Lc 23:4 - Chuj San Sebastian Bible

⁴ Yuj cha, xyaln win 'ixtc 'a eb' sat ya'mal 'och sti eb' israel 'a Dios, yet' 'a eb' 'anma cha: —'In may jac smul win tz'ilchj wu'uj, xchi win 'a eb'.

Chuj San Mateo Bible

⁴ Yuj chi', ix yal vin̈aj Pilato chi' d'a eb' vin̈ sat sacerdote yed' d'a eb' anima chi': —Malaj jab'oc smul jun vin̈ tic tz'ilchaj vuuj, xchi vin̈.

Lc 23:4 Iomraidhean Croise

Mt 27:19

Yic wocn to 'ejm win Pilato chi 'a sdespacho, 'ix c'och sti 'ix yistl win 'a 'a, xyal 'ix 'ixtic: Caw may jac tza'ch 'a yib'n̈ win tojl snab'en cha, yujto xin waychej jun chi q'uiq'ui, caw in xiw yuj jun in waych cha, xchi 'ix.

Mr 15:14

'Ix yaln win Pilato chi 'ixtic: —¿Tas wal junc maysch'olnil 'ix sb'o'o? xchi winac. Palta yel xo wal xwach' q'ue somnjoc eb' yaln paxi: —'Och cab' win 'a spenc culus, xchi eb'.

Lc 23:22

'Ix yaln pax win 'a yox 'ejmal 'a eb' 'ixtic: —¿Tas wal yu'uj? ¿tas wal smul win tzeyil jun? Toxn may jac smul win tz'ilchj wu'uj yic smoj tzcham yu'uj. Yuj cha, ton̈j 'oj wac' ma'xoc winac, ax wa'n 'el win 'a libre, xchi win 'a eb'.

Jn 18:38

'Ix yaln pax win Pilato chi 'ixtic: —'A... ¿Tasm jun yel tzal tic? xchi win Pilato chi 'a Jesús. Xlajw xoj yaln win jun cha, 'ix 'el paxt 'a 'aj 'aycn eb' 'aj Judea 'a sti'. 'Ix yaln 'elt win 'a scal eb' 'ixtic: —A jun winc tic, may jac smul tz'ilchj wu'uj.

A Tas Sc'ulejnac Eb' Schecab' Jesús Hechos 25:25

Palta tzin na 'an tic, may junc smul smoj scham yu'uj. Tox 'ix sc'anb't sb'a 'a win yajl 'a Roma, atn win Augusto, sec a win 'oj b'eyc'ojlanoc. Yuj cha, tzin na'a, to 'oj wa'ti.

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

A Sb'ab'el Carta San Pedro 2:22

A jun cha, may 'aj x'och jac smul. May jun 'ejmoc 'ix yixtj paxti junc 'anma'.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.