Lc 20:7 - Chuj San Sebastian Bible

⁷ Yuj cha, xyaln ewinac, to man̈ yojcoc eb' mach 'a'jnac yopiso win Juan cha.

Chuj San Mateo Bible

⁷ Yuj chi' ix yalan eb' vin̈ to man̈ yojtacoc eb' mach ac'jinac yopisio vin̈aj Juan chi'.

Lc 20:7 Iomraidhean Croise

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 29:14

Yuj cha, a jun tzo'n̈ milagro satjub'tac yilxi, a chi 'oj in b'o 'a jun chon̈b' tic, 'oj sat sc'ojl eb' yilni. A sjelnal eb' jelan, yet' snab'en eb' 'ay snab'en, 'oj satcn 'eli, xchi Dios.

Is 41:28

Tzin maclj wal wila', toc 'ay junc comn dios tzjawi; may junc tztac' ya'n in nab'enoc, may junc tztac' spacn tas tzin c'anb'ej.

Is 44:18

A wal jun tzo'n̈ 'anma 'ixta tzb'o cha, caw may snab'en eb'. Matz nachj 'el jac yuj eb', 'icha to matz uj yiln eb'.

Zacarías 11:15

'Ix yaln pax Jehová 'ayn 'ixtic: A ticnec, 'utj a b'a 'icha junc 'ilm calnelu matz ya'ch 'a sc'ojl yiln e no'.

Zacarías 11:17

Caw 'oltac wal jun yilmal in chon̈b' to may snab'en cha, yujto xyactjcan yiln schon̈ab'. Tecx cab' 'och q'uen espada 'a sc'ab' yet' 'a yol sat 'a swach'. Sicb' cab' can 'el sc'ab' cha, 'och cab' 'a sat 'a jun 'ejmn̈ej, xchi Dios.

Lc 20:6

Palta toto tzcalec to yicn̈ej 'anma yopiso winac, caw 'oj cot yowl eb' 'anma smasnil, ax on̈ sjuln cham eb' yet' q'uen q'ue'en. Yujto a win Juan cha, caw schecb' Dios snan eb' smasnil, xchi ewinac.

Lc 20:8

'Ix yaln pax Jesús 'ixtc 'a ewinac: —To 'ixta', ma'oj wal pax 'ayex, mach 'a'jnac wopiso in b'on jun tzo'n̈ tic, xchi.

Jn 9:39

—Yuj sb'o yaj eb' 'anma', in jaw 'a yolyib'n̈q'uinl tic. Yujto 'ay eb' matz uj yiln yic Dios ticnec, 'icha to q'uic'q'uinl yaj eb'. Palta wu'uj, 'icha to 'oj jacwc sat eb'. 'Ay pax nan̈l xo eb' caw tztac' yiln yic Dios snani. Palta a eb' cha, wu'uj, 'icha to 'oj juwc sat eb', xchi Jesús.

A Schab'il Carta San Pedro 3:3

A junx tic 'oj walb't tic, caw wal tzin nib'j tzeyojquej 'eli. A 'a jun slajb' tiempoal, 'ay eb' 'oj pitzwc cha'an̈. 'Oj comn b'uchwjc eb'. Cojxn jun tzo'n̈ maysch'olnil tznib'j 'och eb' 'aj 'oj ya'ch snab'en.