Lc 21:1 - Chuj San Sebastian Bible

¹ 'Ix 'at q'ueln Jesús, 'ix yilni chajtl xyutj eb' rico ya'n 'ejm stumn 'a yojl jun chalab' ofrenda.

Chuj San Mateo Bible

¹ A junel, ayec' Jesús d'a yamaq'uil templo. Van yilani chajtil syutej eb' b'eyum yac'anem yofrenda d'a yol jun chalab' ofrenda.

Lc 21:1 Iomraidhean Croise

A Ch'an̈ B'ab'el Libro Yic Yab'ixal Eb' Rey 14:26

'Ix yi'n 'ec' win smasnil ricoal 'ay 'a yol yatut Jehová, yet' smasnil ricoal 'ay 'a yol yatut win rey, yet' pax smasnil jun tzo'n̈ q'uen tzmacn sat jul-lab' to nab'a oro b'ob'il can yuj Salomón.

A Ch'an̈ Schab'il Libro Yic Yab'ixal Eb' Rey 12:9

Xlajw cha, 'ix yi'n cot win Joiada te caxa cha, 'ix sb'on win yolnil smacul, 'ix 'at ya'nc 'och win te 'a stz'ey yet'l xajmb'al. Tzcan te caxa chi 'a qui wach' c'ab' yic tzon̈ 'och 'a yol yatut Jehová. Ax eb' ya'mal 'och sti eb' 'anma tztan̈wni spuertail, ata 'ix yac' 'ejm eb' smasnil q'uen tumn tzchaj eb' 'a eb' 'anma tzc'och 'a yatut Jehová cha.

A Ch'an̈ Schab'il Libro Yic Yab'ixal Eb' Rey 24:13

Xlajw cha, xya'n win 'ijxoc 'elt smasnil q'uen tumn 'ay 'a yatut Jehová yet' 'a sdespacho win rey Joaquín cha. Caw choc' 'ix yutj sma'n poj jun tzo'n̈ yamc'ab' to nab'a oro b'ob'il can yuj Salomón sreyl chon̈b' Israel, jun tzo'n̈ 'ayc' 'a yatut Jehová. 'Ix 'el'ch jun tic 'icha yaj yaln can Jehová.

2 Cr 36:18

An̈jtona', smasnil yamc'ab' yic yatut Dios, niwac yet' scotcal, yet' jantcn̈ej tas 'ay ta', yet' jantcn̈ej tas 'ay 'a yatut win rey, yet' eb' 'aych yajlil yet'oc, c'uxn 'ix yij 'at smasnil 'a Babilonia.

Nehemías 13:13

Xlajw cha, xwa'n 'och Selemías ya'mal 'och sti eb' 'anma 'a Dios yilmalc 'aj tzmolx jun tzo'n̈ cha, yet' Sadoc 'ajtzib' yet' pax jun levita Pedaías sb'i. An̈jtona', xwa'n pax 'och Hanán, yunnal Zacur, yixchicn Matanías colwjoc yet' eb', yujto a eb' cha, caw wach' snab'en eb'. Atn eb' chi xcan 'a yol sc'ab' spojn 'ec' tas tzc'uxx eb' yican eb' cha.

Mt 27:6

Ax ewin sat ya'mal 'och sti eb' cha, 'ix si'n chan̈ ewin q'uen tumn cha. 'Ix yaln ewin 'ixtic: —Matz tac' ca'nec 'och jun tzo'n̈ tumn tic 'a scal q'uen ofrenda, yujto xmanx cham jun mach yuj q'ue'en, xchi ewinac.

Lc 20:47

Tzyij 'ec' eb' yatut eb' 'ix 'ix chamnc yichmil. Ax yic tzleslwi eb', caw najt tzyutj eb' yoc slesal, sec tzna eb' 'anma', to may smul eb'. Palta a wal ewin cha, yel xo wal niwn yailal 'oj jawc 'a yib'n̈ ewinac, xchi Jesús.

Jn 8:20

A 'a yamq'uil yatut Dios 'a stz'ey jun chalab' ofrenda, ata xyal Jesús jun tzo'n̈ tic. Ata 'ix cuywj 'a eb' 'anma'. May junc mach 'ix yamni, yujto mantzac jaw stiempoal schami.

Josué 6:19

Cojn q'uen oro, q'uen plata, q'uen bronce yet' q'uen hierro, cojn tzeyij 'at yico'oc Jehová, tze moln can 'aj 'ay yet'ul, xchi 'a eb'.

Josué 6:24

Xlajw xoj cha, xya'n 'och eb' soldado sc'a'l jun chon̈b' cha, c'uxn stz'a smasnil tas 'ay 'a 'a, cojxn q'uen plata, q'uen oro, q'uen bronce yet' q'uen hierro xyij can 'elt eb'. 'Ix 'at smolnc can eb' 'a 'aj 'ay yet'l yuj eb' 'a scajnub' Jehová.