Lc 4:2 - Chuj San Sebastian Bible

² Chawinq'uin̈ x'aj ta', ax win diablo x'a'n prowal. Man̈x 'a tas 'ix sc'ux Jesús 'a jun tiempoal cha, caw x'och swejel.

Chuj San Mateo Bible

² 40 c'ual ix ec' ta', axo vin̈ diablo ix c'och yac' proval. Maj valaj Jesús chi' d'a juntzan̈ c'ual chi', yuj chi' ix och svejel.

Lc 4:2 Iomraidhean Croise

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

A Ch'an̈ B'ab'el Libro Yic Yab'ixal Eb' Rey 19:8

Yajn̈j cha, 'ix q'ue wan Elías cha, 'ix wa'i, xyu'n a a cha. Ax tas 'ix sc'ux cha, 'ix 'och yip yu'uj, chawinc c'u, chawinc 'ac'wl 'ix b'ey'ti yic xc'och 'a lum jolm witz Horeb, atn lum Sinaí 'aj sch'oxjnac sb'a Dios.

Ester 4:16

'Ixic, molb'tzej smasnil eb' quit chon̈b' cajn 'a yol chon̈b' Susa tic, 'och cab' eb' 'oxe'oc c'u 'a c'ajb'c'ojlal wuj an tic. May cab' tas tze c'uxu, may pax cab' tas tzeyu'j 'a 'oxe c'u cha, yet' 'oxe'oc 'ac'wal. An̈jtona pax eb' 'ix tzin 'a'n servil an tic, 'oj 'och eb' 'ix 'a c'ajb'c'ojlal wet'oc. 'Oj lajwc cha, ax 'at wilnc win rey cha, wach'xam man̈ 'ixta'oc yaln ley. Toto yuj cha, ax in milx cham jun, chamquin cab'i', xchi Ester.

Ex 24:18

'Ix 'at Moisés 'a scal jun 'asn cha, masnto xq'ue'ch 'a sjolm lum witz cha, ata 'ix can chawinc c'u, yet' chawinc 'ac'wal.

Ex 34:28

Chawinc c'u chawinc 'ac'wl 'ix can Moisés yet' Jehová 'a sjolm lum witz cha. May xon jac tas sc'ux 'a yic jun tiempoal cha, may pax tas xyuq'uej. Atn 'a jun tiempoal cha, ata 'ix stz'ib'j can 'och jun trato 'a eb' q'uen q'uen cha, atn jun tzo'n̈ lajn̈e checnb'il.

Jonás 3:7

Xlajw cha, xya'n win rey b'o jun ley yet' eb' 'ay yopiso yet'oc, xya'n alxoc 'el 'a smasnil yol chon̈b' Nínive. Xchi jun ley chi 'ixtic: May cab' junc on̈ec tzon̈ wac ticnec, may pax cab' junc on̈ec, tzca'c wa qui wacax, qui calnelu, may no tzca'c yuc' a'.

Mt 21:18

Ax 'a sq'uin̈b'ial yic wan spax Jesús 'a Jerusalén, 'ix 'och swejel.

Mt 4:2

Chawinq'uin̈ may tas sc'uxu, yuj cha, caw x'och swejel.

Lc 4:3

Xlajw cha, xyaln win diablo 'ixtc 'a 'a. —'In Yunnal ach Dios, yuj cha, al 'a jun q'uen tic 'och cab' panil, xchi win 'a 'a.

Jn 4:6

Ata 'ay jun a joyb'il can yuj Jacob. Ax Jesús, tecn chimc'ul 'ix c'och ta'. Yujto 'ix c'unb' sb'eyi, yuj cha, 'ix 'em wocn 'a sti jun a cha.

Dt 9:18

Xlajw cha, in 'em cumn 'a yojltac Jehová, 'icha xon tzwac' yet'oc. Chawinc c'u chawinc 'ac'wl ma'in wa'i, may pax jac tas xwu'j eyaloc. 'Ixta xwutj in b'a, yujto xeya'ch e mul 'a Jehová, xe tzuntzn cot yowal.

Dt 9:25

Yuj ton wal cha, yaln Jehová to tzex satli, palta an xo, in 'emcn cumn 'a yojltac 'a chawinc c'u 'a chawinc 'ac'wal.

Dt 9:9

In xit'c 'a sjolm lum witz Sinaí 'at in cha chapachn̈ q'uen q'uen 'aj tz'ib'b'il 'och strato Jehová b'ob'il yuj quet'ec. Ata in can chawinc c'u chawinc 'ac'wal, may xon jac tas xin c'uxu, may jac tas xwuq'uej.

A Ch'an̈ Carta D'a Eb' Hebreo 2:18

Caw xyab' syail, yic 'ix 'ajx prowal. Yuj cha, a ticnec tztac' yoch quet'ec, yic tzon̈ 'ajxec prowal jun xo.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

A Ch'an̈ B'ab'el Libro Samuel 17:16

Ya' sb'a cha, 'a junjn sq'uin̈b'ial, yet' 'a junjn yemc'ual tzwulc' win Goliat b'uchwjoc 'a eb' israel, 'ichn̈jta xyutj sb'a win 'a chawinq'uin̈.