Lc 20:29 - Chuj San Sebastian Bible

²⁹ A 'a jun 'el, 'ay ucwn̈ winc 'e'nc 'a qui cal on̈, yu'tacn̈ej sb'a eb'. A win b'ab'l winac, a 'ijnac jun 'ix. Palta xlajw cha, scham winac, may junc yunnal win 'elnc cani.

Chuj San Mateo Bible

²⁹ A junel ay ucvan̈ eb' vin̈ yuc'tac sb'a. A vin̈ b'ab'el vinac ic'an jun ix ix, palta cham vin̈, malaj yuninal eb' cani.

Lc 20:29 Iomraidhean Croise

Jeremías 22:30

A Jehová tzaln 'ixtic: Tz'ib'jec can 'a ch'an̈ libro yic registro, chajtlto lajn 'oj 'ajcn jun winc tic 'icha junc winc may yunnal, 'icha junc winc to man̈ wach'c x'aj 'el'chi. Yujto man̈x 'a junc yin̈tl 'oj 'och yac' reyl 'a sdespacho David, yic tzya'n reyl jun 'ejm xo 'a Judá, xchi Dios.

Lv 20:20

Tzann̈j mach tzb'on 'ajmulal yet' yistzil yu'tac smam, mto yistzil win snul'j snun, tzyij 'el sq'uixwel eb' cha. Tzcann̈j smul eb' chi 'a yib'n̈ schawn̈il. 'Oj cham eb' 'ichn̈jta', may xon yunnal eb' 'oj 'elcni.

Lc 20:28

Ach qui Cuymal on̈, a win Moisés tz'ib'jnac can 'ixtic: Q'uinloc 'ay junc winc tzchami, tzcan yistzil, palta may junc yunnal tz'elcni. To 'ixta', ax junc yu'tac, yowlal a tz'i'n can pax 'ix 'ix cha, sec wach' ax yic tz'alj yunnal junc win cha, 'icha to yunnal win xcham cha. 'Ixta yaj yaln can win Moisés.

Lc 20:30

Ax win schab'il, ax win x'i'n can pax 'ix. [Palta xcham pax junx win cha, may pax junc yunnal win x'elcni.]