Lc 24:19 - Chuj San Sebastian Bible

¹⁹ —¿Tas jun tzo'n̈ 'ix uj chi ta jun? xchi 'a eb'. —'Ay jun 'aj Nazaret Jesús sb'i, caw schecb' Dios. A 'a sat Dios, yet' 'a sat eb' 'anma smasnil, caw niwn yel'ch tas 'ix sb'o'o, yet' tas 'ix yala.

Chuj San Mateo Bible

¹⁹ —¿Tas juntzan̈ ix uji chi' jun? xchi Jesús chi' d'a eb' vin̈. —Ay jun aj Nazaret scuch Jesús. Schecab' ton val Dios yaji. A d'a yichan̈ Dios yed' d'a yichan̈ eb' chon̈ab', te nivan yelc'och tas ix sc'ulej yed' tas ix yala'.

Lc 24:19 Iomraidhean Croise

Mt 21:11

'Ay eb' xalni: —Atn Jesús 'aj Nazaret 'a yol yic Galilea, atn jun schecb' Dios tic, xchi eb'.

Mr 1:24

—¿Tas aln ec 'ayn̈ ach Jesús 'aj Nazaret? ¿Tom tzach jaw wul on̈ a satcn 'el on̈? Wojc ach, ach tic, sic'b'ilch 'el yuj Dios, xchi win 'a 'a.

Lc 24:18

'Ay jun win xta'w mu'c 'a 'a, Cleofas sb'i, xyaln 'ixtic: —'Intax c'uxn yojc eb' 'anma smasnil tas 'ix uj 'a Jerusalén 'a chab'j 'oxji tic. Ach xo tic, ¿tom ma'ix ab' jac jun? 'In ach 'ec' ta', xchi eb' 'a 'a.

Lc 7:16

Yic 'ix yiln eb' 'anma chi jun cha, caw 'ix xiw chan̈ eb' smasnil. 'Ix laj yalnc eb' wach' paxti 'ixtc 'a Dios. —'Ay jun schecb' Dios 'ix checlj 'el 'a qui calc tic, caw niwn yel'chi, xchi eb'. 'Ix laj yalnc pax eb' 'ixtic: —Caw 'ix jaw Dios colwjoc 'ayn̈ an̈ schon̈b' on̈ec tic, xchi eb'.

Jn 3:2

Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

Jn 4:19

Xlajw yab'n 'ix jun tzo'n̈ cha, xyaln pax 'ix 'a 'ixtic: —Ach winac, schecb' ach Dios tzwab'i.

Jn 6:14

Ax eb' 'anma cha, c'uxn 'ix yil eb' jun milagro chi 'ix sch'ox Jesús. Yuj cha, xyaln eb' 'ixtic: —Atn jun schecb' Dios tic tan̈b'il xon sjaw 'a yolyib'n̈q'uinl tic, xchi eb'.

Jn 7:52

Yuj cha, xyaln pax ewin 'ixtc 'a 'a: —¿Tom 'aj Galilea ach yet' winac? Cuy Ch'an̈ Un̈ tz'ib'b'il cani. Atta 'oj ela', to may xon junc schecb' Dios tz'alj 'a Galilea cha, xchi ewin 'a 'a.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 2:22

Ex wit israelal, 'a'c 'och e chicn 'a jun tzo'n̈ xo tic 'oj wal 'ayex. A Dios 'ix ch'oxn yopiso Jesús 'ayex, yic 'ix sb'on jun tzo'n̈ milagro, jun tzo'n̈ may 'aj tzquila, yet' jun tzo'n̈ xo tas tzch'oxn 'el spoder. A jun tzo'n̈ tic sb'o Dios yet' Jesús. 'In caw eyojc xon jun tzo'n̈ tic.

A Tas Sc'ulejnac Eb' Schecab' Jesús Hechos 7:22

Ax Moisés cha, c'uxn 'ix 'ajx scuy jantcn̈ej sjelnal eb' 'aj Egipto. Yuj cha, caw wal jeln yalni. Jeln pax sb'on smasnil tas.

Dt 18:15

A Jehová qui Diosalec, 'oj sic' 'elt 'a e cal junc xo schecb' 'icha 'in tic; a jun cha, yowlal 'oj eyiclc tas 'oj yala'.