Lc 22:26 - Chuj San Sebastian Bible

²⁶ Ax xo tic, man̈ eyutc e b'a 'icha eb' yajl cha. Toto 'ayx niwn eyel'ch 'a e cal, yowlal caw tzeyij 'ejm e b'a, 'icha junc mach may yel'chi. An̈jtona', toto 'ayx yajl eyaji, yowlal tzeya'ch e b'a mosoal.

Chuj San Mateo Bible

²⁶ A exxo tic, man̈ eyutoc e b'a icha eb' chi'. Tato ay junoc mach d'a e cal tic ec'al yelc'ochi, yic'ocab'emta sb'a icha junoc unin. An̈ejtona' tato ay junoc yajal yaj d'a e cal, ichaocab' junoc checab' syutej sb'a.

Lc 22:26 Iomraidhean Croise

Mt 20:26

Palta ax tic, man̈ 'ichcta 'oj 'aj 'a e cal. Toto 'ay ex, tze nib'j caw niwn eyel'ch 'a e cal, yowlal tzex 'och ya'malc servil eb' eyit cuywumal smasnil. Toto 'ixta', caw niwn eyopiso.

Mr 10:43

Palta ax tic, man̈ 'ichcta 'oj 'aj 'a e cal. Toto 'ayx tze nib'j caw niwn eyel'ch 'a e cal, yowlal tzex 'och ya'malc servil eb' eyit cuywumal. Toto 'ixta', caw niwn eyopiso.

Mr 9:35

Yuj cha, 'ix 'em wocn Jesús, 'ix yawtn cot eb' slajchwan̈il 'a 'a, 'ix yaln 'a eb' 'ixtic: —Toto 'ay junc ex tze nib'j caw niwn eyel'ch 'a e cal 'a sat Dios, yowlal caw 'emmquil tzeyutj e b'a. Yowlal tzex 'och ya'malc servil eb' eyit cuywumal tic smasnil, xchi Jesús 'a eb'.

Lc 9:48

Xyaln 'a eb' scuywum chi 'ixtic: —Tzann̈j mach tzchan junc 'unn 'icha jun tic, yujto wico', an ton tzin scha'aj. Man̈ cojnoc in tzin scha'a, tzchaj pax jun mach checjnacn coti. A mach yel xo tzyij 'ejm sb'a 'a e cal, atn jun chi yel xo wal niwn yel'chi, xchi 'a eb'.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

A Sb'ab'el Carta San Pedro 5:3

Matz tac' ton̈j yajl tzeyutj e b'a 'a eb' creyente 'ay 'a yol e cuenta cha. Palta tze ch'ox jun wach' b'eyb'al yil eb', sec 'oj sb'eylb'oc pax eb' jun xo.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.