Lc 4:18 - Chuj San Sebastian Bible

¹⁸ A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Chuj San Mateo Bible

¹⁸ A Yespíritu Dios Cajal ayoch d'ayin, yujto a' ac'jinac vopisio yic svalanel jun vach' ab'ix d'a eb' meb'a'. In scheccoti yic svac' snivanil sc'ool eb' ilc'olal yaji. Tzul val yab' eb' icha preso yaji chajtil tz'aj scolchaj eb'. In checjicot vac' b'oxoc eb' max uji yilani. Tzul vic'anel eb' ayoch tas d'a yib'an̈ d'a libre.

Lc 4:18 Iomraidhean Croise

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

2 Cr 34:27

'ix a'ch wal 'a a c'ojol, xe'n 'ejm a b'a 'a wojltac an Dios in, yic 'ix ab'ni to 'ay yowl in c'ojl 'a yib'n̈ jun lugar tic, yet' 'a yib'n̈ eb' cajn 'a 'a. Yujto ach 'och 'emmquilal 'a wojltac, xa tzilnjat a pichul, caw ach 'oq'ui, an̈jtona 'in, 'ix wab' tas 'ix ala. An Jehová in, an tzwala.

Salmos 102:20

Ach tza b'oyaj scusc'ojlal eb' 'icha preso yaji. Tzwul a coln 'el eb' 'ayx 'och chaml 'a yib'an̈,

Salmos 147:3

A tz'a'n sniwnal sc'ojl eb' to 'icha lajwnac spixn tzyab'i, a tz'an̈tn slajwelal eb' cha.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Salmos 34:18

La'n yaj 'a stz'ey eb' to man̈x 'anmac yaj spixn tzyab'i, tzcoln 'el eb' tzsomchj 'el snab'en yuj scusc'ojlal cha.

Salmos 45:7

A jun tojl nab'enal, caw wach' 'a a sat, ax jun tzo'n̈ tas maysch'olnil, caw yajb'il o'oj. Yuj cha, a Dios, atn a Diosal 'ix ya' jun niwn tzaljc'ojlal 'ayach. Yel xo niwn a tzaljc'ojlal 'ay 'a yib'n̈ eb' ajun et'oc.

Salmos 51:17

A jun xajmb'al tza nib'j ach in Diosal, atn yic tzqui nan qui b'a yuj qui mul. Caw matz on̈ a patquilj can 'el an̈ tzquij 'ejm qui b'a 'a yic tzqui nan qui b'a cha.

Is 32:3

A eb' 'anma 'icha to matz uj yilni, 'oj yil eb'; ax eb' 'icha to matz 'ab'ni, 'oj scha eb' yab'i'.

Is 35:5

'Ixta to b'i'an, ax eb' matz uj yilni, 'oj stac' yiln eb'; eb' chacan̈, 'oj yab' eb'.

Is 42:7

Tzin nib'j tza jac sat eb' matz uj yilni, tza coln 'elt eb' 'aych 'a preso, atn eb' preso yaj 'a scal q'uic'q'uinal.

Is 45:13

An Jehová in tztac' wuj smasnil, 'oj in b'o snab'en win Ciro sec 'oj sb'o tojlal. An 'oj wac' nachjoc 'el yu'uj sec a wach'l 'oj sb'o'. A 'oj b'onc pax in chon̈b' Jerusalén jun 'ejm xo. Ax eb' in chon̈b' to 'ijxnac 'at 'icha presoal, 'oj 'ajxoc 'el eb' 'a libre yuj 'a nab'an̈ej. May tas 'oj stoj eb', may pax spac 'oj yac' eb' 'a 'a, xchi Dios.

Is 49:9

Tzaln 'ixtc 'a eb' 'icha to 'aych 'a preso 'a scal q'uic'q'uinal: 'Eln̈ec can 'a libre, xa chi 'a eb'. A eb' in chon̈ab', caw 'ay tas 'oj sc'ux eb', lajn 'oj 'aj eb' 'icha no calnelu tztan̈wx wa 'a stitc b'e, mto 'a lum jolmctac witz may ste'al.

Is 50:4

A jun schecb' Dios tzaln 'ixtic: A Jehová Wajlil a x'a'n jelnb'oc in paxtini, yic wach' tztac' wa'n sniwnal sc'ojl eb' c'unb'nac. 'A junjn sq'uin̈b'ial tzin nib'n wab'i' tas tzyac' in cuyu'.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 59:21

Yuj cha, xyaln Jehová chi 'ixtic: A ticnec, tzin b'ocn jun in trato tic eyet'oc, tzwa'n can in ti', to a Wespíritu yet' jun tzo'n̈ cuynb'il xwa'cn 'ayex, may xon b'a'n̈ 'oj 'el 'ayex. 'Oj e cuycn eb' eyunnal 'a in checnb'il cha, ax eb' eyunnal chi 'oj cuync can pax yunnal b'aq'uin̈. Tzcan jun in trato tic eyet' 'a jun 'ejmn̈ej, xchi Dios.

