Lc 23:22 - Chuj San Sebastian Bible

²² 'Ix yaln pax win 'a yox 'ejmal 'a eb' 'ixtic: —¿Tas wal yu'uj? ¿tas wal smul win tzeyil jun? Toxn may jac smul win tz'ilchj wu'uj yic smoj tzcham yu'uj. Yuj cha, ton̈j 'oj wac' ma'xoc winac, ax wa'n 'el win 'a libre, xchi win 'a eb'.

Chuj San Mateo Bible

²² Ix yalanxi vin̈aj Pilato chi' yoxelal d'a eb': —¿Tas val smul vin̈ d'ayex jun? Malaj val jab'oc smul vin̈ tz'ilchaj vuuj yic smoj schami. Yuj chi' ton̈ej ol in chec mac'joc vin̈, ol vac'anxiel vin̈ d'a libre, xchi vin̈ d'a eb'.

Lc 23:22 Iomraidhean Croise

Lc 23:14

'Ix yaln 'elt win 'a scal eb' 'ixtic: —A win xwul eyac' 'ayn tic, xeyalni to tzsomchj 'el eb' 'anma yu'uj. Palta 'in e sat xin c'anb'n wab' 'a 'a, may jac smul tzcheclj 'icha xeyutj eya'n 'och 'a yib'an̈.

Lc 23:16

Yuj cha, ton̈j 'oj wac' ma'xoc winac, ax yel win 'a libre, xchi win 'a eb'.

Lc 23:20

Ax win Pilato cha, snib'j win xya'l Jesús 'a libre. Yuj cha, 'ixta xyutj yaln pax 'a eb' 'anma chi jun 'ejm xo.

Lc 23:21

Palta ax xyab'n eb' 'anma cha, ton̈j xwach' q'ue b'uynjoc eb' yaln 'ixtic: —'Och cab' win 'a spenc culus, 'och cab' win 'a spenc culus, xchi eb'.

Lc 23:23

Palta ton̈j xcaw wach' q'ue somnjoc eb' yawj cha'an̈, chajtlto yowlal tz'och 'a spenc culus. Caw 'ip x'awj chan̈ eb' yet' eb' sat ya'mal 'och sti eb' 'anma 'a Dios. Xya'n ganar eb' 'icha tznib'ej.

Lc 23:4

Yuj cha, xyaln win 'ixtc 'a eb' sat ya'mal 'och sti eb' israel 'a Dios, yet' 'a eb' 'anma cha: —'In may jac smul win tz'ilchj wu'uj, xchi win 'a eb'.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.