Lc 18:32 - Chuj San Sebastian Bible

³² Ata 'oj wajx 'och 'a yol sc'ab' eb' man̈ israeloc. 'Oj in sb'uch eb', ax yaln eb' maysch'olnil 'ayin. 'Oj in stzub'c eb'.

Chuj San Mateo Bible

³² Ata' ol in ac'jococh d'a yol sc'ab' eb' ch'oc chon̈ab'il. Ol in sb'uch eb'. Ol laj yal chuc eb' d'ayin. Ol in stzub'ej eb'.

Lc 18:32 Iomraidhean Croise

Is 50:6

'Ix wac' yich in patc smac' eb' 'ajc'ojol, xwa'n stzucl eb' xil in ti'. Ma'ix in c'ub'j 'el in sat 'a eb' tzin b'uchni, yet' 'a eb' tzin tzub'ni.

Is 52:14

Til wal mach 'oj sat sc'ojl yiln 'ochi, 'oj jelmjoc yilx sat, man̈x lajnoc yilx 'icha yilx 'anma', 'oj juwc yilx yuj tas 'oj 'aj cha.

Is 53:3

B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Miqueas 5:1

Ex 'aj Jerusalén, b'oc chan̈ smuroal 'aj tze col e b'a, yujto tox 'ix 'och oyn eb' 'ajc'ojl 'ayex. 'Oj smac' eb' sat win syajlil chon̈b' Israel yet' jixc'ab'te'.

Mt 16:21

Ax 'a jun tiempoal cha, 'ix syamn 'och Jesús yaln 'a eb' scuywum, tas 'oj jawc 'a yib'an̈. 'Ix yaln 'ixtic: —Yowlal 'oj in 'at 'a Jerusalén, atta 'oj 'ajxc 'och 'a wib'n̈ yuj eb' 'ichmtac winc 'ay yopiso, yet' eb' sat ya'mal 'och qui ti 'a Dios, yet' pax eb' cuywjum 'a ley yic Moisés. 'Oj in smil eb', palta ax 'a schab'jial, ax in pitzw paxi, xchi 'a eb'.

Mt 20:19

'Oj wajx 'och 'a yol sc'ab' eb' man̈ israeloc. 'Oj in sb'uch eb'. 'Oj in smac' eb'. 'Oj in yac' q'ue eb' 'a spenc culus. Palta ax 'a schab'jial, ax in pitzw paxi, xchi 'a eb'.

Mt 22:6

Ax jun tzo'n̈ xo eb' xyamn can ewin schecb' winac. Caw xyac' eb' stul 'a ewinac, masnto smil eb' ewinac.

Mt 26:67

Xlajw cha, 'ix stzub'n 'och eb' stzub' 'a sat Jesús, 'ix smac' pax eb'. 'Ay pax eb' xpawn 'och sc'ab' 'a sti',

Mt 27:2

Yuj cha, 'ix sjaln ewinac, xyi'n 'at ewin 'a win Poncio Pilato, atn win gobernador 'aj Roma.

Mr 14:65

Xlajw cha, 'ay eb' stzub'n 'och stzub' 'a 'a, 'ix smac eb' sat, tzma'n eb', tzc'anb'n eb' 'ixtc 'a 'a: —Al 'ayn̈ on̈ ¿mach tzach ma'n tzab'i? xchi eb'. —Xlajw cha, ax eb' policía 'ix ma'n wal si'mb'il.

Mr 15:1

Ax yic 'ix sacb'i, a eb' sat ya'mal 'och sti eb' israel 'a Dios yet' ewin 'ichmtac winc 'ay yopiso, ewin cuywjum 'a ley yic Moisés, yet' pax smasnil jun tzo'n̈ xo ewin sat yajal, 'ix syam sb'a ewinac. 'Ix laj sc'umc sb'a eb' 'a spatic. Xlajw cha, 'ix sjaln ewin Jesús xyi'n 'at ewinac, xya'n 'och ewin 'a yol sc'ab' win Pilato, atn win yajal.

Lc 18:33

Ax in sma'n pax eb'. 'Oj lajwc cha, ax in smiln cham eb'. Palta ax 'a schab'jial, ax in pitzw paxi, xchi Jesús 'a eb'.

Lc 23:1

'Ix q'ue lin̈n eb' smasnil. 'Ix yi'n 'at eb' Jesús 'a yojltac win Pilato.

Lc 23:11

Yuj cha, ax win Herodes cha, yet' eb' soldado winac, caw xb'ajwj eb' 'a Jesús. 'Ix laj b'uchwj pax eb' 'a 'a. 'Ix stz'acn eb' ya'ch jun tzo'n̈ pichl caw wach' yilx 'a 'a, 'icha yic eb' rey. Xlajw cha, xya'n pax 'at win 'a win Pilato.

Lc 23:35

A eb' 'anma', xlaj 'och q'ueln eb' 'a jun tzo'n̈ tas xlaj uj cha. Ax ewin yajal, 'ix syamn 'och ewin sb'uchwj 'a Jesús. 'Ix laj yalnc ewin 'ixtic: —'Ix cob' colchjoc ab' jun tzo'n̈ 'anma yu'uj. Ax ticnec, toto yel Cristo, toto sic'b'il 'el yuj Dios, scol cab' 'el sb'a quila', xchi ewinac.

Jn 18:22

Xlajwn̈ej yaln jun tzo'n̈ cha, ax jun win stan̈mal yatut Dios 'ayc' ta', spawn 'och win sc'ab' 'a sat Jesús cha. 'Ix yaln win 'ixtc 'a 'a: —¿Tom 'ixta tzotj a ta'wni tas tzyal win sat ya'mal 'och qui ti 'a Dios? xchi win 'a Jesús.

Jn 18:28

Ax yic sacb'i, 'ix yi'n 'elt ewin Jesús 'a yol yatut win Caifás. Xyi'n 'at ewin 'a 'aj 'ay sdespacho win yajal. A sley eb' 'aj Judea cha, matz tac' yoch eb' 'a yol sdespacho win cha. Tzna eb', toq'ue tzjuw 'el eb' 'a sat Dios. Toq'ue man̈xtzac stac' swa eb' 'a jun yemc'ul yic q'uin̈ cha.

Jn 18:30

—Toto man̈ tuc winac, matz tac' qui comn 'i'n cot win 'aych on̈, xchi ewinac.

Jn 18:32

'Ixta x'aj yel'ch tas 'ix yal Jesús, chajtlto 'ixta 'oj yutc eb' smiln chamoc.

Jn 18:35

—¿Tom israel in tzela? A eb' et chon̈ab', yet' eb' sat ya'mal 'och e ti 'a Dios, a eb' ach wul 'a'nc 'och 'a yol in c'ab'. ¿Tas xa say a muloc? xchi win 'a 'a.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.