Is 61:1

A Yespíritu Jehová Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a', tzlaj wa'nc can b'oxc sc'ojl eb' ya yaji, tzwaln 'el yab'xil colnb'il 'a eb' 'icha preso yaji.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Ez 9:4

'ix yaln 'ixtc 'a winac: 'Ixc 'a yol chon̈b' Jerusalén tic, tza'n can 'och yechl eb' 'anma 'a snan̈l sat, eb' to tzcus yuj smul x'och 'a scal eb' 'anma cha, xchi 'a winac.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Sofonías 3:12

Cojxn̈ej eb' 'anma tzyij 'ejm sb'a, eb' 'emmquilal yeq'ui, a eb' 'oj wac' cajnc in chon̈ab'. Cojxn̈ej 'ayn 'oj ya'ch eb' sc'ojol.

Zacarías 11:11

Atn 'a yic jun c'ul cha, xlajw can jun trato cha, ax eb' manm calnelu cha, wan in sb'eyc'ojlan eb'. Xnachj 'el yuj eb' chajtlto a Jehová tzaln jun tzo'n̈ wan in b'on cha.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Mt 12:18

A jun tic, in checab', sic'b'il 'el wu'uj. Caw xajn wu'uj. Caw tzin tzalj yet'oc. 'Oj wac' Wespíritu 'a 'a. 'Oj yal-l 'a scal eb' nacion̈, chajtlto 'oj sb'oyaj eb' 'a stojlal.

Mt 12:20

'Ay eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta 'eb'. Palta a 'oj colwjoc 'a eb', ma'oj yixtc eb'. 'Ixta 'oj yutc sb'a, masnto 'oj 'och Yajlil. Ax ya'n yajlil 'a stojlal.

Mt 4:16

A eb' 'anma cha, wan sb'ey eb' 'a scal q'uic'q'uinal, palta 'oj yil eb' sjaw jun niwquil sacq'uinl 'a scal. A jun sacq'uinl cha, 'oj c'och tzicnjoc yoc 'a scal eb' 'icha to chamnc 'a scal q'uic'q'uinl cha, xchi Isaías 'a Ch'an̈ Un̈ cha.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Lc 4:17

Yuj cha, xya'n eb' jun Ch'an̈ Un̈ 'a 'a, atn jun tz'ib'b'il can yuj jun schecb' Dios Isaías sb'i. 'Ix sjacni, sayn 'ajtil tzyal 'ixtic:

Lc 6:20

Ax Jesús, 'ix 'ec' q'uel-loc 'a eb' scuywum, 'ix yaln 'a eb' 'ixtic: —Ax meb'a ex, caw wach' eyico', yujto 'ayx 'och 'a yol sc'ab' Dios.

Lc 7:22

Yuj cha, 'ix yaln Jesús 'a eb' schecb' Juan chi 'ixtic: —Paxn̈ec 'a Juan cha. C'uxn tzeyal 'a 'a, tastc xeyab'i, xeyil 'a tic. Tzeyaln 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tzax stac' sb'ey eb'. Ax eb' tzlaj c'a yuj lepra, tzlaj b'ox can sc'ojl eb'. 'Ay eb' chacan̈, tzax laj yab' pax eb', 'ay pax eb' chamnac, tzlaj 'ajx pitzwc pax eb'. Ax eb' meb'a', wan yalx wach' 'ab'x yic colnb'il 'a eb'.

Jn 1:41

Xlajwn̈ej sc'umn sb'a Andrés chi yet' Jesús, 'ix 'at saync 'ec' jun yu'tac cha. A yic 'ix 'ilchj yu'uj, 'ix yaln 'a 'ixtic: —'Ix 'ilchj jun Mesías cuj on̈, xchi 'a 'a. (A Mesías tzyal 'el'chi, Cristo.)

Jn 12:46

An tic, in jaw wul wac' sacq'uinl 'a spixn eb' 'anma 'a yolyib'n̈q'uinl tic, sec wach' a eb' tzya'ch sc'ojl 'ayin, man̈x 'a q'uic'q'uinl 'a spixn eb'.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

A Tas Sc'ulejnac Eb' Schecab' Jesús Hechos 4:26

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Cajlil, yet' pax 'a jun Rey sic'b'il 'el yu'uj, xchi 'a Ch'an̈ U'un̈.

A Tas Sc'ulejnac Eb' Schecab' Jesús Hechos 4:27

Wal yel, a win Herodes, win Poncio Pilato, eb' man̈ israeloc, yet' pax eb' quit israelal on̈, 'ix syam sb'a eb' 'a yol chon̈b' tic. 'Ix sc'umj sb'a eb' 'a spatc Onnal, atn jun sic'b'il 'el o'oj. Palta ach a'jnac can yopiso.

A Scarta San Pablo D'a Eb' Aj Colosas 1:13

Yujto a on̈ colnec can 'elt 'a yol sc'ab' q'uic'q'uinal, on̈ yi'nec 'och 'a yol sc'ab' Yunnal, atn jun chamc'ojlb'il yu'uj.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.