Lc 4:15 - Chuj San Sebastian Bible

¹⁵ 'Ix 'ec' cuywjoc 'a junjn scapiya eb', ax eb' 'anma', c'uxn slaj yal eb' wach'il.

Chuj San Mateo Bible

¹⁵ Ix ec' sc'ayb'ej eb' anima d'a yoltac spatil culto. Masanil eb' ix alan vach' lolonel d'ay.

Lc 4:15 Iomraidhean Croise

Is 55:5

Ax 'a yic b'aq'uin̈, 'oj eyawtc cot eb' 'anma man̈ eyojcoc. A eb' 'anma man̈ ex 'ojtnacc cha, caw yajn̈ej ax sjaw eb' 'ayx muc'uc, yujto an Jehová in, Cojxn In Ton e Diosal In, an tzex wac' 'ijxoc chan̈ yet' e chon̈ab', xchi Dios.

Mt 13:54

'Ix c'ochx 'a schon̈ab'. 'Ix 'och 'a yol capiya. Ata xcuywj 'a eb'. Ax eb' 'anma cha, ton̈j sat sc'ojl eb' yu'uj, 'ix laj yalnc eb' 'ixtic: —A jun winc tic, ¿'ajm 'ix scuy sjelnal tic? ¿Tas tzyutj win sb'on jun tzo'n̈ milagro tic?

Mt 4:23

C'uxn x'ec' Jesús 'a yol yic Galilea chi yet' eb'. 'Ix 'ec' cuywjoc 'a yol jun tzo'n̈ scapiya eb' israel. X'ec' yalnc 'el wach' 'ab'ix, yuj chajtl tz'aj eb' 'anma yoch 'a yol sc'ab' jun 'aj satcha'an̈. Til wal tzann̈j yab'ilal tz'i'n eb' 'anma cha, xlaj b'ox can sc'ojl eb' yu'uj.

Mt 9:35

Ax Jesús c'uxn x'ec' 'a jun tzo'n̈ chon̈ab', yet' 'a jun tzo'n̈ aldea. 'Ix 'ec' cuywjoc 'a eb' 'anma 'a yoltc jun tzo'n̈ scapiya eb'. 'Ix yaln 'el wach' 'ab'ix, chajtl tz'aj eb' 'anma yoch 'a yol sc'ab' Dios. Tzann̈j jun tzo'n̈ yab'il tz'i'n eb' 'anma', c'uxn xlaj ya'cn b'oxc sc'ojl eb'.

Mt 9:8

A yic xyiln eb' 'anma jun cha, caw 'ix xiw eb'. 'Ix laj yalnc eb' wach' paxti 'a Dios, yujto caw niwn spoder 'ix yac' 'a jun mach 'a scal eb' cha.

Mr 1:27

Ax eb' 'anma cha, caw sat sc'ojl eb' smasnil yilni. Yuj cha, xlaj yal-lanc eb' 'ixtic: —¿Tas laj wal yaj jun tic? ¿Tas cuynb'ilal jun tzat jaw tic? A win tic, 'ay spoder ya'n mandar eb' demonio, 'in to tzyiclj eb' 'a 'a, xchi eb'.

Mr 1:39

Xlajw cha, x'ec' yalnc 'el spaxti Dios 'a junjn capiya 'a yol yic Galilea cha. 'Ix yi'n pax 'el ewin demonio 'a eb' 'anma'.

Mr 1:45

Palta ax yic 'ix 'at winac, 'ix syamn 'och win yaln 'eli, chajtl 'ix 'aj sb'oxi, c'uxn 'ix spucl yab'xil. Yuj cha, man̈xtzac stac' yoch Jesús 'a yol junc chon̈ab', yujto til wal mach tznib'j tzjaw 'a 'a; 'ix b'ey 'a 'aj may wal 'anma', palta xlaj cot eb' 'a junjn lugar, xjaw eb' 'a 'a.

Lc 13:10

A 'a jun sc'ul 'iljelal, 'ix c'och Jesús 'a jun capiya, 'ix cuywj 'a eb' 'ayc' ta'.

Lc 4:16

Xlajw cha, 'ix 'atx Jesús, 'ix c'ochx 'a Nazaret 'aj q'uib'nac. Ax 'a yic sc'ul 'iljelal, x'och 'a yol capiya, yujto 'ixta xon sley. 'Ix q'ue lin̈an yic tzyawtn 'elt Ch'an̈ U'un̈.