Lc 4:35 - Chuj San Sebastian Bible

³⁵ Yuj cha, 'ix tumwj 'a win demonio chi 'ixtic: —Tz'in xa chi, 'eln̈ 'a winac, xchi. Yajn̈j wal cha, xtelw can 'at t'ocnjoc win yuj jun demonio cha. 'Ixta to b'i'an, x'el jun demonio chi 'a winac. Palta may jac x'i'n can winac.

Chuj San Mateo Bible

³⁵ Axo Jesús ix tuman jun enemigo chi', ix yalan d'ay: —Tz'in xa chi, actejcan jun vin̈ tic, xchi d'ay. Ix lajvin̈ej chi', ix syuman telvoc jun vin̈ b'aj ayoch chi', ix eli, maj lajvoclaj vin̈ yuuj.

Lc 4:35 Iomraidhean Croise

Salmos 50:16

Palta ax eb' maysch'olnil sb'eyb'al, tzyal Dios 'a eb' 'ixtic: ¿Tom 'ay eyaln eyic eyaln 'el in cuynb'il, yet' eyaln 'el yab'xil in trato?

Zacarías 3:2

'Ix yaln yángel Jehová chi 'a win 'a'm queja chi 'ixtic: A Jehová 'ix si'n 'el chon̈b' Jerusalén, a 'oj a tumni, yujto a jun winc tic, lajn 'icha junc cuxc'ac' tz'ijx 'elt 'a scal c'ac', xchi.

Mt 17:18

Yic xjaw win 'unn chi 'a 'a, 'ix stumj jun demonio 'aych 'a winac. 'Ix spechn 'eli, yajn̈j wal cha, xb'ox can sc'ojl win yu'uj.

Mt 8:26

'Ix ta'w 'a eb' 'ixtic: —¿Tas yuj caw tzex xiwi? Caw jab' wal tzeya'ch e c'ojl 'a Dios, xchi 'a eb'. Xlajwn̈ej cha, xq'ue wa'an, 'ix stenn 'och wan jun 'ic' chi yet' a mar cha. Yuj cha, caw sictac x'aj smasnil.

Mr 1:26

Yuj jun demonio cha, caw xcot owya 'a sjolm jun winc cha, caw x'el yaw win yu'uj, 'ixta to b'i'an, x'el 'a winac.

Mr 4:39

Yuj cha, 'ix q'ue wa'an, stenn 'och wan jun 'ic' cha, 'ix yaln pax 'a a mar 'ixtic: —Sictac tzach 'aji, xchi. 'Ixta to b'i'an, 'ix 'och wan jun 'ic' cha, caw sictac x'aj smasnil.

Mr 9:26

Yuj cha, x'el yaw jun demonio cha, caw ow xcotx 'a sjolm jun 'unn cha, 'ixta to b'i'an x'el 'a 'a. Ax jun 'unn cha, 'icha chamnc 'ix 'ajcn yu'uj, yuj cha, til wal eb' xaln 'ixtc yu'uj: 'Ix chami, xchi eb'.

Lc 11:22

Palta q'uinloc tzc'och junc xo mach, caw 'ec'b'al yip 'a winac. Toto tz'ajx ganar win 'aj n̈a chi yu'uj, tzyi'n 'ec' jantcn̈ej syamc'ab' win 'aych yipc sc'ojl cha, 'oj lajwc cha, ax spojn 'ec' smasnil jantcn̈ej tas 'oj sto'c 'a win cha. 'Icha win 'aj n̈a cha, 'ixta pax win diablo.

Lc 4:23

Yuj cha, xyaln 'ixtc 'a eb': —Tecn 'oj eyal 'ixtc 'ayin: Ach 'a'm remel, mun tzac' b'oxc a b'a quilnoc, til wal ab' tas xa b'o 'a Capernaum, b'o pax 'a qui chon̈b'ec tic quilnoc, 'oj e chic 'ayin.

Lc 4:39

Yuj cha, 'ix c'och lin̈n 'a stz'ey 'ix, stenn 'och wan jun c'a'l yab'il cha. Yajn̈j wal cha sicb' 'a 'ix, 'ix q'ue wan 'ix, xya'n servil 'ix eb'.

Lc 4:41

Til wal eb' 'aj 'ix yij 'el ewin demonio, xlaj yalnc chan̈ ewin demonio chi 'ixtic: —Ach tic, Yunnal ach Dios, xchi ewin 'a 'a. Palta 'ix stenn 'och wan Jesús ewinac, ma'ix schaj paxtinc ewinac, yujto yojc xon ewinac to a Cristo.

Lc 8:24

Yuj cha, spitzn 'el eb' swayn̈ Jesús, 'ix yaln eb' 'ixtc 'a 'a: —¡Mamin, ach qui Cuymal on̈, 'ilto! ¡Wal qui 'atc 'a yich a tic! xchi eb'. 'Ix q'ue wan Jesús, stenn 'och wan jun 'ic' chi yet' a mar. 'Ix 'och wa'an, caw sictac x'aj smasnil.

Lc 9:39

'Ay 'aj caw tz'ixtx yuj jun demonio 'aych 'a 'a. Caw tz'el yaw, tzcot owya 'a sjolom. Caw tz'el swom sti'. Til wal tzyab' syal yu'uj, caw matz 'actx 'el yu'uj.

Lc 9:42

Palta ax yic xjaw jun 'unn cha, xtelw 'at t'ocnjoc 'a sat lum yuj win demonio cha. Caw xwach' cot 'a sjolm jun 'unn cha. Palta ax Jesús, xtumwj 'a win demonio cha, 'ix ya'n can b'oxc sc'ojl jun 'unn cha. Xlajw cha, xya'n can pax 'a smam.

Apoc 12:12

Yuj cha, 'ay cab' tzaljc'ojlal 'a satchan̈ tic. Tzalj coyc qui masnil an̈ 'ayn̈ec 'ec' 'a tic. Palta 'oltacx wal ex 'ayx 'ec' 'a sat lu'um, yet' ex tzex b'eyc' 'a yib'n̈ a mar. Yujto a win diablo x'emch 'aj 'ayx 'eq'ui. Caw ow win si'mb'il, yujto yojc winac, to caw jab'xoj tiempo, xchi jun paxti cha.