'b'il 'el yuj Dios.

Mr 3:11

Ax jun tzo'n̈ eb' demonio, yic xyiln ewin Jesús, x'em cumn ewin 'a yojltac, x'awj chan̈ ewin 'ixtic: —Ach tic Yunnal ach Dios, xchi ewinac.

Lc 4:39

Yuj cha, 'ix c'och lin̈n 'a stz'ey 'ix, stenn 'och wan jun c'a'l yab'il cha. Yajn̈j wal cha sicb' 'a 'ix, 'ix q'ue wan 'ix, xya'n servil 'ix eb'.

Jn 20:31

'Ix tz'ib'x can jun tzo'n̈ tic, sec 'oj eya'ch 'a e c'ojol, to a Jesús atn Cristo, Yunnal Dios. Toto 'oj eya'ch 'a e c'ojol, 'oj e cha e q'uinl 'a jun 'ejmn̈ej 'a 'a.

Santiago 2:19

'Ay eb' tz'a'n 'och 'a sc'ojol, to junn̈j Dios. Wach' ton cob' tzna eb'. Palta an̈jtona', 'ixta pax ewin demonio, tzya'ch cob' ewin 'a sc'ojol, palta caw tz'ib'x ewin yuj xiwlal.