Lc 18:43 - Chuj San Sebastian Bible

⁴³ Yajn̈j wal cha, 'ix jacw sat winac. Yuj cha, 'ix 'och tza'n win yu'uj. 'Ix yaln win wach' paxti 'a Dios. An̈jtona', jantc eb' 'anma x'iln jun cha, xyaln pax eb' wach' paxti 'a Dios.

Chuj San Mateo Bible

⁴³ D'a jun rato chi', ix b'oxican yilan vin̈, ix och tzac'an vin̈ yuj Jesús. Ix yalan vach' lolonel vin̈ d'a Dios. An̈ejtona', a jantac eb' ix ilan jun chi', ix yal pax vach' lolonel eb' d'a Dios.

Lc 18:43 Iomraidhean Croise

Salmos 107:15

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 107:8

An̈ec xo tic, calc yuj diosal 'a Jehová, yujto 'ayc'n̈ej schamc'ojlal quet'ec, caw satjub'tac yilx tz'aj scolwj 'a 'ayn̈ec an̈ 'anman̈ec tic.

Salmos 146:8

A Jehová a tz'a'n jacwc sat eb' matz tac' xon yilni. A tzsi'n chan̈ eb' 'icha to telwnac 'ejmi. 'Ay schamc'ojlal 'a eb' 'anma tojl snab'en.

Salmos 30:2

Ach in Diosal, xin c'an a colwal, 'ix a'n b'oxc in c'ojol.

Is 35:5

'Ixta to b'i'an, ax eb' matz uj yilni, 'oj stac' yiln eb'; eb' chacan̈, 'oj yab' eb'.

Is 42:16

A eb' matz uj yilni, 'oj wi't eb' 'a jun tzo'n̈ b'e to man̈ yojcoc. A q'uic'q'uinal, sacq'uinl 'oj wutc can 'a yojltac eb', ax wa'n pan̈ljoc eb' lum ch'olctac. Yowlal 'oj wac' 'el'choc jun tzo'n̈ tic 'a eb', ma'oj wactc can eb' schoc'oj.

Is 43:21

B'ob'ilx wu'uj, yic tzeyaln wach' paxti 'ayin.

Mt 11:5

Tzeyal 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tztac' xo sb'ey eb'. A eb' tzlaj c'a yuj lepra, tzlaj b'ox can sc'ojl eb'. A eb' chacan̈, tzax laj yab' eb'. A eb' chamnac, 'ay eb' wan laj spitzw paxi. Ax eb' meb'a', wan yalx wach' 'ab'x yic colnb'il 'a eb'.

Mt 21:14

A yic 'ayc' 'a yamq'uil yatut Dios cha, 'ay jun tzo'n̈ eb' matz uj yiln xjaw 'a 'a, yet' jun tzo'n̈ eb' coxo. 'Ix b'ox can sc'ojl eb' yu'uj.

Mt 9:8

A yic xyiln eb' 'anma jun cha, caw 'ix xiw eb'. 'Ix laj yalnc eb' wach' paxti 'a Dios, yujto caw niwn spoder 'ix yac' 'a jun mach 'a scal eb' cha.

Lc 13:17

Yic xyaln 'ixta', c'uxn xq'uixw 'el eb' 'ajc'ojl yajch 'a 'a. Palta ax eb' 'anma smasnil, caw xtzalj eb' yiln jun tzo'n̈ tas sb'o Jesús cha, yujto caw niwn yel'ch jun tzo'n̈ tas tzb'o'o.

Lc 19:37

A yic wan sc'och eb' 'a 'aj tzpichlj can 'ejm jun b'e yic tzaln Olivo cha, ax eb' scuywum, c'uxn xlaj 'awj chan̈ eb' yuj tzaljc'ojlal. Xlaj yalnc eb' wach' paxti 'a Dios yuj jun tzo'n̈ milagro xyil eb'.

Lc 4:39

Yuj cha, 'ix c'och lin̈n 'a stz'ey 'ix, stenn 'och wan jun c'a'l yab'il cha. Yajn̈j wal cha sicb' 'a 'ix, 'ix q'ue wan 'ix, xya'n servil 'ix eb'.

Lc 5:26

Yuj cha, caw 'ix sat sc'ojl smasnil eb' 'ayc' ta'. 'Ix laj yalnc eb' wach' paxti 'a Dios, caw 'ix xiw pax eb'. 'Ix laj yalnc eb' 'ixtic: —A jun tzo'n̈ tas xquilc 'a jun c'u tic, mant 'a xon 'aj tzquilc 'ixta', xchi eb'.

Lc 9:43

Ax eb' 'anma chi smasnil, caw 'ix sat sc'ojl eb' yilni, chajtlto caw niwn yel'ch spoder Dios. Ton̈j nant 'ix sat sc'ojl eb' 'anma chi yuj tas 'ix sb'o Jesús, 'ix yaln 'a eb' scuywum 'ixtic:

A Tas Sc'ulejnac Eb' Schecab' Jesús Hechos 11:18

Ax eb' creyente 'a Jerusalén cha, yic xyab'n eb' jun tzo'n̈ tic, man̈x 'a tas xyal eb'. Cojxn wach' paxti xyal eb' 'a Dios, 'ix yaln eb' 'ixtic: —An̈jtona eb' man̈ israeloc, 'ay pax eb' 'ix yac' Dios sna sb'a, sec wach' 'oj scha pax eb' sq'uinl quet' 'a jun 'ejmn̈ej, xchi eb'.

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

A Tas Sc'ulejnac Eb' Schecab' Jesús Hechos 4:21

Yuj cha, swach' xib'tn cob' ewin eb'. Xlajw cha, xya'n 'el ewin eb' 'a libre. Ma'ix nachj 'el yuj ewinac, tas tzyutj ewin ya'n 'och syailal eb', yujto smasnil eb' 'anma xaln wach' paxti 'a Dios, yuj jun xb'o yuj eb' cha.

Gl 1:24

Yuj cha, laj yalnc eb' wach' paxti 'a Dios wu'uj.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.