Lc 20:10 - Chuj San Sebastian Bible

¹⁰ Ax yic xjaw stiempoal sch'inx 'el te uva cha, 'ix checn 'at win 'aj lum chi jun schecab'. X'at cob' sc'annc yu'm lum yet' te 'awb'ente cha. Palta ton̈j xit' scha ma'xoc sb'a, xpechx paxi, toxn may xon jac yu'm lum lum chi xyi'aj.

Chuj San Mateo Bible

¹⁰ Axo yic ix c'och stiempoal smoljiel sat te' uva chi', ix schecb'at jun schecab' vin̈ yic sc'anan smajananub'al luum. Axo eb' ix majnan luum chi' ix mac'ani, ix spechan meltzaj eb', malaj jab'oc tas ix yac' eb' d'ay.

Lc 20:10 Iomraidhean Croise

A Ch'an̈ B'ab'el Libro Yic Yab'ixal Eb' Rey 22:24

Xlajw cha, 'ix jaw Sedequías 'a stz'ey Micaías, atn win yunnal Quenaana, spawn 'och win sc'ab' 'a sti win Micaías cha, 'ix yaln win 'ixtic: —¿Tas 'ix 'aj yel Yespíritu Jehová 'aych 'ayin, yuj cha, ax 'aych wan spaxtini? xchi winac.

A Ch'an̈ Schab'il Libro Yic Yab'ixal Eb' Rey 17:13

Xlajw cha, schecn 'at Jehová eb' schecb' 'at yal 'ixtc 'a chon̈b' Israel yet' 'a Judá: 'Actjec can e tu b'eyb'al, tzeyiclni in checnb'il, in ley yet' smasnil in cuynb'il 'ix wac' yal eb' in checb' 'a eb' e mam eyicham, xchi.

1 Cr 19:4

Yuj cha, 'ix ya'n Hanún yamchjc eb' schecb' David cha, 'ix joxx 'el xil sti eb', 'ix slot'x 'el sti spichl eb', masnto 'ix q'ue'ch yel 'a sti syop eb'. Xlajw cha, 'ix checx meltzjoc eb'.

2 Cr 16:10

Yuj cha, caw xcot yowl rey Asa chi 'a jun schecb' Dios cha, 'ix ya'n 'och 'a preso, yujto 'ix cot yowl si'mb'il yuj jun cha. An̈jtona', a 'a yic jun tiempoal cha, ata 'ix 'ixtx 'el jaywn̈ eb' 'anma yuj Asa cha.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

Nehemías 9:30

Caw niwn yab'lil 'ix ac' techjoc yet' eb'. A Espíritu 'ix 'a'n yojcoc 'el eb' a checab', ax eb' 'ix aln pax yab' eb', palta ma'ix chaj eb' yab'i'. Yuj wal cha, 'ix a'n 'och eb' 'a yol sc'ab' jun tzo'n̈ chon̈b' 'ajc'ojl yajch 'a eb'.

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Jeremías 20:2

in ya'n win ma'xoc, in ya'n win 'ajxoc 'och 'a yojl te sepo 'ay 'a sti spuertail yatut Jehová 'aych 'a yib'an̈, jun 'ay 'a stojlal yic Benjamín.

Jeremías 35:15

Til wal eb' in checb' in checjnac cot 'ayex, yic tzyaln eb' 'ayex, to tzeyactj can e tu nab'enal, yet' e maysch'olnilal. Matz ex 'och tza'n yuj jun tzo'n̈ xo comn dios, matz eyal e b'a 'a 'a, yic wach' tzex 'aj cajnn̈ej 'a lum lum 'ix wac' 'ayex, yet' 'a eb' e mam eyicham. Palta ax xo tic, jun 'ejmn̈ej ma'ix e chaj eyab'i', ma'ix eyiclj tas xwala.

Jeremías 5:24

Matz e na xon jac 'ixtic: 'Ay cab' yel'ch Jehová qui Diosalec 'a qui sat, yujto a tz'a'n cot n̈ab' 'a 'icha stiempoal, tzya'n pax 'el-lc sat cawb'enec 'a 'icha stiempoal, man̈ xe chioc.

Lc 13:34

Ax wal tic ex 'aj Jerusalén, caw tzlaj e mil cham eb' schecb' Dios. Ax jun tzo'n̈ xo eb' tzchecx cot yuj Dios 'ayex, ton̈j tzlaj e jul cham eb' yet' q'uen q'ue'en. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni. 'Ixta tzex wutej, palta toxn matz yal e c'ojol.

Lc 20:11

Yuj cha, schecn pax 'at win 'aj lum chi junx schecab'. Palta ton̈j xit' scha ma'xoc pax sb'a. Caw maysch'olnil xyutj sb'a ewin 'a 'a, xpechx paxi. May jac tas xyi'aj.

Lc 20:9

Xlajw cha, xyaln Jesús jun 'ab'x tic 'a eb' 'anma 'ayc' ta': —'Ay jun winc 'ix 'awn jun tzo'n̈ uva 'a slu'um. Xlajw yawn can winac, 'ix ya'n can win slum chi majnil yet' te 'awb'ente 'a jun tzo'n̈ eb' munljum winac. Xlajw cha, x'at win 'a junx lugar, najtl x'aj cajn win ta'.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

Ro 7:4

Ex wu'tac, ex wanab', a ticnec, junn̈j on̈ 'ajc yet' sniwnal Cristo yic schami. Yuj cha, a 'a sat Dios, chamnc on̈c xo 'elt 'a yol sc'ab' ley yic Moisés. Palta 'ay junx 'icha to 'ichmilab'il yaj 'ayn̈ec, atn jun pitzwnac pax 'a scal eb' chamnac. 'Ixta cajc yet'oc, sec wach' 'ay copisoec 'a Dios.