Lc 20:22 - Chuj San Sebastian Bible

²² Yuj cha, tzqui c'anb'j 'aych on̈, a jun tzo'n̈ tumn tzc'anx 'el 'ayn̈ yuj win yajl 'a Roma, ¿'aym sleyl tzcac'a, mto ma'ay? xchi eb' 'a 'a.

Chuj San Mateo Bible

²² Yuj chi' al d'ayon̈: ¿Tom vach' scac' juntzan̈ tumin sc'anjiel d'ayon̈ yuj vin̈ yajal d'a Roma, mato maay? xchi eb' vin̈ d'ay.

Lc 20:22 Iomraidhean Croise

Esdras 4:13

An̈jtona', tzca'n pax ojcoc 'el mamin rey, toto a jun chon̈b' cha, 'oj b'ox chan̈ yet' smuroal, a jun tzo'n̈ 'anma cha, man̈x 'oj yac' eb' stojlb'al yet' q'uen tumn tzc'anx 'a eb', man̈x 'oj 'och q'uen tumn 'a mach tzmolni.

Esdras 9:7

Yictax 'a yol stiempoal eb' qui mam quichm on̈, masnto ticnec, caw wal 'ayn̈ 'at 'a scal maysch'olnil on̈. On̈ 'ajx 'och 'a yol sc'ab' sreyl jun tzo'n̈ xo nacion̈ yet' eb' qui reyal, yet' pax eb' ya'mal 'och qui ti 'a 'aych on̈. 'Ay mach xlaj milx cham 'ayn̈ on̈, on̈ laj 'ijxc 'at 'a 'icha presoal on̈, 'ix laj 'el'x 'at tastc 'ay 'ayn̈ on̈, caw wal q'uixweltac on̈ 'ajcni, 'icha wal caj ticnec on̈.

Nehemías 5:4

'Ay pax mach tzalni to tzc'an eb' q'uen tumn majnil, yic tzya'n eb' q'uen tumn tz'ajx yac' 'a win rey, yuj cha, tzya'n can 'at slu'um, yawben uva yuj smajnub'l q'ue'en. An̈jtona tzyaln pax eb' 'ixtic:

Nehemías 9:37

A wal sat 'awb'ente caw wach', a tzyij 'ec' eb' rey 'ayn̈ on̈, atn eb' xa'ch reyl 'a quib'n̈ yuj qui mul on̈, eb' tzyac' yajlil 'a quib'n̈ yet' qui cajb'en noc' on̈. Sb'o eb' 'icha tas tznib'j 'ayn̈ on̈, yuj cha, caw tzcab' syal yuj eb' on̈.

Mt 17:25

—Tzyac'a, xchi 'a eb'. Ax yic x'ochx Pedro chi 'a yol n̈a, a Jesús 'ix b'ab'l aln 'ixtc 'a 'a: —Simón, ¿tas tza na'a? A jun tzo'n̈ tumn tztecx 'el yuj eb' rey yic yolyib'n̈q'uinl tic, ¿machm tz'a'ni? ¿Am eb' yunnal eb' tz'a'ni, mto a eb' comn 'anma'? xchi 'a 'a.

Lc 20:21

Yuj cha, xcob' stz'acnc eb' yal 'ixtc 'a 'a: —Mamin, cojc on̈ tojl tzotj alni, tojl a cuywj paxi. May junc mach 'aj tzach xiwi, yujto lajnn̈ej yel'ch junjn mach 'a a sat. Cojc pax on̈, a jun b'eyb'al tznib'j Dios a tzac' cuyxoc 'a yel.

Lc 20:23

Palta yojc Jesús to maysch'olnil wan snan eb' 'a spatic. Yuj cha, xyaln 'ixtc 'a eb': ¿Tas yuj tzin eyac' prowal?

Lc 23:2

Ata syamch eb' ya'n 'och jun tzo'n̈ tas 'a yib'an̈. 'Ix yaln eb' 'ixtic: —'Ix quil on̈, to wan ya'n somchjoc 'el win eb' quit chon̈b' on̈. Tzyal winac, to matz tac' ca'n qui tumn tzc'anx 'el yuj win yajl 'a Roma. Tzyaln 'och sb'a win Cristoal, tzyal 'el'chi, rey, xchi eb' 'a winac.

A Tas Sc'ulejnac Eb' Schecab' Jesús Hechos 5:37

Xlajw cha, 'ay pax jun win Judas 'aj Galilea, cob' ya'jnac 'och sb'a win yajlil, yic yijx q'ue wan sb'isl eb' 'anma yuj eb' yajal. Til wal 'anma cob' 'ochnc pax yet' winac. Palta milb'il pax cham junx win cha. Ax jantcn̈ej eb' cob' 'ochnc yet' winac, c'uxn sactzic can pax eb'.

Ro 13:7

Tzann̈j eb' yajl tzc'ann tumn yuj ley, yowlal tzca'c 'a eb'. Wach'xam qui boleto, mto junc qui licencia, yowlal tzqui manc 'a eb' 'icha tzyal ley. A eb' yajl cha, toto smoj tzon̈ xiwc 'a eb', xiw coyc 'a eb'. Toto smoj 'ay yel'ch eb', 'ay cab' yel'ch eb' 'a qui satec.

Dt 17:15

A junc quit chon̈b' tzeya'ch e reyloc 'a yol e nacion̈ cha. Yowlal a Jehová qui Diosalec tzsi'n 'eli. Man̈ eya'ch junc chuc chon̈b'al e reyloc, yujto man̈ quit chon̈b'oquec qui b'a yet'oc.