Lc 18:11 - Chuj San Sebastian Bible

¹¹ Ax yic xc'och win fariseo cha, 'ix 'och lin̈an. 'Ix leslwi 'ixtic: Ach in Diosal, tzwac' yuj diosal 'ayach, yujto an tic man̈ in lajnoc 'icha jun tzo'n̈ xo 'anma'. A eb' cha, caw 'elc'm eb', man̈ tojloc snab'en eb', caw tzmuln pax eb'. Yet' pax win tecm 'el tumn tic, yuj wal dios, man̈ in lajnoc yet' winac.

Chuj San Mateo Bible

¹¹ Ayic ix c'och vin̈ fariseo chi', ix q'ue lin̈an vin̈. Ix lesalvi vin̈ icha tic: Ach in Diosal, svac' yuj diosal d'ayach, yujto man̈ in lajanoc yed' juntzan̈xo eb' anima. A eb' chi', elc'um eb', man̈ vach'oc syutej sb'a eb', tz'em eb' d'a ajmulal. Yed' pax jun vin̈ tecumel alcabar tic, svac' yuj diosal d'ayach yujto man̈ in lajanoc yed' vin̈.

Lc 18:11 Iomraidhean Croise

Salmos 134:1

E masnil ex schecb' Jehová, alc e wach' paxti 'a 'a. Jantc ex to 'ayx 'ec' 'a yol yatut 'a junjn 'ac'wal,

Salmos 135:2

Jantc ex 'ayx 'ec' 'a yatut Jehová, yet' ex 'ayx 'ec' 'a yamq'uil yatut qui Diosalec,

Pr 20:6

Til wal eb' tzalni to 'ayn̈j schamc'ojlal eb' 'ayn̈ec, palta jaywn̈ej eb' tztac' ca'nec 'och yipc qui c'ojol.

Pr 30:12

'Ay pax mach tznani to caw may xon jac smul, palta mantzac sb'o yaj smul 'a yib'an̈.

Is 1:15

A yic tzcob' ex leslwi, tzlaj cob' e mojchan̈ e c'ab' 'ayin, palta 'oj in c'ub'c 'el in sat 'ayex. Wach'xam cob' niwn tas tzeyal 'a e lesl cha, ma'oj wab'i', yujto milm ex cham 'anma'.

Is 58:2

Junjn c'u tzcob' 'och eb' 'a 'emmquilal 'ayn yalni. Caw tzalj cob' eb', tznib'n eb' cob' yojcoc 'el in b'eyb'al. Lajn xo wal tzyutj sb'a eb' 'icha junc chon̈b'al eb' 'anma tzb'on swach'il. May 'aj tzyij 'el eb' snab'en 'a in checnb'il. Caw tznib'j eb' cob' yojcoc 'el jun tzo'n̈ checnb'il yic tojlal, tzch'oxn eb' 'ilxoc to 'ay stzaljc'ojlal eb' sjaw 'ayin.

Is 65:5

Tzlaj yaln eb' 'ixtic: Wach' eyaj ta', man̈ ex jawc 'a qui tz'ey tic on̈, yujto an̈ tic on̈, caw 'ay smay on̈ eyamni, xchi cob' eb'. A jun tzo'n̈ 'anma cha, lajn wal eb' 'icha te c'ac' 'aychi tz'ec' c'u; caw tu s'at stab'l 'a yol qui n̈i'.

Jeremías 2:28

Ex 'aj Judá, ¿'ajtil 'ay jun tzo'n̈ e diosal e b'ojnac? ¡'Icha wal sb'isl e chon̈ab', 'ixta wal sb'isl eb' e diosal chi e b'ojnac! ¡Jaw cab' eb' quilnoc, ax quilni, toto 'oj stac' ex scoln eb', yic 'oj c'och stiempoal sjaw yailal 'a eyib'an̈!

Jeremías 2:35

Wach'xam 'ixta tze b'o'o, palta tzeyal 'ixtic: An̈ tic, caw wach' on̈, may qui mul, man̈ 'ayc cot yowl sc'ojl Dios 'a quib'an̈, xe chi. An xo an Jehová in tic, 'oj wa' cot yailal 'a eyib'an̈, yujto matz eyojquej 'el e mul.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Mt 10:3

'Ayc' pax Felipe, Bartolomé, Tomás yet' Mateo, atn jun tecm 'el tumn 'a yic yalan̈, yet' Jacobo yunnal Alfeo, yet' Tadeo.

Mt 5:20

Yuj cha, tzwal 'ayex, yowlal tojl tzeyutj e b'eyb'al 'a yib'n̈ sb'eyb'al eb' cuywjum 'a ley yic Moisés yet' eb' fariseo. Toto ma'ay, ma'oj eyoch 'a yol sc'ab' jun 'aj satchan̈ chi jun xo.

Mt 6:5

A yic tzex leslwi, caw matz tac' tzex leslwi 'icha eb' chab'sat yaji. Yujto a eb' cha, ton̈j tznib'j eb' tzq'ue lin̈n leslwoc 'a yol jun tzo'n̈ scapiya, yet' 'a 'aj tzchaj sb'a caye, sec tzlaj yal eb' 'anma wach'l eb'. Wal yel tzwal 'ayex, a yic tzyaln eb' 'anma wach'l eb' cha, atn spac yic eb' chi wan laj schan 'a eb'.

Mr 11:25

Toto 'ay mach tz'och smul 'ayex, a yic tzex leslwi tzeyac' niwnc'ojlal 'a 'a. Toto 'ixta', ax qui Mam Dios 'ayc' 'a satcha'an̈, 'oj yac' lajwc e mul jun xo.

Lc 20:47

Tzyij 'ec' eb' yatut eb' 'ix 'ix chamnc yichmil. Ax yic tzleslwi eb', caw najt tzyutj eb' yoc slesal, sec tzna eb' 'anma', to may smul eb'. Palta a wal ewin cha, yel xo wal niwn yailal 'oj jawc 'a yib'n̈ ewinac, xchi Jesús.

Lc 22:41

Xlajw cha, 'ix sb'esn 'el sb'a 'a eb'. 'Icha snajtil tz'at junc q'uen tzjulx 'ati, 'ixta x'ati. Ata x'em cuman, 'ix leslwi.

Gl 3:10

A eb' tzya'ch yipc sc'ojl syiclni ley yic Moisés, 'ay cot yowl sc'ojl Dios 'a yib'n̈ eb'. Yujto tzyal 'ixtc 'a Ch'an̈ U'un̈: Tzann̈j mach matz yiclnin̈ej smasnil tas tz'ib'b'il can 'a ley, 'ay cot yowl sc'ojl Dios 'a yib'n̈ eb', xchi.

A Scarta San Pablo D'a Eb' Aj Filipos 3:6

Caw wa'jnac 'och in nab'en 'a jun qui cuynb'il chi 'on̈, yuj cha, wa'n 'och syailal eb' yic xo Cristo. C'uxn in yicljnac jantcn̈ej tas tzyal 'a ley yic Moisés, man̈x 'a jac in paltail 'a 'a.

Apoc 3:17

Yujto wan eyaln 'ixtic: An̈ec tic caw rico on̈c 'a sat Dios, caw wach'n̈ec. May jac qui paltailec, xcob' e chioc. Palta man̈ jac tznachj 'el eyu'uj, chajtlto may e ch'olnil, may jac eyel'chi. Yuj cha, 'icha junc mach caw may xon jac tas 'ay 'a 'a, matz uj yilni, jitn 'el paxi, 'ixta 'ex.