Lc 23:33 - Chuj San Sebastian Bible

³³ 'Ix c'och eb' 'a jun lugar tzcuch Calavera. Ata 'ix st'un̈ q'ue eb' Jesús. 'Ix t'un̈x pax q'ue ewin 'ay smul cha, jun 'a swach' c'ab', jun 'a surito, junjn sculsal junjn eb'.

Chuj San Mateo Bible

³³ Ix c'och eb' d'a jun lugar scuchan B'aj Ay Sb'aquil Jolom. Ata' ix culusajq'ue Jesús yuj eb' vin̈ soldado. Ix culusajpaxq'ue chavan̈ eb' vin̈ ay smul chi' yed'oc, jun vin̈ d'a svach', jun vin̈ d'a sq'uexan̈. Junjun sculusal junjun eb'.

Lc 23:33 Iomraidhean Croise

Salmos 22:16

'Ay nan̈l eb' 'anma maysch'olnil, 'ix 'och oyn eb' 'ayn 'icha no tz'i', 'ix yoln eb' in c'ab' yet' pax woc.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Mt 20:19

'Oj wajx 'och 'a yol sc'ab' eb' man̈ israeloc. 'Oj in sb'uch eb'. 'Oj in smac' eb'. 'Oj in yac' q'ue eb' 'a spenc culus. Palta ax 'a schab'jial, ax in pitzw paxi, xchi 'a eb'.

Mt 26:2

—Eyojtac to chab'joc xoj yoch q'uin̈ yic snanb'il cot yel eb' qui mam quichmec 'a libre, an 'Ochnc in 'Anmal tic, 'oj wajx 'och 'a yol sc'ab' eb' 'oj wa'n 'och 'a spenc culus, xchi 'a eb'.

Lc 24:7

Chajtlto a 'Ochnc 'Anma'il, palta yowlal 'oj 'ajxc 'och 'a yol sc'ab' eb' maysch'olnil, ax yajx 'och 'a spenc culus. Ax 'a schab'jial, ax spitzw paxi. 'In 'ixta yutjnac yaln 'ayex, xchi eb' 'a eb'.

Jn 18:32

'Ixta x'aj yel'ch tas 'ix yal Jesús, chajtlto 'ixta 'oj yutc eb' smiln chamoc.

Jn 3:14

An tic, 'Ochnc in 'Anma'il, palta 'icha yutjnac Moisés st'un̈n q'ue jun yechl chan 'a cusltac lu'um, 'ixta 'oj waj q'ue t'un̈n paxi.

A Tas Sc'ulejnac Eb' Schecab' Jesús Hechos 13:29

C'uxn 'ix sb'o eb' 'icha yaj stz'ib'x can 'a Chan̈ U'un̈. Xlajw cha, xyi'n 'emt eb' sniwnal 'a spenc te culus. 'Ix 'at ya'nc 'och eb' 'a yol jun q'ue'en.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

A Tas Sc'ulejnac Eb' Schecab' Jesús Hechos 5:30

Ax tic, xeyac' milxoc cham Jesús, yic xeya'n t'un̈x q'ue 'a jun te culus. Palta a Dios, atn 'aj yaljnac sb'a eb' qui mam quichmec, a x'a'n pitzwc pax 'a scal eb' chamnac.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Dt 21:23

a sniwnal jun 'anma cha, matz tac' scan junc 'ac'wl 'a 'aj 'ayc' cha. Yowlal tzmucx 'a jun c'u cha, sec matz eyixtj 'el lum lum 'oj yac' Jehová eyico'oc, yujto a junc 'anma tzq'ue t'un̈n 'a spenc te', tzcatb'tzax can yuj Dios.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.