Lc 17:6 - Chuj San Sebastian Bible

⁶ Yuj cha, xyaln Cajlilec 'a eb' 'ixtic: —Toto yel tzeya'ch Dios 'a e c'ojol, wach'xam caw jab' 'icha jun pilc sat te rechiwo, 'oj stac eyaln 'ixtc 'a jun niwquil te tic: Q'uen̈ ta yet' smasnil a ch'an̈l yib' tic, 'ixc 'a a mar, 'at 'awj pax a b'a ta', toto 'oj e chioc, 'oj sb'o te 'icha 'oj eyal cha.

Chuj San Mateo Bible

⁶ Yuj chi' ix yalan d'a eb': —Tato yel tzeyac'och Dios d'a e c'ool, vach'chom jab'n̈ej, icha quilan junoc pitan̈ sat an̈ mostaza, ol yal eyalan d'a jun nivan te' tic: Q'uean̈cot yed' sch'an̈al ib'. Tzach b'atcan d'a yol a' mar. B'at avejempax a b'a ta', tato xe chi, ol sc'anab'ajej te' icha tzeyal chi'.

Lc 17:6 Iomraidhean Croise

Mt 14:29

—Cotan̈, xchi 'a Pedro cha. Yuj cha, x'elt 'a yojl te barco cha. 'Ix b'eyb't 'a yib'n̈ a', yic tzc'och 'a Jesús cha.

Mt 17:20

—Ma'ix 'eli, yujto ma'ix eya'ch Dios 'a e c'ojol. Wal yel tzwal 'ayex, toto tzeya'ch e c'ojl 'a 'a, wach'xam caw jab' 'icha jun pilc sat te rechiwo, 'oj stac' eyaln 'ixtc 'a jun witz tic: Eln̈ 'a et'l tic, 'ixc 'a junc xo lugar, 'oj e chioc. To 'ixta', 'oj 'el eyu'uj. Smasnil tas 'oj stac' eyu'uj, toto yel tzeya'ch Dios 'a e c'ojol.

Mt 21:21

—Wal yel tzwal 'ayex, toto tzeya'ch Dios 'a e c'ojol, toto may e chab'c'ojlal, tzann̈j tas 'oj stac' eyu'uj. Man̈ cojnoc tas xin b'o 'a te higo tic 'oj stac' eyu'uj. Palta tztac' eyaln 'a jun witz tic: 'Eln̈ 'a et'l tic, julb't a b'a 'a yojl a mar, toto 'oj e chioc, 'oj stac' eyu'uj.

Mr 4:31

A eb' cha, lajn eb' 'icha junc 'in̈t rechivo tz'awx 'a junc lu'um. A jun 'in̈t cha, yel xo wal yune 'a yib'n̈ smasnil jun tzo'n̈ xo 'in̈t 'a yolyib'n̈q'uinl tic,

Mr 9:23

—¿Tas yuj tzala toto tztac' wu'uj? A mach tzya'ch sc'ojl 'a Dios, smasnil tas tztac' yu'uj, xchi Jesús.

Lc 13:19

A eb' cha, lajn eb' 'icha junc 'in̈t rechiwo tzyawj junc winc 'a slu'um. A jun 'in̈t cha, tzpaq'ui, tzq'uib'i. Lajn tz'aj 'icha jun tzo'n̈ te niwctac, ax no ch'ic, tztac' tzway no 'a sc'ab', xchi.

Lc 17:7

Q'uinloc 'ay junc on̈ 'ay junc qui moso tzon̈ 'a'n servil. 'Ayb't munljoc cu'uj, mto 'ayb't 'ilj calnelu. Ax yic tzjapxi, ¿tom tzcal 'ixtc 'a 'a: 'Ochan̈, 'emn̈ wocan, wa'an̈, tom xqui chi 'a 'a?

Lc 19:4

Yuj cha, xb'ab'lj winac, sc'oln win yip, 'ix q'ue win 'a sc'ab' jun te 'ayc' 'a sti b'e, sec tzyil win yec' Jesús.

Lc 7:13

Yic 'ix yiln Cajlil jun 'ix cha, 'ix 'o'ch sc'ojl 'a 'ix, 'ix yaln 'ixtc 'a 'ix: —Man̈ ach 'oc'oc, xchi.

Lc 7:19

'Ix schecn cot eb' 'a Jesús yic tzwul sc'anb'oc toto a Jesús chi Cristo, atn jun tan̈b'il xon sjaw yuj eb', mto chuc junc xo tztan̈wj eb' sjawi.

1 Co 13:2

Wach'xam caw 'ac'b'il copiso calnec 'el spaxti Dios, mto tznachj 'el tas cujec, smasnil tas mant 'a mach 'ojtnac, toxn̈ej cojquec cab' smasnil tas 'a yolyib'n̈q'uinl tic, wach'xam caw tzca'c 'och qui c'ojl 'a Dios si'mb'il, sec tztac' qui'nec 'el junc witz 'a yet'ul, palta toto may qui chamc'ojlalec, to 'ixta', caw may jac copisoec.