Lc 20:20 - Chuj San Sebastian Bible

²⁰ Yuj cha, schecn 'at ewin jaywn̈ schecab', x'at smaclnoc eb' yila', checl to matz 'och smul. Ax 'ix c'och eb', caw tojl xcob' yutc eb' snab'en yila'. 'Ix cob' slocnc eb' sc'umoc, sec toq'ue 'ay tas tzyac' palta yalni, sec tz'at ya'ch eb' 'a yol sc'ab' win yajal.

Chuj San Mateo Bible

²⁰ Yuj chi' ix checjib'at jayvan̈ eb' vin̈ yila' talaj tz'och smul Jesús chi'. A ix c'och eb' vin̈, vach' ix yutej sb'a eb' vin̈ d'a yichan̈ Jesús chi'. Ix stz'acan sc'umej eb' vin̈ yic slectaj d'a slolonel, yic syac'anoch eb' vin̈ d'a yol sc'ab' eb' vin̈ yajal.

Lc 20:20 Iomraidhean Croise

A Ch'an̈ Schab'l Libro Samuel 14:2

Yuj cha, 'ix 'at ya'nc win Joab cot jun 'ix 'ix caw jeln snab'en 'a chon̈b' Tecoa. 'Ix yaln win 'ixtc 'a 'ix: —Tza tz'ac cus a b'a, tza'n 'och a pichl yic cusc'ojlal; man̈ a'ch pax perjuma 'ayach, 'icha wal junc 'ix to 'ayx tiempo yoch 'a cusc'ojlal yuj junc mach chamnc 'a 'a, 'ixta tzotj a b'a.

Salmos 38:12

A eb' tzin nib'n milnc chamoc, tzlaj yac' 'ejm eb' yal 'a wojltac. A eb' tznib'n juwc 'el in nab'en, tzlaj b'ey sti eb' 'a in patic, sec tzin juw can 'el yuj eb'. Junjn c'u tzsayn eb' tas tzin yutej.

Salmos 66:3

Calc 'a Dios 'ixtic: A wal a munljel Mamin, caw satjub'tac yilxi. Yuj wal a jelnal, caw tz'ib'x chan̈ eb' 'ajc'ojl 'a ojltac.

Salmos 81:15

Ax 'a eb' matz in nib'ni, 'ix wac' 'em wotz'n am eb' xiwi, ax syailal eb', 'ix cann̈j am 'a yib'n̈ eb' 'a smasnil tiempo.

Jeremías 11:19

Caw wal tzaljc'ojlal waji, 'icha junc no calnelu tz'ijx 'at 'a 'aj tzmilx chamoc, caw man̈ wojcoc tas tu wan snan eb' 'a in patic. Tzyaln eb' 'ixtic: Qui milc chamoc, sec wach' man̈x 'a mach tznan coti, 'icha wal tz'aj stzu'x 'el junc te te', sec man̈xtzac satni, xchi eb'.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

Jeremías 20:10

Tzwab' sajsni eb' in sb'uchni, tzyaln eb' 'ixtic: Yaj win tzalni to 'ay xiwc'ojlal 'a smasnil lugar, xchi eb'. Tzyaln pax eb' 'ixtic: Coyec, qui pitzc chan̈ 'es 'a spatic, xchi eb'. An̈jtona eb' in wach'c'ojl cob'i', caw maclb'il yuj eb' 'aj tzin 'ejmi. Tzyaln eb' 'ixtic: Tecn 'oj ca'c ganar smontchj cujec. Toto 'ixta', 'oj ca'c ganar yejm cujec, ax ca'nec pax qui pacc 'a 'a, xchi eb'.

Dn 6:4

Ax jun tzo'n̈ xo eb' yit gobernadoral cha, 'ix sayc' wal eb' tas tz'aj yemt 'a yopiso. Palta a Daniel cha, caw wal yiclum, wach' snab'en, pitz'n 'och sc'ojl 'a yopiso. Yuj cha, may jac smul x'ilch yuj eb' tz'a'n 'och 'a yib'n̈ cha, yic tzya'n queja eb'.

Mt 27:2

Yuj cha, 'ix sjaln ewinac, xyi'n 'at ewin 'a win Poncio Pilato, atn win gobernador 'aj Roma.

Mr 3:2

'Ay eb' xtan̈wni yila', toto tzb'ox sc'ab' win yuj Jesús 'a sc'ul 'iljelal, yujto tznib'j eb' ya'ch 'a yib'n̈ Jesús.

Lc 11:54

Stan̈wj eb' yab'i', toq'ue 'ay tas 'oj yac' palta yalni, sec tzyac' queja eb' snani.

Lc 20:21

Yuj cha, xcob' stz'acnc eb' yal 'ixtc 'a 'a: —Mamin, cojc on̈ tojl tzotj alni, tojl a cuywj paxi. May junc mach 'aj tzach xiwi, yujto lajnn̈ej yel'ch junjn mach 'a a sat. Cojc pax on̈, a jun b'eyb'al tznib'j Dios a tzac' cuyxoc 'a yel.

Lc 20:26

Toxn ma'ix yac' ganar eb' yoch spaltail 'a sat eb' 'anma yuj tas tzyala. Caw 'ix sat sc'ojl eb', sictac xoj x'aj eb'.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.