Lc 19:14 - Chuj San Sebastian Bible

¹⁴ Ax eb' yit chon̈b' win cha, caw tzchichn 'och eb' 'a winac. Yuj cha, tza'n x'at chawn̈ 'oxwn̈ schecb' eb'. X'at yalnoc eb' 'ixtc 'a ewin tz'a'n yopiso winac: A wal jun winc cha, caw wal matz yal qui c'ojl tz'och win yajloc 'a qui chon̈b' chi 'on̈, xchi eb'.

Chuj San Mateo Bible

¹⁴ Axo eb' yetchon̈ab' vin̈, ix te chichon sc'ool eb' d'a vin̈. Ix schecanb'at jayvan̈ vinac eb' d'a spatic vin̈, yic syalan eb': A jun vin̈ tic, malaj co gana tz'och vin̈ reyal d'a co chon̈ab' tic, xchi eb'.

Lc 19:14 Iomraidhean Croise

A Ch'an̈ Schab'l Libro Samuel 23:7

Toto 'ay junc mach tznib'n yamnc te', yowlal tzc'an junc q'uen hierro mto yoc lanza, yic tzluchn 'at te 'a scal c'ac' cha, sec tz'a te smasnil 'a jun 'ejmn̈ej, xchi David.

Is 49:7

A Jehová Dios, scolmal chon̈b' Israel, atn jun Dios To Cojxni, a tzaln 'ixtc 'a jun schecb' to caw patcab'il 'eli, yajb'il yuj jun tzo'n̈ nacion̈, atn jun checb' yajch 'a eb' rey: A wal eb' rey yet' jun tzo'n̈ xo eb' yajal, a yic 'oj ach yilnc 'och eb', caw 'oj q'ue wan eb', ax yem n̈ojn eb' 'a ojltac, yujto an Jehová in, sDiosal in Israel, an si'jnacch 'eli, 'oj wac' 'el'choc in ti wa'jnac o'oj, xchi Dios 'a jun schecb' cha.

Zacarías 11:8

A 'a yol jun 'uj, xin chec meltzjc 'oxwn̈ eb' 'ilm calnelu, 'ix lajw c'och in niwnc'ojlal 'a eb', 'ixta pax eb', caw wal man̈xtzac in snib'j eb'.

Lc 14:32

Toto tznachj 'el yuj winac, to matz yac' ganar, tzya'b't win schecb' 'a junx win rey cha, yic najt to sjaw winac, tz'at sc'annoc win junc'ojlal 'a winac.

Lc 19:13

Yic mantzac 'at winac, 'ay lajn̈wan̈ eb' smoso xyawtj coti. 'Ay jun tzo'n̈ tumn 'ix ya'cn win 'a junjn eb', niwc sat q'ue'en. Jun lajnn̈ej xchaj junjn eb' yico'. 'Ix yaln win 'ixtc 'a eb': 'A'c e negocio yet' jun tzo'n̈ tumn tic, masnto tzin japxi, ax eya'n pax 'ayin, xchi win 'a eb'. Xlajwn̈ej cha, x'at winac.

Lc 19:15

Palta an̈j 'ijnoc xyac' ewin yopiso winac. Xlajw cha, xjapx winac. 'Ix 'och win 'a yopiso cha. 'Ix yawtn cot win eb' smoso chi 'aj xlaj ya'cn q'uen tumn cha, sec tzyab' winac, jantc xo yune q'uen stumn win chi xyac' ganar junjn eb'.

Lc 19:27

A eb' 'ajc'ojl yajch 'ayin, eb' xnib'n ma'in 'och 'a wopiso tic, tzlaj 'at eyi' cot eb', ax yic tzjaw eb', tze miln eb' 'a wojltac tic, xchi winac, xchi Jesús.

Jn 1:11

A 'a scal eb' yico', ata wulnc 'eq'ui, palta toxn man̈ chab'ilc yuj eb'.

Jn 15:18

Toto 'ay eb' yic yolyib'n̈q'uinl tic tzchichn 'och 'ayex, nac coti, to a 'ayn tzb'ab'l chichn 'och eb'.

A Ch'an̈ B'ab'el Libro Samuel 8:7

'Ix ta'w Jehová 'a win 'ixtic: Chaj ab' tas tzyal eb' 'anma tic, yujto man̈oc ach tzach spatquilj can 'el eb', palta to a 'in, sec man̈xtzac wac' yajlil 'a yib'n̈ eb'.