Lc 2:34 - Chuj San Sebastian Bible

³⁴ Xlajw cha, 'ix sc'ann Simeón swach'c'ojlal Dios 'a yib'n̈ eb'. 'Ix yaln 'ixtc 'a María, atn snun Jesús: —'Ab'i, a jun tz'ulc 'unn tic checl xon yaji, to niwn eb' quit israelal 'oj somchjc 'el snab'en yu'uj. Niwn pax eb' 'oj b'o snab'en yu'uj. A 'oj ch'oxnoc tas tz'aj eb' scolchji, palta niwn eb' 'oj patquilnc can 'eli.

Chuj San Mateo Bible

³⁴ Ix lajvi chi', ix sc'anan svach'c'olal Dios vin̈ d'a yib'an̈ eb', ix yalan vin̈ d'a ix María, ix snun Jesús chi' icha tic: —Ina jun unin tic, chequeltaxon yaji to nivan eb' quetisraelal ol somchajel spensar yuuj. Tzijtum pax eb' ol b'o spensar yuuj. A' ol ch'oxanoc tas sgana Dios d'a eb', palta tzijtum eb' ol paticaneloc.

Lc 2:34 Iomraidhean Croise

Gn 14:19

'Ix yaln wach' paxti 'a yib'n̈ Abram 'ixtic: Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.

Gn 47:7

Xyi'n pax 'at José smam 'a yojltac win rey, sec wach' tzyojquej 'el winac; 'ix ya'n Jacob stzatzl sc'ojl win rey cha.

Ex 39:43

A yic xyiln Moisés to caw wach' x'aj 'el'ch sb'o jun tzo'n̈ tic yuj eb', 'icha yaj yaln can Jehová, 'ixta to b'i'an, xyaln can swach' paxti 'a yib'n̈ eb' chon̈b' cha.

Is 8:18

An tic yet' eb' wunnal xyac' Jehová, ch'oxnb'il waj yet' eb' 'a scal eb' wit israelal. 'Ixta waj yuj Jehová tztac' yuj smasnil, cajn 'ec' 'a tzaln Sión.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Mt 11:19

Xlajw cha, in jaw an 'Ochnc in 'Anmal tic. An xo tic, tzin wan̈ej, tzwu'jn̈ej tas. Palta tzyal eb' 'ixtc wu'uj: A Jesús cha, cojn wal snib'n wa sb'a, 'u'm 'an̈ paxi. Caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xchi eb' wu'uj. Palta a eb' 'ay sjelnal Dios 'a 'a, tzcheclj 'el sjelnal eb' chi yuj tastc tzb'o'o, xchi Jesús 'a eb'.

Mt 12:46

Wanto yaln Jesús 'a eb' 'anma', 'ix c'och snun yet' eb' yu'tac. An̈j 'a sti n̈a xc'och eb', palta tznib'j eb' tzc'umej.

Mt 21:44

Tzann̈j eb' tzin patquiln can 'eli, lajn 'oj 'aj eb' 'icha junc mach tztelw 'a yib'n̈ junc q'ue'en, caw tzwecchji. Ax eb' 'oj in b'eyc'ojloc, lajn 'oj 'aj eb' 'icha junc mach tz'em junc q'uen 'a yib'an̈, caw choc' tz'aji, xchi Jesús 'a ewinac.

Mt 27:63

'ix yaln ewin 'ixtic: —Ach cajlil on̈, cojc on̈ yic pitznto win 'a'm 'es cha, yaln can 'ixtic: Schab'jil in chami ax in pitzw paxi, xchi cob' winac.

Lc 2:35

'Ixta 'oj 'aj scheclj 'eli, tas tzna junjn 'anma'. Ach xo tic, 'ay jun c'ual 'oj 'och pitz'n cusc'ojlal 'aych yu'uj, 'icha to 'oj tecxc 'och junc q'uen espada 'a a pixan, xchi Simeón chi 'a María.

Jn 3:20

Jantcn̈ej eb' tzb'on maysch'olnil, may yopiso jun sacq'uinl tic 'a sat eb'. Matz nib'j eb' tzcha'aj, yujto tzxiw eb' scheclj 'el jun tzo'n̈ maysch'olnil chi tzb'o cha.

Jn 5:18

Yic xyaln Jesús jun tzo'n̈ cha, yel xo wal caw snib'j ewin smil chamoc. Man̈ yujocn̈ej matz yiclj sc'ul 'iljelal, palta yujto 'ix yal Dios Smamoc. 'Ix yaln paxi to caw lajn yet' Dios.

A Tas Sc'ulejnac Eb' Schecab' Jesús Hechos 13:45

Palta ax xyiln eb' israel, chajtlto til wal 'anma 'ix syam sb'a. Yuj cha, 'ix chichn 'och eb' 'a Pablo cha. 'Ix cob' yalnc eb' to yes. Ton̈j xb'uchwj eb' 'a 'a.

