Lc 23:34 - Chuj San Sebastian Bible

³⁴ Ax yic wan st'un̈n q'ue eb' Jesús, 'ix yaln 'ixtic: —Mamin, 'ac' niwnc'ojlal 'a eb', yujto man̈ yojcoc eb' tas wan sb'oni, xchi 'a Dios. Ax ewin soldado cha, xya'n ewin b'ul, yic tzpojn 'ec' ewin spichl Jesús 'a 'a.

Chuj San Mateo Bible

³⁴ Ayic van sq'ue d'un̈un̈oc Jesús yuj eb', ix yalani: —Mamin, ac' nivanc'olal eb', yujto man̈ yojtacoc eb' tas van sc'ulani, xchi d'a Dios. Axo eb' vin̈ soldado, ix yac' suerte eb' vin̈ yic spojanec' spichul Jesús chi' eb' vin̈ d'a spatic.

Lc 23:34 Iomraidhean Croise

Gn 50:17

Tzin tew 'ayach, to tzac' niwnc'ojlal 'a yib'n̈ ewin o'tac tic, yuj tas tu sb'o ewin 'ayach, xchi. 'Ixta xyutj win yaln cani, yuj cha, an̈ tic schecb' on̈ qui Diosal yet' qui mamc cha, tzcal 'ayach, to tzac' niwnc'ojlal 'ayn̈ on̈, yuj jun tu nab'enal xcac' 'ayach, xchi ewinac. Ax yic xyaln ewin checb' chi schecnb'il, x'oc' chan̈ José.

Salmos 22:18

'Ix spojc' eb' in pichl 'a 'a, xya'n 'och eb' b'ul 'a yib'an̈.

Is 53:12

Yujn̈ej cha, ax ya'n Dios jun yopiso 'a scal eb' niwn yel'chi. 'Ay yaln yic yet' eb' x'a'n ganar owal, yujto 'ix ya'sb'a 'a yol sc'ab' chamel, 'icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo. Caw yel 'ix ya'cn 'och sb'a 'a yaln̈ smul smasnil 'anma', 'ix leslwi yuj eb', sec tz'ajx lajwc smul eb' cha.

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

Mt 11:26

'Ixta x'aj Mamin, yujto 'ixta tza nib'ej, xchi 'a Dios.

Mt 5:44

Palta an tzwal 'ayex, yowlal tze chamc'ojlej eb' 'ajc'ojl yajch 'ayex. [A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. Wach'n̈j tzeyutj e b'a 'a eb' tzchichn 'och 'ayex. Ax eb' tzex b'uchni,] yet' eb' tz'a'n 'och 'a eyib'an̈, tzex leslwi pax yuj eb'.

Mr 15:24

Xlajw cha, xya'n 'och ewin 'a spenc culus. Ax ewin soldado cha, 'ix yac' ewin b'ul yic tzpojn 'ec' ewin spichl Jesús 'a scal, a tzyala tas tzyij junjn ewinac.

Lc 22:42

'Ix yaln 'ixtic: —Mamin, toto tz'el 'a a c'ojol, tzej 'ec' jun yailal tic 'a wib'an̈, palta man̈oc 'icha tzin nib'ej, a cab' wal 'icha tza nib'ej, xchi.

Jn 17:9

Yuj cha, tzin leslwi yuj eb'. Ax eb' yic yolyib'n̈q'uinl tic, matz in leslwi yuj eb'. Cojn eb' xac' 'ayin, an̈j eb' tzin leslwi yu'uj, yujto ec xo eb'.

Jn 19:11

Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.

A Tas Sc'ulejnac Eb' Schecab' Jesús Hechos 16:28

Palta ax Pablo, x'awj 'elt 'a winac, xyaln 'ixtic: —Man̈ a mil a b'a, 'ayn̈ 'ec' qui masnil on̈, xchi 'elta.

A Tas Sc'ulejnac Eb' Schecab' Jesús Hechos 3:17

Ax ticnec ex wit chon̈ab', wojtac to xeyac' milxoc cham Jesús, yujto mant eyojcoc, tas wan e b'oni. 'Ixta pax ewin yajal, man̈ yojcoc ewinac.

A Tas Sc'ulejnac Eb' Schecab' Jesús Hechos 7:60

Xlajwn̈ej cha, 'ix 'em cuman. Caw 'ip xq'ue yaw sleslwi: —Mamin, man̈ a'cn 'och jun smul eb' tic 'a yib'an̈, xchi. Xlajw xoj yaln jun cha, 'ix cham yuj eb'.

Ro 12:14

A mach tu tzlaj yutc sb'a 'ayn̈ec, yowlal tzqui c'an cot swach'c'ojlal Dios 'a yib'an̈. Man̈oc yowl sc'ojl Dios chi tzqui c'anc cot 'a yib'an̈.

1 Co 2:8

May junc eb' yajl yic yolyib'n̈q'uinl tic tznachj 'el jun tic yu'uj. Octom xnachj 'el yuj eb', to 'ixta', ma'ix yac' q'ue eb' Cajlilc 'a spenc culus, atn Cajlilec caw niwn yel'chi.

1 Co 4:12

Caw wal tz'el quip qui munlj yet' qui c'ab' tic on̈. Ax eb' 'anma', tzb'uchwj eb' 'ayn̈ on̈, palta tzqui c'an cot swach'c'ojlal Dios 'a yib'n̈ eb' on̈. 'Ay 'aj tzya'ch eb' yailal 'a quib'n̈ on̈, palta tzcac' techjoc on̈.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

A Sb'ab'el Carta San Pedro 3:9

Toto 'ay eb' tu tzyutj sb'a 'ayex, man̈ tuc tzeyutj e b'a 'a eb' jun xo. Toto 'ay eb' tzex b'uchni, man̈ ex b'uchwjoc pax 'a eb'. Ton̈j tze c'an swach'c'ojlal Dios 'a yib'n̈ eb'. Yujto a Dios on̈ 'awtnec 'och yico'oc, yic tzya'n swach'c'ojlal 'ayn̈ec.