Lc 17:26 - Chuj San Sebastian Bible

²⁶ Ax yic 'oj in japxi, lajn 'oj 'aj 'icha jun tiempoal yic yec' win Noé.

Chuj San Mateo Bible

²⁶ Ayic ol in jaxoc, lajan ol aj icha jun tiempoal ayic yec'nac vin̈aj Noé.

Lc 17:26 Iomraidhean Croise

Gn 6:5

Ax xyiln Jehová, to yelc'ojlal tzb'o eb' 'anma maysch'olnil 'a sat lum lum tic, caw cojxn 'a maysch'olnil 'aych snab'en eb'.

Gn 6:7

Caw wal tztac in c'ojl yuj eb' 'anma xin b'o tic. Yuj cha, 'oj in satl eb' 'a sat lum lum tic, yet' no cajb'en noc', no calte'al noc', no tzjuc sb'a 'a sat lu'um, yet' pax no ch'ic, xchi.

Gn 6:8

Cojxn wal Noé wach' snab'en 'a sat Jehová.

Is 22:13

A eyico', cojn tzaljc'ojlal tze b'o 'a e q'uin̈, tze miln cham no wacax yet' no calnelu. Tze chi wal chib'ej, tzeyu'n pax 'an̈. Tzeyaln 'ixtic: Wa coyec, cu'c 'an̈, toq'ue ax q'uic'an tzon̈ chamec, xe chi.

Lc 17:22

Xlajw cha, xyaln 'ixtc 'a eb' scuywum: —'Ay wal jun tiempoal 'oj jawoc, 'oj eyal 'ixtic: Comnoc wal tzjaw pax jun 'Ochnc 'Anmal jun 'ejm xo, quen cab' wal junc c'u, 'oj e chioc, palta ma'oj eyila'.

Lc 17:24

Yujto 'icha wal junc raya, caw tzsacb' 'el satchan̈ smasnil yu'uj, 'ixta 'oj 'aj in jaw 'a jun c'u yic 'oj in jaw an 'Ochnc in 'Anmal tic.

Lc 17:27

Yujto a eb' 'anma 'a jun tiempoal cha, ton̈j wanc eb', yu'n eb' tas tzyuq'uej. 'Ay eb' xlaj nupni, 'ay eb' laj ya'jnac 'och yisl yistzilc eb' winc cha, toc sna eb' toto 'ay tas tzjaw 'a yib'n̈ eb'. 'Ixta 'e'nc eb', masnto 'a jun c'u yic yoch win Noé 'a yol te barco. Ata ya'jnac jun owl yaxn̈ab', scham eb' smasnil.

Lc 17:7

Q'uinloc 'ay junc on̈ 'ay junc qui moso tzon̈ 'a'n servil. 'Ayb't munljoc cu'uj, mto 'ayb't 'ilj calnelu. Ax yic tzjapxi, ¿tom tzcal 'ixtc 'a 'a: 'Ochan̈, 'emn̈ wocan, wa'an̈, tom xqui chi 'a 'a?

Lc 18:8

An tzwal 'ayex, caw 'oj sb'oyaj eb' muc'uc. Palta an 'Ochnc in 'Anmal tic, a yic 'oj in jaw pax jun 'ejm xo, ¿tom 'an̈ja 'ay 'anma 'a yolyib'n̈q'uinl tic caw 'aych sc'ojl 'a Dios? xchi Jesús 'a eb'.

A Ch'an̈ Carta D'a Eb' Hebreo 11:7

A Noé, caw ya'jnac 'och Dios 'a sc'ojol. Yuj cha, yic yaln Dios 'a 'a, to tzjaw jun mant checloc, atn jun caw 'ay smay, syicljnac. Yuj cha, sb'ojnac jun barco, sec ata tzcol sb'a yet' eb' yico'. Ax jun tzo'n̈ xo eb' 'anma', c'uxn lajwnac 'el eb' smasnil. An̈jtona', yaljnac Dios to wach' Noé chi 'a sat, yujn̈ej to ya'jnac 'och sc'ojl 'a 'a.

A Schab'il Carta San Pedro 2:5

An̈jtona', ma'ix yac' Dios niwnc'ojlal 'a eb' 'anma 'a yic pecti'. Ya'jnac cot jun owl yaxn̈ab' 'a yib'n̈ eb' maysch'olnil cha. Cojxn wal Noé colchjnac 'el yet' ucwn̈ eb' yico'. A Noé cha, yaljnac can 'el 'a scal eb' 'anma cha, chajtlto yowlal tojl tzyutj eb' snab'en.

A Schab'il Carta San Pedro 3:6

Palta xlajw cha, c'uxn lajwnac 'el smasnil tas 'a yolyib'n̈q'uinl tic yuj a', yujto xcan 'a yich a'. Atn jun tzo'n̈ tic, matz nib'j eb' tzna coti.