Lc 4:29 - Chuj San Sebastian Bible

²⁹ Yuj cha, xlaj q'ue wan eb', 'ix sto'n 'el eb' Jesús 'a sti 'el chon̈ab'. 'Ix c'och eb' 'a sjolm jun pa'n 'a stz'ey schon̈b' eb' cha, yujto snib'j eb' cob' sjulb't 'a pa'n cha.

Chuj San Mateo Bible

²⁹ Yuj chi' ix laj q'ue vaan eb', ix spechanel eb' d'a stiel chon̈ab', yujto a jun chon̈ab' chi' d'a jolom tzalan ay, ata' ijan ix syumb'at eb' d'a sat c'acap.

Lc 4:29 Iomraidhean Croise

2 Cr 25:12

An̈jtona eb' 'aj Judá cha, 'ix yamchj can pax lajn̈e mil eb' 'aj Seir chi yuj eb', xyi'n 'at eb' 'a sjolm jun lum witz satq'uen yeq'ui; ax 'a satq'uen chi xecx 'elt eb' yuj eb', caw cotc ch'iyquintac x'aj eb' smasnil.

Salmos 37:14

A eb' tzb'on maysch'olnil, tzyij q'uet eb' yespada 'a yol yet'ul, tzb'on eb' sjul-lab', sec tz'ejm eb' meb'a yuj eb' yet' eb' 'emmquilal yeq'ui. 'Ixta tz'aj scham eb' wach' sb'eyb'al chi snan eb'.

Nm 15:35

Yuj cha, xyaln Jehová 'ixtc 'a Moisés: A jun winc cha, cham cab'i'. Smasnil eb' chon̈ab' sjulq'uenoc cab' eb' 'a spatquil 'el camplamento, xchi.

Lc 4:28

Ax eb' 'ayc' yet' 'a yol capiya cha, yic xyab'n eb', caw xcot yowl eb' smasnil 'a 'a.

Jn 8:37

An tic, wojc xoni to yin̈tl ex Abraham wet'oc. Palta 'in tze nib'j tzin e mil chamoc, yujto a tas tzwal 'ayex, may yel'ch 'a e sat.

Jn 8:40

A jun tzo'n̈ tas yel yaljnac Dios 'ayin, an̈j tzwal 'ayex. Palta 'in tze nib'j tzin e mil chamoc. Ax Abraham cha, may jun 'ejmoc sb'ojnac 'ixta'.

Jn 8:59

Xlajw cha, 'ix laj si'nc chan̈ ewin q'ue'en, snib'n ewin sjul chamoc. Ax Jesús 'ix sc'ub'j 'el sb'a 'a ewinac. 'Ix 'elt 'a yamq'uil yatut Dios cha.

A Ch'an̈ Carta D'a Eb' Hebreo 13:12

An̈jtona', 'ixta 'ajnc Jesús yab'n syal scham pax 'a sti 'el chon̈ab', sec wach' yuj wal schiq'uil, tz'elcn smul eb' 'anma'.