Lc 24:27 - Chuj San Sebastian Bible

²⁷ Xlajw cha, 'ix syamn 'och yaln 'a eb', 'ajtc 'ay yab'xil 'a Ch'an̈ U'un̈. 'Ix syamn 'och yaln tastc tz'ib'b'il can yuj Moisés. 'Ix yaln pax jantcn̈ej tas tz'ib'b'il can yuj junjn eb' schecb' Dios pecti'.

Chuj San Mateo Bible

²⁷ Ix lajvi chi', ix och ijan yalan d'a eb' b'ajtactil tz'ib'ab'ilcan yab'ixal d'a Slolonel Dios. Ix schaancot yalan tastac tz'ib'ab'ilcan yuj vin̈aj Moisés, masanto d'a tas tz'ib'ab'ilcan yuj eb' schecab' Dios d'a peca'.

Lc 24:27 Iomraidhean Croise

Gn 12:3

'Oj wac' in yaxilal 'a eb' wach' 'oj yutc snab'en 'ayach, ax eb' tu 'oj yutc snab'en 'ayach, 'oj in catb'oc can 'el eb'. O'oj ax wa'n yaxilal 'a yib'n̈ smasnil 'anma 'a yolyib'n̈q'uinl tic, xchi Dios.

Gn 22:18

Yujto 'ix a yiclj tas 'ix wala, yuj cha, smasnil chon̈b' 'a yolyib'n̈q'uinl tic, 'oj scha eb' in yaxilal o'oj, xchi Dios 'a winac.

Gn 26:4

Caw 'oj wac' niwtjoc sb'isl eb' en̈tl 'icha c'anal 'a satcha'an̈, ax wa'n jun lum tic 'ayach. An̈jtona', yujn̈ej eb' en̈tl cha, ax schan smasnil nacion̈ in yaxilal.

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Salmos 132:11

Wal yel aljnac 'a David 'ixtic: Ma'oj in jel tas waljnac, a junc onnal a 'oj wa'cn 'och 'a a despacho.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Is 50:6

'Ix wac' yich in patc smac' eb' 'ajc'ojol, xwa'n stzucl eb' xil in ti'. Ma'ix in c'ub'j 'el in sat 'a eb' tzin b'uchni, yet' 'a eb' tzin tzub'ni.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Is 8:17

Wach'xam tzc'ub'j 'el sb'a Jehová 'a 'ayn̈ an̈ yin̈tl on̈ Jacob tic, palta an tic, tzwa'ch 'a in c'ojol, to a yipc'ojlal yaj wu'uj.

Is 9:1

Palta man̈ smasnilc tiempo tzcan eb' tz'ixtx chi 'a scal scusc'ojlal. B'ab'el 'oj 'ijxoc can 'ejm lum Galilea yuj Dios, atn lum slum eb' yic Zabulón yet' eb' yic Neftalí, lum 'ay 'a sti a Jordán yet' 'a sti a mar, lum 'ay 'a smon̈jon eb' man̈ israeloc. Palta ax 'oj 'ajoc, 'oj 'ijxoc pax chan̈ eb' yu'uj.

Ez 34:23

An 'oj in sic' 'elt junc yilmal eb' in chon̈b' 'a scal eb' yin̈tl David, 'oj wac' yopiso stan̈wni eb' in chon̈b' 'icha tzyac' junc 'ilm calnelu.

Ez 37:25

'Oj e cajx lum lum wa'jnac 'a win in checb' Jacob, atn lum 'aj 'e'nc cajn eb' e mam eyicham. A pax lum 'oj e cajx yet' eb' eyunnal yet' eb' eyin̈tl b'aq'uin̈, ax junc yin̈tl in checb' David, a 'oj 'och eyajloc 'a jun 'ejmn̈ej.

Dn 7:13

'Ix wilnn̈j 'a in waych chi 'a jun 'ac'wl cha. Ax xwilni 'ay jun x'eml 'a scal 'asun, lajn yilx 'icha 'anma'. 'Ix c'och 'a stz'ey jun Mach 'ayc' 'a jun 'ejmn̈ej cha, 'ix nitzx 'o'ch 'a yojltac.

Miqueas 5:6

A eb' chi 'oj 'at 'a'nc ganar yejm eb' 'aj Asiria yet' espada, atn snacion̈ win Nimrod. Caw 'oj qui colchjec 'el yuj jun qui yajlilec chi 'a yol sc'ab' eb' asirio cha, atn eb' xc'axw 'e't 'a qui mon̈jonec yuj yi'n 'ec' eb' qui lumec yalni.

Miqueas 7:20

'Ayn̈j 'ec' a wach'c'ojlal yet' a chamc'ojlal 'ayn̈ on̈ Mamin, 'icha otjnac a'n can a ti 'a eb' qui mam quichm 'a yictax pecti 'on̈, atn 'a Abraham yet' 'a Jacob, xchi Miqueas.

Zacarías 13:7

A Jehová tztac' yuj smasnil, a tzaln 'ixtic: 'Ijx cab' q'ue wan q'uen espada yuj smilx cham jun mach 'icha yilmal in calnelu yaji, to junn̈j yaj wet'oc. 'Oj milx chamoc, ax sactzic can eb' 'icha 'in calnelu yaj cha. Ax eb' 'icha to may yip 'oj canoc, 'oj woch 'ac'ojlal 'a eb'.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Nm 21:14

Atn jun tzo'n̈ lugar chi tzb'inax cot yuj ch'an̈ libro, yic yab'xil owl yic Jehová, 'a 'aj tzyal 'ixtic: On̈ 'e'tec 'a chon̈b' Vaheb 'a yol yic Sufá, on̈ laj 'e't 'a ch'olctac 'aj 'ay a a', yet' 'a yojl a Arnón.

