Lc 22:51 - Chuj San Sebastian Bible

⁵¹ Palta xyaln Jesús 'ixtc 'a eb' scuywum cha: —'Actjec, man̈ e b'o jun chi 'ixta', xchi 'a eb'. Xlajw cha, xya'n 'at sc'ab' 'a schicn winac, 'ix 'ochx can yu'uj.

Chuj San Mateo Bible

⁵¹ Axo Jesús ix alan d'a eb': —Actejec, c'ocb'ilxo chi', xchi d'a eb'. Axo Jesús ix yaman schiquin vin̈ chi', yed'n̈ej chi' ix ochxicani.

Lc 22:51 Iomraidhean Croise

Lc 22:50

Yajn̈j wal cha, 'ay jun scuywum cha, 'ix stzu'n 'el schicn jun smoso win sat ya'mal 'och sti eb' israel 'a Dios 'a swach'.

Lc 22:52

A ewin sat ya'mal 'och sti eb' israel 'a Dios, yet' ewin yajl yaj 'a yatut Dios, yet' ewin 'ichmtac winc 'ay yopiso, a ewin xc'och yamnoc Jesús. Yuj cha, xyaln 'a ewin 'ixtic: —¿Tas waj tzeyila? ¿Tom 'elc'm in, yuj cha, tzex jaw yet' eyespada yet' e te 'ayin?

Jn 17:12

Yic 'ayn 'ec' yet' eb' 'a yolyib'n̈q'uinl tic, xin tan̈wj eb' yet' a poder. An 'ix wac' cuenta eb' xac' 'ayn tic, sec may tz'i'n eb'. Yuj cha, may junc eb' sati, palta cojn jun satnc xoni, sec tz'el'ch tas tz'ib'b'il can 'a Ch'an̈ U'un̈.

A Tas Sc'ulejnac Eb' Schecab' Jesús Hechos 16:28

Palta ax Pablo, x'awj 'elt 'a winac, xyaln 'ixtic: —Man̈ a mil a b'a, 'ayn̈ 'ec' qui masnil on̈, xchi 'elta.

Ro 12:21

Caw matz qui chajec 'ajxc ganar qui b'a yuj junc maysch'olnil tz'ajx 'och 'a quib'n̈ec. Yowlal caw wach' tzcutjec qui b'a, sec an̈ 'oj ca'c ganar 'a yib'n̈ jun tzo'n̈ maysch'olnil cha.

2 Co 10:1

A Cristo, caw 'emmquilal yutjnac sb'a, til wal swach'l snab'en. 'Icha yutjnac sb'a cha, 'ixta tzwutj in b'a in tew 'at 'ayx an Pablo in tic. Tzalxi, to caw 'emmquil tzwutj in b'a, yic 'ayn 'ec' eyet'oc, palta ax ab' yic 'ayn 'ec' 'a najat, caw ab' ow in.