Lc 4:23 - Chuj San Sebastian Bible

²³ Yuj cha, xyaln 'ixtc 'a eb': —Tecn 'oj eyal 'ixtc 'ayin: Ach 'a'm remel, mun tzac' b'oxc a b'a quilnoc, til wal ab' tas xa b'o 'a Capernaum, b'o pax 'a qui chon̈b'ec tic quilnoc, 'oj e chic 'ayin.

Chuj San Mateo Bible

²³ Yuj chi' ix yal Jesús d'a eb': —A ex ton tic ol eyal d'ayin: Ach an̈tum, munil tzan̈tej a b'a. A tas a c'ulejnac d'a chon̈ab' Capernaum, c'ulej pax d'a a chon̈ab' tic quila', xe cham d'ayin.

Lc 4:23 Iomraidhean Croise

Mt 13:54

'Ix c'ochx 'a schon̈ab'. 'Ix 'och 'a yol capiya. Ata xcuywj 'a eb'. Ax eb' 'anma cha, ton̈j sat sc'ojl eb' yu'uj, 'ix laj yalnc eb' 'ixtic: —A jun winc tic, ¿'ajm 'ix scuy sjelnal tic? ¿Tas tzyutj win sb'on jun tzo'n̈ milagro tic?

Mt 4:13

Man̈oc 'a Nazaret 'ix c'ochi, palta a 'a Capernaum, ata xc'och cajan. A jun chon̈b' cha, a 'a sti a mar 'ay, 'a yol smacb'en eb' yin̈tl Zabulón yet' Neftalí.

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Mr 6:1

'Ix paxt Jesús 'a jun lugar 'aj 'ayc' cha, 'ix c'ochx 'a schon̈ab', ajun pax eb' scuywum yet'oc.

Lc 2:39

Yic 'ix lajw syiclni eb' 'icha tzyal sley Cajlil yuj eb' 'unn tzat 'alji, 'ix paxx eb' 'a schon̈b' 'a Nazaret, 'a yol yic Galilea.

Lc 2:51

Xlajw cha, xpax yet' eb' 'a Nazaret. Yiclumn̈ej xyutj sb'a 'a eb', 'icha xon sley. Ax snun cha, smol jun tzo'n̈ chi 'a snab'en, caw tznab'tan̈ej.

Lc 4:16

Xlajw cha, 'ix 'atx Jesús, 'ix c'ochx 'a Nazaret 'aj q'uib'nac. Ax 'a yic sc'ul 'iljelal, x'och 'a yol capiya, yujto 'ixta xon sley. 'Ix q'ue lin̈an yic tzyawtn 'elt Ch'an̈ U'un̈.

Lc 4:31

'Ix c'ochx Jesús 'a Capernaum 'a yol yic Galilea, ata xcuywj 'a eb' 'anma 'a sc'ul 'iljelal.

Lc 4:35

Yuj cha, 'ix tumwj 'a win demonio chi 'ixtic: —Tz'in xa chi, 'eln̈ 'a winac, xchi. Yajn̈j wal cha, xtelw can 'at t'ocnjoc win yuj jun demonio cha. 'Ixta to b'i'an, x'el jun demonio chi 'a winac. Palta may jac x'i'n can winac.

Lc 6:42

Toto man̈ eyojcoc, to 'aych jun patzb' chi 'a yol e sat, ¿tom 'oj stac' eyaln 'a junx chi 'ixtic? Yaj 'elt jun c'alem 'a yol a sat, tzin nib'j tzwij 'elt 'ayach, ¿tom 'oj e chic 'a 'a? Toto 'ixta tzeyutj eyalni, caw chab'sat ex. Yowlal tze b'ab'l 'ijcan 'elt jun patzb' chi 'a yol e sat cha. 'Ixta to b'i'an, 'oj stac' eyilni. Ax eyi'n can 'elt jun c'alem chi 'a yol sat jun eyit 'anmal cha.

Jn 4:28

Ax jun 'ix cha, 'ix yactn can sch'ub' 'a sti a cha. X'at yalnc 'ix 'a eb' 'anma 'ay 'a yol chon̈b' cha. 'Ix yaln 'ix 'a eb' 'ixtic:

2 Co 5:16

Yuj cha, an̈ xo tic on̈, man̈xtzac qui b'eyc'ojlej junc mach, yuj tas yilx on̈. A 'a yic yalan̈, wach'xam qui b'eyc'ojlejnac Cristo, yuj tas yilx on̈, palta man̈xtzac qui na yuj 'ixta ticnec on̈.