Mr 4:34

Cojxn jun tzo'n̈ 'ab'x chi 'ix sc'anlb'ej, yic xyaln 'el 'a eb' 'anma'. Ax 'a eb' scuywum, c'uxn 'ix yac' nachjc 'el jun tzo'n̈ chi yuj eb'.

Lc 24:25

Yuj cha, xyaln pax 'a eb' 'ixtic: —Ax tic, caw may e nab'en, caw teb'il tzeya'ch e c'ojl 'a jantcn̈ej tas yaljnac can eb' schecb' Dios pecti'.

Lc 24:44

Xlajw cha, xyaln pax 'a eb' 'ixtic: —A ticnec, 'ix 'el'ch 'icha yaj waln 'ayex, yic in 'ec' eyet'oc. 'In waljnac 'ayex, to yowlal 'oj 'el'choc jantcn̈ej wab'xil tz'ib'b'il can 'a ley yic Moisés, yet' tas tz'ib'b'il can yuj eb' schecb' Dios, yet' jun tzo'n̈ xo wab'xil 'a ch'an̈ libro salmos, xchi 'a eb'.

Jn 1:45

Ax Felipe chi xit' saync 'ec' Natanael. Yic 'ix 'ilchj yu'uj, 'ix yaln 'a 'ixtic: —'Ay jun x'ilchj cuj on̈. Atn jun tz'ib'b'il can yab'xil yuj Moisés 'a Ch'an̈ Un̈ yic ley, tz'ib'b'il can pax yuj eb' schecb' Dios pecti'. Atn Jesús yunnal José, 'aj chon̈b' Nazaret, xchi.

Jn 12:41

Yaljnac can Isaías jun tzo'n̈ tic, yujto yiljnac swach'l Jesús. Yuj cha, atn yab'xil tic yaljnac.

Jn 5:37

A 'in Mam cha, a checjnacn coti, a tzyac' testigoal sb'a wu'uj. Ax tic, may jun 'ejmoc xeyab' sjaj spaxtini. May 'aj xeyil jun 'ejmoc.

Jn 5:39

Yelc'ojlal tze cuy ton Ch'an̈ Un̈ tz'ib'b'il cani, yujto tze na'a, to ata 'oj 'ilchjoc e q'uinl 'a jun 'ejmn̈ej. Palta wach'xam tzyal Ch'an̈ Un̈ chi wab'xil,

A Tas Sc'ulejnac Eb' Schecab' Jesús Hechos 10:43

Yictax pecti', 'aycto, yaln can 'el eb' schecb' Dios yab'xil Jesús. Yaljnac can junjn eb', chajtlto jantcn̈ej mach 'oj ya'ch sc'ojl 'a 'a, 'oj 'ajxoc can lajwc smul eb' yu'uj, xchi Pedro 'a eb'.

A Tas Sc'ulejnac Eb' Schecab' Jesús Hechos 3:18

Palta 'ixta xyutj Dios ya'n 'el'choc tas alb'il can yuj eb' schecab'. Yujto yaljnac can eb', chajtlto a Cristo, yowlal tzyab' syail.

A Tas Sc'ulejnac Eb' Schecab' Jesús Hechos 3:22

Ax Moisés, yaljnac can 'ixtc 'a eb' qui mam quichmec: A Dios Cajlilec, a 'oj si'nc 'elt jun schecb' 'a scal eb' quit chon̈b'ec, 'icha in yutj in si'n 'elt an tic. Yowlal tzeyiclj smasnil tas 'oj yal 'ayex.

A Tas Sc'ulejnac Eb' Schecab' Jesús Hechos 3:24

Jantcn̈ej eb' schecb' Dios 'e'nc pecti', yictax 'ayc' Samuel, c'uxn yaljnac can 'el eb' yab'xil jun tiempoal tzat jaw tic.

A Tas Sc'ulejnac Eb' Schecab' Jesús Hechos 7:37

Atn Moisés chi 'ix aln 'ixtc 'a eb' quit israelalec cha: A Dios 'oj si'nc 'elt jun schecb' 'a scal eb' quit chon̈b'ec, 'icha in yutj in si'n 'elt an tic. [Caw tze chaj eyab' 'a 'a,] xchi 'a eb'.

A Tas Sc'ulejnac Eb' Schecab' Jesús Hechos 8:35

Ax Felipe 'ix aln 'a winac, tas tzyal 'el'ch Ch'an̈ Un̈ cha. 'Ix syamn 'och yaln yab'xil Jesucristo 'a winac.

Dt 1:45

Ax yic ex laj japxi, xlaj eyamn 'och eyoc' 'a yojltac Jehová, palta man̈x 'ic yab' Jehová tas xeyal cha.

Dt 18:15

A Jehová qui Diosalec, 'oj sic' 'elt 'a e cal junc xo schecb' 'icha 'in tic; a jun cha, yowlal 'oj eyiclc tas 'oj yala'.

Apoc 19:10

Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.