Lc 3:17 - Chuj San Sebastian Bible

¹⁷ A jun cha, lajn 'icha junc winc tzchayj strigo, tz'el yoc 'a scal. Tzlajw schayni, tzmoln strigo chi 'a yet'ul, ax stzapil chi tzchayj can 'el cha, tzlan̈cn 'at 'a yib'n̈ jun c'ac' may b'a'n̈ tztupi, xchi Juan chi 'a eb'.

Chuj San Mateo Bible

¹⁷ A jun chi' lajan icha junoc vin̈ schayej strigo, tz'el smatz'il d'a scal. Slajvi schayan ixim, syac'ancanem ixim d'a yol yed'tal. Axo smatz'il ixim tz'elcani, slan̈canb'at vin̈ d'a yib'an̈ jun c'ac' malaj b'aq'uin̈ stupi, xchi vin̈aj Juan chi'.

Lc 3:17 Iomraidhean Croise

Salmos 1:4

Palta ax eb' tu sb'eyb'al, man̈ 'ichcta 'oj 'aj 'el'ch eb'. A eb' cha, lajn eb' 'icha solcal trigo, tz'ijx 'at yuj 'ic'.

Is 30:24

A no e wacax yet' e no e b'uru tzmunlji, a wal 'ixm cebada caw wach' a 'oj eyac' sc'ux e no'.

Jeremías 15:7

'Oj ex wic' 'elt 'a e chon̈b' 'a yol e nacion̈, 'oj ex wa' sactzic can 'at 'icha tz'aj yutz'x 'at solcal trigo yuj 'ic'. 'Oj wac' satl in chon̈ab'. Man̈x 'a xon junc eyunnal 'oj wactc cani, yujto matz eyactj can e b'on maysch'olnil.

Miqueas 4:12

Palta a jun tzo'n̈ nacion̈ cha, man̈ yojcoc eb' tas nab'il yuj Jehová. Man̈ yojcoc eb' toto 'oj e molb'tzax yu'uj, 'icha wal tz'aj smolb'tzax 'ixm trigo 'a junc 'amac', 'ixta 'oj ex yutoc.

Mt 13:30

Can cab'n̈ej 'ixta', masnto 'oj polxc 'el 'ixm trigo cha. Atta 'oj wal 'a eb' in majan, to tzto'cn 'el eb' te 'ac trigo cha. Junjn yuchn̈ 'oj yutc eb' spixni, ax sn̈usn eb'. 'Oj lajwc cha, ax spoln 'el eb' 'ixm trigo chi b'i'an, ax smoln eb' 'a yet'ul, xchi win 'a eb', xchi Jesucristo.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Lc 3:18

Til wal jun tzo'n̈ xo cuynb'il xyal 'a eb' 'anma cha, 'ix ya'n snab'enoc eb', xyaln 'el wach' 'ab'ix.