Lc 23:9 - Chuj San Sebastian Bible

⁹ Yuj cha, til wal tas 'ix cob' sc'anb'c win 'a Jesús, palta toxn ma'ix ta'w xoni.

Chuj San Mateo Bible

⁹ Tzijtum tas ix sc'anb'ej vin̈ d'ay, axo Jesús man̈ jab'oc ix tac'vi d'a vin̈.

Lc 23:9 Iomraidhean Croise

Salmos 39:9

'Icha to matz tac' in paxtini, 'ixta xwutj in b'a, may tas xwala, yujto ach xa'ch jun tzo'n̈ yailal tic 'ayin.

Is 53:7

Til wal 'ix yutj eb' yixtni, toc 'ay tas 'ix yala, ton̈j sictac yaji. Xyi'n 'at eb' 'anma chi 'a 'aj tzmila, 'icha tz'aj yijx 'at junc no calnelu 'aj tzmilxi, 'ixta xyutj sb'a, may xon tas xyala, sictac yaj 'icha no calnelu tzjoxxi.

Mt 27:12

Ax ewin sat ya'mal 'och sti eb' israel 'a Dios, yet' ewin 'ichmtac winac, 'ix ya'ch ewin 'a yib'an̈, palta may tas tzyala.

Mt 27:14

Palta man̈xtoc xta'w 'a winac; yuj cha, caw sat sc'ojl win yu'uj.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Mr 15:5

Palta ax Jesús man̈xtoc xta'wi, yuj cha, 'ix sat sc'ojl win yu'uj.

Lc 13:32

Palta xyaln 'a ewin 'ixtic: —A jun cha, lajn 'icha junc wa'ax, may jac yel'chi. 'At alc 'ixtc 'a 'a: 'Ab'i, a ticnec yet' q'uic'an, tzwij 'el ewin demonio 'a eb' 'anma', tzwa'n pax b'oxc sc'ojl eb' ya'ay, ax chab'ej, ax swach' b'o in munljel tic, xchi Jesús, xe chi 'a winac.

Lc 23:10

Ax eb' sat ya'mal 'och sti eb' israel 'a Dios, 'ix c'och eb' yet' eb' cuywjum 'a ley yic Moisés. Caw yelc'ojlal ya'n 'och eb' 'a yib'n̈ Jesús.

Jn 19:9

Yuj cha, 'ix 'ochx win 'a yol sdespacho jun 'ejm xo. 'Ix sc'anb'n pax win 'ixtc 'a Jesús: —¿'Aj wal til cotnc ach jun? xchi win 'a 'a. Palta ax Jesús, ma'ix ta'w 'a winac.

A Tas Sc'ulejnac Eb' Schecab' Jesús Hechos 8:32

A Ch'an̈ Un̈ 'aj wan yiln winac, ata tzyal 'ixtic: 'Icha tz'aj yijx 'at junc no calnelu 'aj tzmilxi, 'ixta xyutj sb'a, may xon tas xyala, sictac yaj 'icha no calnelu tzjoxxi.

A Sb'ab'el Carta San Pedro 2:23

A 'a yic 'ix b'uchwj eb' 'a 'a, ma'ix b'uchwj pax 'a eb'. Ax yic 'ix 'ajx pax 'och 'a syailal, ma'ix yala, to 'oj yac' spac 'a eb'. Ton̈j xyac' 'ab'enal sb'a 'a Dios, atn jun Juez caw tojol.