Lc 17:30 - Chuj San Sebastian Bible

³⁰ 'Icha wal 'ajnc jun tiempoal cha, 'ixta 'oj 'aj wal jun c'u yic 'oj in jaw an 'Ochnc in 'Anmal tic.

Chuj San Mateo Bible

³⁰ Icha val ajnac d'a jun tiempoal chi', icha chi' ol aj in ja a in tic, xchi Jesús.

Lc 17:30 Iomraidhean Croise

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Mt 24:3

Xlajw cha, 'ix 'at eb' 'a tzaln Olivo, x'at 'em wocn Jesús ta'. Ax eb' scuywum, 'ix jaw eb' sch'ocj 'a 'a, 'ix yaln eb' 'ixtic: —Tzqui nib'j tzal 'ayn̈ on̈, ¿b'a'n̈ 'oj jawc jun chi xal cha? ¿Tas junc senya 'oj sch'ox Dios yic jab'xoj 'oj a japxi, yet' 'a yic 'oj lajwc 'ec' jun tiempoal tic? xchi eb' 'a 'a.

Mt 24:37

'Icha jun tiempoal yic yec' win Noé, 'ixta 'oj 'aj jun tiempoal yic 'oj in jaw an 'Ochnc in 'Anmal tic.

Mt 24:39

Palta ma'ix nachj 'el xon jac yuj eb', masnto xjaw jun yaxn̈ab' cha, ata xcham eb' smasnil. 'Icha 'ajnc eb' 'a jun tiempoal cha, 'ixta 'oj 'aj eb' 'anma', yic 'oj in jaw tza'njoc.

Mt 26:64

—An ton 'icha tzal tic. Tzwal pax 'ayex, to an 'Ochnc in 'Anmal tic, 'oj in eyila', wocn in 'ejm 'a swach' c'ab' Dios, atn jun niwn spoder, 'oj eyil pax weml 'a scal 'asn 'a satcha'an̈, xchi.

Mr 13:26

'Oj lajwc cha, ax yiln q'ue eb' 'anma', to an 'Ochnc in 'Anmal tic 'oj weml 'a scal 'asun. Man̈ jantcoc in poder yet' in tzictznial, ax in jawi.

Lc 17:24

Yujto 'icha wal junc raya, caw tzsacb' 'el satchan̈ smasnil yu'uj, 'ixta 'oj 'aj in jaw 'a jun c'u yic 'oj in jaw an 'Ochnc in 'Anmal tic.

Lc 17:29

Palta at yic yel win Lot 'a jun chon̈b' Sodoma cha, yemt wal jun c'ac' 'a satcha'an̈, yet' jun tzo'n̈ cotc q'uen caw xilxni stz'a'i. 'Icha wal yem n̈ab', 'ixta wal yemli. Yuj cha, c'uxn chamnc eb' yu'uj.

Lc 21:22

Yujto a wal 'a jun tiempoal cha, 'oj jawc jun niwn yailal yuj yowal sc'ojl Dios. Ata 'oj 'el'choc jantcn̈ej tas tz'ib'b'il can 'a Ch'an̈ U'un̈.

Lc 21:27

'Oj lajwc cha, ax yiln q'ue eb' 'anma', to an 'Ochnc in 'Anmal tic, 'oj weml 'a scal jun 'asun, man̈ jantcoc in poder yet' in tzictznial, ax in jawi.

1 Co 1:7

A ticnec, wan e tan̈wni jun c'u yic 'oj jawc pax Cajlil Jesucristo. Ax Dios, tz'acn tzyac' smasnil yic 'ayex.

1 Co 1:8

A opiso 'oj 'a'nc ste'nal e nab'en, masnto 'oj jawc jun slajb' c'ual, sec wach' a yic 'oj jawc Cajlil Jesucristo, may jac e maysch'olnilal 'a sat.

A Scarta San Pablo D'a Eb' Aj Colosas 3:4

Yujto a Cristo, qui q'uinlec yaji. At 'a yic 'oj jawc paxi, ax qui jawc pax yet'oc. 'Ixta to b'i'an, ax stz'acw qui wach'lec 'icha swach'il.

2 Ts 1:7

Wan eyab'n syal quet' on̈. Palta at 'oj jawc pax Cajlil Jesús, ax ya'n Dios sniwnal qui c'ojlec. 'Oj cot Cajlilec yet' eb' yángel 'a satcha'an̈, atn eb' caw niwn spoder. A yic 'oj 'emloc eb', 'aych eb' 'a scal jun c'ac' tzn̈ilchji.

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

A Sb'ab'el Carta San Pedro 4:13

Palta caw tzalj coyec, yujto junxn̈ej tzon̈ 'ajc cab'n syal yet' Cristo. Toto 'ixta tzcutjec qui b'a, a yic 'oj quilnec sjaw Cristo 'a scal stzictznial, caw 'oj wach' 'ajxc qui tzaljc'ojlalec.

1 Jn 2:28

A ticnec ex chamc'ojlb'il wu'uj, yowlal junn̈j cajc yet' Cristo 'a smasnil tiempo, sec wach' ma'oj qui xiwec ax sjawi. Ma'oj qui q'uixwec pax 'a yojltac yic 'oj jawc cha.

1 Jn 3:2

Ex wu'tac, ex wanb' chamc'ojlb'il wu'uj, yunnaln̈ec xo Dios ticnec. Mant cojcoquec, chajtl yilx 'oj cajec. Palta cojquec to a yic 'oj jawc Jesucristo, lajn 'oj cajc yet'oc, yujto 'oj quilc wal chajtl yilxi.

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.