Lc 18:14 - Chuj San Sebastian Bible

¹⁴ An tzwal 'ayex, a win tecm 'el tumn cha, yic mantzac pax win 'a yatut, yajn̈j cha, xyaln Dios to wach' win 'a sat. Palta ax win fariseo cha, ma'ix yal Dios to wach' win 'a sat. Yujto a eb' tzyij chan̈ sb'a, man̈x 'a jac yel'ch 'oj 'aj eb'. Ax eb' tzyij 'ejm sb'a, caw niwn yel'ch 'oj 'aj eb', xchi Jesús.

Chuj San Mateo Bible

¹⁴ A in tic svala' to ayic ix pax vin̈ tecumel alcabar chi', vach'xo vin̈ d'a yichan̈ Dios. Axo pax vin̈ fariseo chi', man̈ vach'oc vin̈ d'a yichan̈ Dios, yujto a eb' syic'chaan̈ sb'a, ol ic'jocxiemta eb'. Axo eb' syiq'uemta sb'a, nivan ol aj yelc'och eb', xchi Jesús.

Lc 18:14 Iomraidhean Croise

Job 22:29

A Dios 'oj 'i'nc can 'ejm eb' tzyij chan̈ sb'a, ax scolwj yet' eb' 'emmquilal yeq'ui.

Job 25:4

Toc 'ay junc 'anma may smul 'a sat Dios, toxn may xon mach wach'.

Job 9:20

Q'uinloc cob' tzwala to caw wach' in, palta mun an tzwixtj 'el in b'a yuj tas tzwala. Toto tzwala to caw tojl in nab'en, palta a tas tzwal cha, a 'oj ch'oxnc 'el in paltail.

Salmos 138:6

Wach'xam chan̈ 'aj 'ayach, palta tzel 'emt eb' 'emmquilal yeq'ui. Ax eb' b'an̈quintac, caw najt yajl eb' 'a a stz'ey.

Salmos 143:2

Man̈ in a b'eyc'ojloc an a checb' in tic, yujto may junc 'anma tojl 'a ojltac.

Ex 18:11

A ticnec, caw wal xwojquej 'eli to a Jehová, yel xo wal 'ec'b'al 'a yib'n̈ jun tzo'n̈ tzalx 'och diosal, yujto ex colx 'elt 'a yol sc'ab' eb' 'aj Egipto yu'uj, wach'xam niwquil cob' xyutj sb'a eb' 'a yojltac Jehová, xchi Jetro cha.

Pr 15:33

A mach 'ay yel'ch Jehová 'a sat, caw tzq'uib' sjelnal; toto tznib'j to niwn yel'chi, yowlal 'emmquilal tzyutj sb'a b'ab'el.

Pr 18:12

A b'an̈quinal, tzon̈ yijec 'ejmi, ax 'emmquilal tzon̈ 'ijxec chan̈ yu'uj.

Pr 25:7

Yel xo wach' toto a win rey tzex 'awtn 'at yet' 'aj 'ay cha, sec matz 'el e q'uixwel eyijx 'elt 'a scal eb' niwc winc cha.

Pr 29:23

A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.

Pr 3:34

A Dios tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb'.

Ec 9:7

Ex wit 'anma'il, ca'c tzaljoc qui c'ojl qui wa'i, tzcu'nec tas tzcuq'uej, yujto a jun tic caw wach' 'a sat Dios.

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Habacuc 2:4

Tz'ib'j can paxi, chajtlto a eb' maysch'olnil sb'eyb'al, caw wal tzb'an̈ sb'a eb', palta ax eb' tojl snab'en, pitznn̈ej eb', yujto tzin ya'ch eb' 'a sc'ojol, xchi Dios.

Mt 23:12

Tzann̈j eb' tzyij chan̈ sb'a, 'oj 'ijxoc 'ejm eb', ax eb' tzyij 'ejm sb'a, 'oj 'ijxoc chan̈ eb'.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Lc 1:52

Xyi'n can 'el eb' yajl 'a yopiso, ax eb' 'emmquilal yeq'ui, a eb' 'ix yij cha'an̈.

Lc 10:29

Palta ax winac, ton̈j tznib'j win scol sb'a, yuj cha, xyaln pax win 'ixtc 'a Jesús: —¿Palta mach eb' wit 'anmal chi tzyal cha? xchi win 'a 'a.

Lc 14:11

Tzann̈j mach tzyij chan̈ sb'a, 'oj 'ijxoc 'ejmi, man̈x 'a jac yel'ch 'oj 'ajoc. Palta ax mach tzyij 'ejm sb'a, 'oj 'ijxoc cha'an̈, caw niwn yel'ch 'oj 'ajoc, xchi Jesús.

Lc 16:15

Yuj cha, xyaln Jesús 'ixtc 'a ewinac: Ax xo tic, cojxn 'a sat eb' 'anma wach' tzeyutj e b'a, palta ax Dios, yojtac tas yaj e nab'en. A jun tzo'n̈ tas niwn yel'ch 'a sat eb' 'anma', caw yajb'il yuj Dios.

Ro 3:20

May junc mach wach' 'a sat Dios, yujn̈ej tzyiclj tas tzyal jun ley cha. Yujto a jun ley cha, cojn 'ay yopiso sch'oxni to 'ajmul on̈c qui masnil.

Ro 4:5

Palta ax Dios, wach'xam matz on̈ munljec 'a 'a, cojn toto tzca'c 'och 'a qui c'ojol, to 'ixta', wach'n̈ec 'a sat. 'Ixta tz'aj junjn mach to tz'och smul 'a sat Dios, toto tzya'ch wal sc'ojl 'a 'a.

Ro 5:1

A ticnec, tox 'ix yal Dios to wach'n̈ec 'a sat, yujto tzca'c 'och qui c'ojl 'a 'a. Yuj cha, junc'ojlal xoj tzon̈ 'ajc yet'oc, yujn̈ej Cajlil Jesucristo.

Ro 8:33

An̈ec sic'b'iln̈ec 'el yuj Dios, may xon junc mach tztac' on̈ ya'nec queja 'a 'a. Atn Dios tzalni to wach'n̈ec 'a sat.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.

A Ch'an̈ B'ab'el Libro Samuel 1:18

—Yuj wal dios 'ayach, xchi 'ix 'a winac. Xlajw xoj cha, 'ix pax 'ix 'a 'aj 'ay sposada cha, 'ix wa 'ix 'a tzaljc'ojlal, man̈x 'a scusc'ojlal 'ix.