A Tas Sc'ulejnac Eb' Schecab' Jesús Hechos 17:6

Palta may eb' 'ayc' 'a yol n̈a cha. Yuj cha, ax Jasón yet' jaywn̈ xo eb' creyente 'ix syam ewinac. 'Ix yi'n 'at ewin eb' 'a yojltac eb' syajlil chon̈ab'. Ata xyal chan̈ ewinac 'ixtic: —A Pablo yet' Silas, c'uxn tz'ec' eb' yac' somchjc 'el snab'en eb' 'anma 'a yolyib'n̈q'uinl tic. Al ticnec, tic xjaw ewin 'ayn̈ec.

A Tas Sc'ulejnac Eb' Schecab' Jesús Hechos 24:5

A wal win Pablo tic, caw tzcab' syal yuj on̈, 'ijn matz caw techj cuj on̈. C'uxn tz'ec' stzuntzc chan̈ win owl 'a scal eb' quit israelal 'a junjn lugar. Yajl yaj win 'a junc'aj xo cuynb'il, atn eb' tzya'ch sc'ojl 'a jun win 'aj Nazaret.

A Tas Sc'ulejnac Eb' Schecab' Jesús Hechos 28:22

Palta tzqui nib'j tzcab' an̈ tic on̈, tas wan a nani. Yujto xcab' speclal on̈, chajtlto 'a junjn lugar, tzlaj yal eb' maysch'olnil 'a spatc jun e cuynb'il tot pitzwnac tic, xchi eb' 'a Pablo.

A Tas Sc'ulejnac Eb' Schecab' Jesús Hechos 4:26

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Cajlil, yet' pax 'a jun Rey sic'b'il 'el yu'uj, xchi 'a Ch'an̈ U'un̈.

A Tas Sc'ulejnac Eb' Schecab' Jesús Hechos 6:7

A spaxti Cajlilec, caw 'ix wach' pucl 'a scal eb' 'anma'. Yuj cha, caw xwach' niwnb'i sb'isl eb' creyente 'a Jerusalén cha. Ax eb' ya'mal 'och sti eb' israel 'a Dios, caw niwn eb' xya'ch 'a sc'ojol.

Ro 9:32

¿Tas yuj 'ixta tz'ajcn eb' tze na'a? Tzcann̈j eb' 'ixta', yujto matz ya'ch eb' sc'ojl 'a Cristo. Snan eb' to tztac' yoch eb' wach'l 'a sat Dios, yuj jun tzo'n̈ tas mun tzb'o eb'. Yuj cha, 'icha junc q'uen 'aj tztench eb' yoc, 'ixta Cristo 'a sat eb'.

1 Co 1:23

Palta an̈ec xo tic, tzcalc 'el yab'xil Cristo, chajtlto xcham 'a spenc culus. A 'a sat eb' israel cha, may jac yopiso jun 'ab'x tic, ton̈j tzchichn 'och eb' 'a 'a. An̈jtona', yet' eb' man̈ israeloc, may jac yel'ch jun 'ab'x tic 'a sat eb'.

A Ch'an̈ Carta D'a Eb' Hebreo 7:1

A win Melquisedec, sreyl chon̈b' Salem win 'a pecti'. Ya'mal 'och pax sti eb' 'anma win 'a Dios, atn jun caw niwn yel'chi. A 'a jun 'el, xit'nc Abraham yac' owl yet' jun tzo'n̈ eb' rey, yic yajx ganar eb' yu'uj. Ax yic spaxta, ax win Melquisedec xit' c'umnoc 'a yol b'e. Sc'anjnac win swach'c'ojlal Dios 'a yib'an̈.

A Ch'an̈ Carta D'a Eb' Hebreo 7:7

Cojquec, a mach tzc'ann swach'c'ojlal Dios 'a yib'n̈ junc xo mach, wal yel, yel xo niwn yel'ch 'a yib'n̈ jun 'aj tzc'an cot swach'c'ojlal Dios cha.

A Sb'ab'el Carta San Pedro 4:14

Toto 'ay eb' tzon̈ b'uchnec, yujto 'aych qui nab'enec 'a Cristo, caw tzaljc'ojlal quiquec. Yujto a Yespíritu Dios, atn jun caw niwn yel'chi, a cajn 'och 'ayn̈ec. [A eb' cha, tu tzyal eb' 'a spatc Cristo. Palta an̈ec xo tic, niwn yel'ch 'a qui satec.]

A Ch'an̈ B'ab'el Libro Samuel 2:20

Ax win Elí cha, 'ix yaln win swach' paxti 'a yib'n̈ Elcana yet' 'a yib'n̈ 'ix Ana. 'Ix yaln win 'ixtic: Ya' cab' Jehová onnal yet' 'ix estzil tic, sjelc win c'anb'il yuj 'ix, xya'n pax 'ix ya'malc servil Jehová, xchi winac. Xlajw xoj cha, xpax eb' 'a yatut. 'Ixtan̈ej xyutj win Elí chi yaln wach' paxti 'a yib'n̈ eb' 'a junjn ab'il.