Lc 22:19 - Chuj San Sebastian Bible

¹⁹ Xlajw cha, xyi'n chan̈ jun pan. 'Ix ya'n yuj diosal 'a Dios yu'uj. 'Ix ch'iyn 'ec' 'a eb'. 'Ix yaln 'a eb' 'ixtic: —A jun tic, atn in niwnal tic 'oj 'ajxoc eyu'uj, Wajec. Tze b'o jun tic, yic tzin e nan coti, xchi.

Chuj San Mateo Bible

¹⁹ Ix lajvi chi', ix yic'anq'ue van jun ixim pan. Ix yac'an yuj diosal d'a Dios yuj ixim. Ix xepanb'at ixim d'a eb' vin̈. Ix yalani: —A jun tic, aton in nivanil tic ol ac'joc eyuuj. Vaec ixim. Tze c'ulejn̈ej jun tic, yic tzin e naancoti, xchi d'a eb' vin̈.

Lc 22:19 Iomraidhean Croise

Salmos 111:4

Satjub'tac yilx tas b'ob'il yu'uj, may b'a'n̈ tz'at 'a satc'ojlal. A Jehová caw wach' snab'en, 'ay schamc'ojlal.

Cantares 1:4

'Ij in 'at 'a atut ach rey, c'olep, con̈ muc'uc, xchi 'ix. Caw 'oj cac' tzaljoc qui c'ojl et'oc; 'oj qui na cot a chamc'ojlal cha, yujto 'ec'b'al swach'l 'a yib'n̈ te yal uva. 'Into yuj cha, tzach snib'n eb' 'ix 'ix tic, xchi eb'.

Ez 37:11

Xlajw cha, xyaln 'ayn 'ixtic: Ach 'anma', a jun tzo'n̈ tacn̈ b'ac 'ix 'el cha, tzyal cot yuj eb' et israelal, yujto tzlaj yal eb' 'ixtic: An̈ec tic, 'icha to tacjnacx qui b'aquil, man̈x 'a tas 'aych yipc qui c'ojol, lajwnacn̈ xo 'eli, xchi eb'.

Ez 5:5

An Jehová Yajl in 'a smasnil, an tzwal jun tic: A tas tzch'ox jun tic, atn chon̈b' Jerusalén, an 'ix wac' 'ejm jun chon̈b' chi 'a scal jun tzo'n̈ xo nacion̈.

Dn 2:38

Ach ya'n 'och yajlil 'a sat smasnil lum lum 'aj cajn eb' 'anma', 'aj 'ay no calte'al noc', yet' no ch'ic. A Dios cha, a 'a'jnacch 'och yajlil 'a yib'n̈ smasnil tas, yuj cha, ach tzach yal sjolm jun yechl to nab'a oro cha.

Mt 14:19

Xlajw cha, xyaln 'a eb' 'anma', to tz'em wocn eb' 'a jun 'a'lic 'aj 'ayc' cha. 'Ix syamn chan̈ o'e pan yet' chac'otn̈ chay cha. 'Ix q'ue q'ueln 'a satcha'an̈, xya'n yuj diosal yu'uj. Sch'iyn 'ixm pan cha. Xlajw cha, xya'n 'a eb' scuywum. Ax eb' x'a'n 'ec' 'a eb' 'anma cha.

Mt 15:36

'Ix syamn chan̈ 'ixm pan chi yuquil, yet' jayc'otn̈ chay cha, 'ix ya'n yuj diosal 'a Dios yu'uj. Sch'iyn 'ixm pan cha, 'ix ya'n 'a eb' scuywum, ax eb' x'a'n 'ec' 'a eb' 'anma cha.

Lc 22:17

Xlajw cha, xyi'n chan̈ jun vaso, 'ix ya'n yuj diosal 'a Dios yu'uj, 'ix yaln pax 'ixtc 'a eb': —Chajec jun tic, mol 'u'jec.

Lc 22:20

Xlajw swa eb', 'ixta xyutj pax jun vaso. 'Ix yaln 'ixtc 'a eb': —A tas 'ay 'a yol jun vaso tic, sch'oxnb'il jun yac' trato Dios. Yuj in chiq'uil, 'oj 'el'choc, yujto 'oj 'elcn eyu'uj.

Lc 24:30

Ax yic x'och wocn 'a te mexa yet' eb'. 'Ix yi'n chan̈ jun pan. 'Ix ya'n yuj diosal 'a Dios yu'uj. Xlajw cha, sch'iyn 'ec' 'a eb'.

Jn 6:23

Palta 'ay jun tzo'n̈ barco xcot 'a chon̈b' Tiberias, 'ix c'och 'a stz'ey jun lugar chi 'aj 'ix swaj eb' 'ixm pan, yic 'ix ya'n Cajlilec yuj diosal yu'uj.

Jn 6:51

An ton tic cotnc in 'a satcha'an̈, 'icha wal in, yujto 'a'm in q'uinl 'a jun 'ejmn̈ej. Yuj cha, a eb' tzwan jun tic, pitzn eb' 'a smasnil tiempo. A jun 'icha wal tzwac' waxoc tic, atn in chib'jal, xchi Jesús 'a eb'.

1 Co 10:16

A jun vaso yic Dios, jun tzca'c yuj diosal yu'uj, a tzch'oxni to junxn̈ej tzon̈ 'ajc yet' Cristo, yujto x'elcn schic'l cujec. An̈jtona', yet' jun pan tzpojx 'ec' 'a qui calec, a tzch'oxn paxi, to junxn̈ej tzon̈ 'ajc yet'oc, yujto x'ajx cham sniwnal chi cujec.

1 Co 10:4

An̈jtona', smasnil eb' 'u'jnac jun a 'ac'b'il yuj Dios 'a eb' 'a 'esal. A 'a sat jun q'uen q'ue'en, ata 'elnc ta a a'. A jun q'uen cha, sch'oxnb'il Cristo yaji.

Gl 1:4

A Jesucristo wul ya'jnac cham sb'a, yic tzyi'n 'el qui mulec. 'Ixta 'on̈ yutjec on̈ scolnec 'el 'a yol sc'ab' maysch'olnil 'a yolyib'n̈q'uinl tic, yujto 'ixta x'el 'a sc'ojl Dios, atn qui Mamec.

Gl 4:25

A 'ix Agar cha, tzyal 'el'chi, atn lum witz Sinaí 'ay 'a yol yic Arabia. A ticnec, a Jerusalén 'icha to yicto witz Sinaí, yujto a eb' 'ay 'a jun chon̈b' cha, caw 'aych eb' ya'malc servil ley.

Ef 5:2

Qui ch'oxc qui chamc'ojlal 'a junjn c'u, yujto 'ixta on̈ yutj Cristo on̈ schamc'ojlanec, yic ya'n cham sb'a cujec. 'Icha no calnelu milb'il cham xajmb'alil, wach' sjab' 'a Dios, tzalj yet'oc, 'ixta x'aj Cristo smilx cham cujec.

1 Ts 5:18

Caw tzlaj eya'n̈j yuj diosal 'a Dios, yaln̈ej tas tzjaw 'a eyib'an̈. 'Ixta tznib'j Dios tzqui b'o'ec, yujto yic on̈c xo Cristo Jesús.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.