Lc 19:17 - Chuj San Sebastian Bible

¹⁷ Yuj cha, xyaln win 'a 'a: Wach' jun, ach tic caw wach'ch 'ayin. Wach'xam jab' xwac' 'ayach, palta tojl xotj a nab'en yet'oc, yuj cha, tic tzwa'ch opiso gobernadoral 'a lajn̈e chon̈ab', xchi win 'a 'a.

Chuj San Mateo Bible

¹⁷ Axo ix yalan vin̈ yajal chi': Vach' jun. A ach tic, te vach' ach d'ayin. Vach'chom quenn̈ej ix vac' d'ayach, palta vach' ix utej a b'a yed'oc. Yuj chi', svac'och opisio och yajalil d'a lajun̈eoc chon̈ab', xchi vin̈ d'ay.

Lc 19:17 Iomraidhean Croise

Gn 39:4

Yuj cha, caw wach' xcan win 'a sat win capitan̈ cha, xya'n 'och win mayltomail win 'a yatut. A smasnil tas 'ay 'a winac, xcan 'a yol sc'ab' José.

Pr 27:18

A mach wach' tzyutj stan̈wni te higo 'awb'il yu'uj, 'oj slo sat te'; 'ixta pax 'a yic wach' tzyutj junc mach stan̈wni spatron̈, caw 'oj 'ijxoc chan̈ sb'i.

Mt 25:21

Wach' jun, caw wach' xotj a munlj 'ayin, caw tza b'o 'icha tzin nib'ej. Yujto yiclum ach yet' jab' tic, yuj cha, til to wal tas 'oj wac' 'ayach, 'ochan̈, tzaljan̈ wet'oc, xchi win 'a win smoso cha.

Lc 16:10

A eb' tojl tzyutj sb'a yet' jac tas tz'ajx 'a 'a, an̈jtona', wach'xam niwn tas 'oj 'ajxc 'a eb', tojl 'oj yutcn̈ej sb'a eb' yet'oc. Ax eb' man̈ tojloc tzyutj sb'a yet' jac tas tz'ajx 'a 'a, an̈jtona', wach'xam niwn tas 'oj 'ajxc 'a eb', man̈ tojloc 'oj yutc pax sb'a eb' yet'oc.

Lc 19:16

'Ix c'och jun win b'ab'l moso, 'ix yaln win 'ixtic: Patron̈, a q'uen a tumn xa'cn 'ayin, lajn̈e xo sb'isl yune xwac' ganar, xchi winac.

Lc 19:18

Xlajw cha, xc'och junx win smoso win cha. 'Ix yaln win 'ixtic: Patron̈, a q'uen a tumn xa'cn 'ayin, o'e xo sb'isl yune xwac' ganar, xchi winac.

Lc 22:30

'Oj stac' e wa wet' 'a jun in mexa 'aj 'ayn 'och yajlil cha. An̈jtona', 'oj eyem wocn 'a junjn e despacho, ax eya'n yajlil 'a lajchw macn̈ eb' quit israelal, xchi Jesús 'a eb' scuywum cha.

Ro 2:29

Palta a eb' yel 'aych snab'en 'a Dios, atn eb' yel israel 'a sat. Yujto a jun circuncisión yel 'a sat Dios, atn jun 'aych 'a qui nab'en, man̈ yujoc junc ley tz'ib'b'il cani, tz'ajx 'ayon̈, palta a Yespíritu tz'a'n 'ayon̈. Yuj cha, man̈oc eb' 'anma tzon̈ alnec wach'il, palta a cab' Dios tzon̈ alnec wach'il.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

2 Ti 2:10

'Ay jun tzo'n̈ xo eb' sic'b'ilx xon 'el yuj Dios. Tzin nib'j 'oj scha eb' swach'l quet'oc. Yuj wal cha, tzwa'n techjoc jantcn̈ej syal tzjaw 'a wib'an̈, sec 'oj scha pax eb' scolnb'il caw niwn yel'chi. Atn jun tz'ajx 'ayn̈ 'a jun 'ejmn̈ej, yujto junxn̈ej caj yet' Cristo Jesús.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.

A Ch'an̈ B'ab'el Libro Samuel 2:30

Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.