Lc 18:24 - Chuj San Sebastian Bible

²⁴ Ax xyiln Jesús to caw tzcus winac, yuj cha, xyaln 'ixtic: —A wal eb' rico, q'uinloc 'oj 'och eb' 'a yol sc'ab' Dios, caw teb'il 'oj 'och eb'.

Chuj San Mateo Bible

²⁴ Axo ix yilan Jesús to ix te och vin̈ ilc'olal, ix yalani: —Ay val smay man̈ ol ochlaj eb' b'eyum d'a yol sc'ab' Dios.

Lc 18:24 Iomraidhean Croise

Salmos 10:3

Mamin Jehová, a eb' tzb'on maysch'olnil, tzyij chan̈ sb'a eb' yet' tas tznib'j 'ochi. A eb' tznib'j 'och smasnil tas, tzb'uchwj eb' 'a 'ayach, tzach spatquiln can 'el eb'.

Pr 11:28

A eb' tzya'ch sricoal yipc sc'ojol, 'oj 'em eb' 'icha tz'aj yem stacn̈il xil te te 'a yich, palta ax eb' tojl sb'eyb'al, 'oj yic' eb' yip 'icha tz'aj syaxb' sc'ab' te te'.

Pr 18:11

A eb' rico, a tzyutj eb' snani to a sricoal eb' cha, lajn 'icha junc muro oyn 'och 'a spatquil junc chon̈ab' yic tzcolni.

Pr 30:9

Toto 'oj yac' sobra tas 'ayin, ax 'oj 'ajoc, 'oj a 'at am satc'ojlal wu'uj, ax walni to man̈ ach wojcoc. Toto may pax tas 'ay 'ayin, ax 'oj 'ajoc, 'elc'ln̈ej am 'oj weq'ui, ax yoch in mul 'aych ach in Diosal, xin chi 'a Dios.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Jeremías 5:5

'Oj in 'at paxtinc yet' eb' 'anma caw niwn yel'chi. A eb' cha, tecn yojc eb' tas tznib'j Jehová sDiosal eb', yet' tas tzyal 'a eb', xin chi cob'i'. Palta smasnil jun tzo'n̈ eb' cha, an̈jtona x'och eb' tenmtacl 'a Dios, ma'ix syiclj eb' tas 'ix yala.

Mr 6:26

Caw wal xcus win rey cha, yic xyab'n winac, palta man̈x 'ic yal sc'ojl win 'ix sma'q'ui, yujto tox 'ix sloc win sb'i Dios, 'ix yab' pax ewin 'ayc' yet' winac.

Lc 18:23

A yic xyab'n win jun tzo'n̈ cha, caw xcus chan̈ winac, yujto caw rico winac.