Lc 4:40 - Chuj San Sebastian Bible

⁴⁰ Ax 'a yic yemc'ual, c'uxn x'ijx cot eb' ya'ay 'a 'aj 'ayc' Jesús. Chucchc yab'ilal tz'i'n junjn eb'. 'Ix stzayn 'och sc'ab' 'a junjn eb'. 'Ixta to b'i'an, xlaj b'ox can eb' yu'uj.

Chuj San Mateo Bible

⁴⁰ Axo d'a yemc'ualil, masanil juntzan̈ eb' penaay ix ic'jicot d'a Jesús. Ch'occh'oc ilyail tz'ic'an eb'. Ix yac'anec' sc'ab' d'a yib'an̈ eb', ix laj b'oxican eb'.

Lc 4:40 Iomraidhean Croise

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Mt 14:13

Yic 'ix yab'n Jesús jun cha, 'ix 'och 'a yol jun barco yet' eb' scuywum. 'Ix 'at eb' 'a 'aj 'ayc' eb' cha, sch'ocj xoj eb' x'at 'a jun lugar 'aj may 'anma'. Palta xyab'n eb' 'anma cha to tz'at eb', yuj cha, xlaj 'elt eb' 'a junjn chon̈ab', 'ix laj 'at eb' 'a yoc, sec tzc'och eb' 'a 'aj tzc'och Jesús.

Mr 3:10

Caw niwn eb' tox 'ix b'ox sc'ojl yu'uj, yuj cha, til to wal eb' ya'ay 'ix syam sb'a, yic tzayn 'och eb' sc'ab' 'a 'a.

Mr 5:23

caw 'ix tew 'och win 'a 'a, 'ix yaln win 'ixtic: —Caw jab'xoj pitzn jun wisil, con̈ wet'oc, tz'at a tzaych a c'ab' 'a 'unix, sec 'oj b'oxoc, yic wach' ma'oj chamoc, xchi win 'a 'a.

Mr 6:5

Ma'ix stac' wal sb'on jun tzo'n̈ milagro ta', cojn 'a yib'n̈ jaywn̈ eb' ya'ay 'aj 'ix ya't sc'ab', yic tzb'ox can sc'ojl eb'.

A Tas Sc'ulejnac Eb' Schecab' Jesús Hechos 19:12

'Ay eb' x'i'n cot payu', yet' pichul, xit' squiln 'och eb' 'a sniwnal Pablo. Xlajw cha, x'at ya'nc 'och eb' 'a eb' ya'ay. 'Ixta x'aj sb'ox can sc'ojl eb' yu'uj. 'Ay pax ewin demonio x'el 'a eb' 'anma yu'uj.

A Tas Sc'ulejnac Eb' Schecab' Jesús Hechos 5:15

Yuj cha, xlaj 'ijx 'elt eb' ya'ay 'a yoltc caye yet' swaynub'. Ata 'ix stan̈wj eb' yec' Pedro, sec toq'ue tz'ec' jac yen̈l 'a yib'n̈ eb'.