Lc 3:22 - Chuj San Sebastian Bible

²² 'Ix 'eml Yespíritu Dios 'a yib'n̈ 'icha yilx no parama, caw checl 'ix 'emli. 'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Ach ton tic Wunnal ach, chamc'ojlb'ilch wu'uj, caw tzin tzalj et'oc, xchi.

Chuj San Mateo Bible

²² Axo Yespíritu Dios ix emul d'a yib'an̈ icha noc' paramuch. Ix yab'an yoch jun lolonel d'a satchaan̈ icha tic: —A ach tic, Vuninal ach, xajanab'il ach vuuj. Tzin tzalaj val ed'oc, xchi jun av chi'.

Lc 3:22 Iomraidhean Croise

Salmos 2:7

Ax Yunnal Dios a tzaln 'ixtic: 'Oj walcn 'el tas sna Jehová, yujto xyalcn 'ixtc 'ayin: A 'a jun c'u tic, 'ix wac' checljoc 'eli to Wunnal ach.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Mt 12:18

A jun tic, in checab', sic'b'il 'el wu'uj. Caw xajn wu'uj. Caw tzin tzalj yet'oc. 'Oj wac' Wespíritu 'a 'a. 'Oj yal-l 'a scal eb' nacion̈, chajtlto 'oj sb'oyaj eb' 'a stojlal.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Mt 27:43

'Ix cob' ya'ch Dios yipc sc'ojol, yuj cha, colwj cab' Dios chi yet' quila', toto yel 'ay schamc'ojlal Dios 'a 'a. 'In xyala, to yunnal Dios, xchi ewinac.

Mt 3:13

A 'a jun tiempoal cha, 'ix 'atx Jesús 'a Galilea, 'ix c'och 'a a niwn a Jordán, 'a 'aj 'ayc' Juan yic tzya'n 'ajxc bautisar sb'a yu'uj.

Mt 3:16

Ax yic xlajw yajx bautisar Jesús, 'ix q'ue paxt 'a yojl a'. Yajn̈j cha, xjacw satcha'an̈, 'ix yiln Jesús chi yeml Yespíritu Dios, 'ix 'ejm 'a yib'n̈ 'icha junc no parama.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

Mr 1:11

Xlajw cha, 'ix 'ab'x yalx 'emt jun paxti 'a satcha'an̈, 'ix yaln 'ixtic: Ach ton tic Wunnal ach, chamc'ojlb'ilch wu'uj, caw tzin tzalj et'oc, xchi.

Mr 1:9

A 'a jun tiempoal cha, xcot Jesús 'a Nazaret 'a yol yic Galilea, xit' ya'nc 'ajxc bautisar sb'a yuj Juan 'a a niwn a Jordán.

Mr 9:7

Xlajw cha, x'eml jun 'asn 'a yib'n̈ eb', 'ix alx 'emt jun paxti 'a scal 'asn 'ixtic: Atn jun Wunnal tic, chamc'ojlb'il wu'uj, 'a'c 'och e chicn 'a tas tzyala, xchi.

Lc 2:14

¡Alx cab' wach' paxti 'a Dios 'a satcha'an̈! ¡Ax 'a yolyib'n̈q'uinl tic, 'ay cab' junc'ojlal 'a eb' 'aj tzch'ox swach'c'ojlal! xchi eb'.

Lc 4:21

'Ix syamn 'och yaln 'el 'a eb' 'ixtic: —A 'a jun c'u tic wan eyilni to wan yel'ch tas tzyal Ch'an̈ Un̈ tic, xchi 'a eb'.

Jn 1:32

'Ix yaln pax Juan chi 'ixtic: —'Ix wil yeml Yespíritu Dios 'a yib'n̈ 'icha junc no parama, 'ix 'ochcn 'a 'a.

Jn 12:28

Mamin, checlj cab' 'eli, chajtlto caw niwn el'chi, xchi Jesús. Xlajw cha, 'ix yab'n eb' yoch jun paxti 'a satcha'an̈, 'ix yaln 'ixtic: —Tox xin ch'oxo chajtlto niwn wel'chi. Al ticnec, 'oj in ch'ox pax jun 'ejm xo, xchi.

Jn 5:37

A 'in Mam cha, a checjnacn coti, a tzyac' testigoal sb'a wu'uj. Ax tic, may jun 'ejmoc xeyab' sjaj spaxtini. May 'aj xeyil jun 'ejmoc.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Scarta San Pablo D'a Eb' Aj Colosas 1:13

Yujto a on̈ colnec can 'elt 'a yol sc'ab' q'uic'q'uinal, on̈ yi'nec 'och 'a yol sc'ab' Yunnal, atn jun chamc'ojlb'il yu'uj.

A Sb'ab'el Carta San Pedro 2:4

Qui nitzc 'och qui b'a 'a stz'ey Cajlilec. 'Icha tz'aj yajx q'ue jun tzo'n̈ qu'en 'a yib'n̈ junc niwquil q'uen to yipnub' n̈a yaji, 'ixta cajc 'a 'a. A jun q'uen tic, tzyal 'el'chi atn Cristo. A eb' 'anma', spatquiljnac can 'el eb'. Palta a Dios, a si'jnac can 'eli. Caw niwn yel'ch 'a sat. A Cristo tic, pitzan, pitzn on̈c yet' jun xo. Yuj cha, an̈ec tic, tzon̈ ya'c 'och Dios yatutoc. A ticnec, 'ay calnec quic mun xoj tzca'c 'och qui ti 'a 'a, yujto an̈j 'ayn̈ec yico'. Yuj Jesucristo tztac' ca'nec jun tzo'n̈ xajmb'al 'a Dios 'a 'esal. Caw tzalj yet' jun tzo'n̈ cha.